1 Bemaa babomu,no bo sa no Yeso apeyi o Pilato. 2 Bopunga nayo ako chongiya,a sugo bo:Tagboka pe guwe ngiya ako titiyo bombi ubeso bitumbuka,bisiya ako lipa manjanja uko Kaijala,obiyo ku a bibana b byo a Kilisito,ngama. 3 Pilato o mubokwoko asugo bo:Wandi ngama o bayuda?Yeso o mutosiyo:Wosugo. 4 Pilato o sigiyo bajee bo kanisa no ambaja bo:Neno komu imi bu bibi nguba mombi ngiya okiyo. 5 Yaka mengana bo kpakpa tabo bimufa,asugo bo:Ako titiyo bombi bi tumbuka,ako paniya bombi amati o Yudeya mubomu,a nigwa ano Galilaya aki a pungee,mupaka aka. 6 Iye Pilato oka ino yo Galilaya,obokuwo bo mombi ngiya nani abiyo ndi mu Galilaya; 7 no,iye oka bo abiyo amati o bungama ngubo Elode,iya okiyo ku ano Jelusaleme no makwaa nguka nani. 8 Iye Elode ena Yeso,okwa igyagya nogbe,do okiyo no musasa nayo ako nina aningwa ijene,do okiyo a nuka masawu kango,no okiyo a tunguwo bo aweja akiya mujija. 9 Omu bokwoko yaka ija nogbe,sokomu Yeso imu tosiyo yaka po mengana. 10 Bajee bo kanisa no batindakiya mabiyo babiyo anani no bokiyo nayo ako chongiya no mujee. 11 Elode,no ba suda ubango,bomu kyananaka bukabukayi,no iya bamu seyaka no bomu pinyiso lipuku lota jeya,bomu tuma ati Pilato. 12 No bisi nguba nani,Elode no Pilato beka banduku,inado bokiyo ba muyaa peyi. 13 Iye Pilato amoma bajee bo kanisa,bajoji no bombi nga bomo, 14 obu sigiyo bo:Nanekiya pe no mombi ngiya ako sugo bo ako titiyo bombi ako tumbuka.Yaka mengana,nomu bokwoko tine tine apeyi eno,sokomu nimufa no yaka po mengana iye nomu chongiyo penge nayo; 15 Gutu ta Elode,apeyi nayo ako tuma iyani,eno komu penge ikyemu iye yo sisekiyo bi muwa. 16 Nanayo ako siya,ambise nayo ako benda fimbo. 17 Ako kila umbo,yoto sisekiyo bo bisiya mombi o igbita mungana. 18 Bo natiya ibo babomu iho:Muweni iyo,no siya Balabasi. 19 Mombi ngiya bamufa pungo ako yaka yo ndibo a buma no awa kuno mombi. 20 Pilato obu yakiya bata no itunguyo ngiye bo bisiya Yeso. 21 Bo natiya bata:Bimu baka,bimu baka akuu o bangbangba! 22 Pilato obu yakiya bata machaa kaatu:Okiyo bubibi nga beno tane?Neno komu ikyemu ngiye osisekiyo ingwo.Na nayo ako siya,ambise nayo ako benda fimbo. 23 Bo natiya bata bumu nogbe,yanita bo bimu baka akuu o bangbangba.Nachokoo ngiye yebo yokaniya: 24 Pilato obu sigiyo bo yaka ngiye yebo ya kyanakiya. 25 Osiya mombi o ndibo ngiya awa mombi,ndi bokiyo anita;obinjo Yeso akpataniya no bukunda nguba bebo. 26 Iye bokiyo anisa nayo,bosika Simoni Silene iya okiyo atowa a kubaa,bomu tumbiso bangbangba,itumba ambise o Yeso. 27 Bombi baja bokiyo nayo ako kpata,no boyi nguba bokiyo ako bendana igungu,no namatana no ikoko akuu ango. 28 Yeso o natana nogbaa aki babiyee,osugo bo:Basabakye bo Jelusaleme,nati na ndiya komu imi,ndiyeni bana beno. 29 Do yabiyo sina no bisi nguba na sugosina bo:Ilo no likatuwa,ama ilo no maa nguka ka siyo komu bana,no mabeyi nguka kamwiso komu bana! 30 Babiyo sina ako sigiyo likpangba bo:Kwa akuu eso!No ako likpangba bo ati kuto! 31 Do bokiyeni si yaka ndiye ako buti bota bubisini,angenengene tiya ubo ta buwe? 32 Bokiyo anisa no bombi bo ndibo bapini,bo bibu maa iho no ati Yeso. 33 Iye baboya a ida ngiye besoko bo Ikpokoo,bobu baka a bangbangba iho no bombi bo ndibo,mungana a ikondo yo guwe,iyomo a ikondo yo moyi. 34 Yeso o sugo bo:Abaa,bi paakiya do bangomu ako nimbia iye bako kiya.Bopakana lipuku ngile lango,ndi bibiyo ako benda gbanda. 35 Ambaja okiyo bemae anani,ako kanga.Bajoji bokiyo ako nowa Yeso,asugo bo:Abiyo pungo ako heiso bange;i heisono tiya iyo mumbinyongo,obiyeni Kilisito,iya Asobee a muchwa! 36 Ba suda bokiyo ku nayo ako nowa,besingana a mutii wango bo minjo madada, 37 asugo bo:Wobiyeni ngama o bayuda,heyaniso! 38 Ba tindakiya mabiyo akuu o bangbangba bo:Iyake a ngama o Bayuda. 39 Mungana o bombi bo ndibo,okiyo ku nayo ako nowa,a sugo bo:Heyaniso wu,woti heiso kuwo isu! 40 Yaka mengana,iya komo o musigiyo mange bo:Wango kumo komu Asobee,nandi nayo no yaka mengana? 41 Isu to size kiyo mukaya nguwo bubibi beso;iyo okiyo komu ikyemu po mengana. 42 No osigiyo Yeso:A tunguwo kuwo,iye weka suo a bungama ubo soo. 43 Yeso omu tosiyo:Nona sigiyo tano ingono,bubunu wabiyo iho no imi akuu a paladijo. 44 Yabiyo tiya basaa meliya no musoti,umwomwo weka ako dodo,mupaka ako basaa isaboku. 45 Ipa yo kutoniyo,no ipuku iye alitale yo natuaniya ako ati. 46 Yeso o natiya iso bumu:Abaa no toso mutima nguwo semi a likondo lesoo. No,iye asugo bani,owo. 47 Iye ngama o basuda ena bani,o bibiso Asobee asugo bo:Mombi ngiya abiyo ta mombi ata ngbingbii. 48 No bombi boto baja nguba babiyo anani,iye bena yaka ngiye ya kyananakiya,botowa,ba namatanake. 49 Babomu uba botembiya Yeso,no boyi nguba basa nayo ako napiya a ningwa ano Galilaya,bokiyo bemae mwanongo lu ako nina yaka ngiye yokiyo a kyananakiya. 50 Yokiyo no mombi o nimbimbyanaka mungana ino bo Yejefu,mombi ata ngbingbii, 51 iya abiyo komu iyo a mati o yaka ngiye bange bakiya;okiyo mombi o Alimate,buma o ba Yuda,no okiyo a betaka bungama ubo Asobee. 52 Mombi ngiya nani osa ati Pilato a nita munda wo Yeso. 53 Owu diso akuu o bangbangba,owu kutoko no lipuku lo igabu,owu maya a bunjawu bo ikopi,aki bango maya sinee mombi 54 Yokiyo bisi bo tambanakiya sabato. 55 Boyi nguba beka aningwa ano Galilaya, ibo nati Yeso,bosa a napiya Yejefu no munda,no bena aka bamu hunoo Yeso amati o ikopi, 56 no,iye batowa,bo tambanaka ligbeyi leta linve no manukato.Kido besaaka ako homuwo ako bisi bo sabato,ndi upanu wasugo.