1 Ako bisi bo mawanjiya,bosa a bunjawu,nekuba yeta di,no ligbeyi leta linve ile ba tambanaka. 2 Bo gboka ikopi ngiye banapiya ako umongu yo bunjawu yongweni; 3 no,iye ba kumoniyo,sokomu bo gboka ndutu yo Muheiso Yeso. 4 Ndi bokiyo komu a nimbiya bo batunguwo tani ako nguwo o yaka ngiye neni,ba malaika bapini bobu chweyaniya no lipuku bo tuu. 5 Bokwa uba,bodiso mesu no muduu,bobu sigiyo bo:Akuu o imani nako hata mombi ngiya amu heye amati o minda? 6 Angomu bata aka,o fufuko penge.Tunguweni namuna ngiya abiyo pungo nenu ako sigiyo,iya okiyo pungo ano Galilaya, 7 asugo pungo bo:Yo sisekiyo bo mwana o mombi injeniyo a likondo lo bombi bota bibi,bimu baka a bangbangba,ifufuka ako bisi bo kaatu. 8 No botunguwo yaka ngiye Yeso abu sigiyo. 9 Iye babiyo ako towa a bunjawu,bo biyakiya yaka ngiye neni ibomu a bakpata no ako bombi nga bomo. 10 Iya okiyo a nungaka yaka ngiye neni ati bakpata bokiyo Maliya Magadala,Jane,Maliya inye o Jake,no uba bomo bokiyo nabo. 11 Bosiko yaka ngiye neni ndi mugenu,no sokomu po bobaya boyi nguba nani. 12 Piele emaa,osa bangu a bunjawu.Iye a chukumo,ena ta lipuku a isi,kido atowa a ndongo,amati o tunguwo yaka yete mbange iye yo kyananakiyo. 13 Kanga,tano bisi nguba nani,bakpata bapini bokiyo anisa a ikumbu mengana ino bo Emausi yokiyo lu no Yelusaleme no ba kilometele batekebe meliya; 14 bokiyo a yakanaka akuu o yaka ngiye ya kyananakiya pe. 15 Iye bokiyo ako yakanaka ati ebo,Yeso o kumoniyo amati ebo,bopunga kyenda nabo. 16 Mesu nguka kebo kokiyo komu nayo a nimbiya. 17 Obu sigiyo bo,nako yakanaka akuu o imani no kyenda,inu babomu no ikoko? 18 Mungana ati ebo ino bo Kleopasi,omu tosiyo bo:Wandiwe ta nangana amati o Yelusaleme iya angomu a nimbiya yaka ngiye ya kyananakiya pe no makwaa ngukake? 19 Imani?Bomu tosiyo bo:Yaka ngiye ya kyananakiya pungo akuu o Yeso iyo Najaleti,iya okiyo pungo gugu iyo angu a mukyananakiya no ako monu apeyi o Asobee no apeyi o bombi, 20 no bajee bo kanisa no ba joji nguba beso bamu sambiso pungo no bosugo bo bi muwa nayo ako baka a bangbangba. 21 Tokiyo pungo a tunguwo bo tiya iyo aka heiso Isilaeli;yaka ngiye neni yatiya no makwaa kaatu aka yakyananakiya pungoo. 22 Ya ingono bo boyi amati eso bati kiso pe uba nogbe;basa pungo a bunjawu apelu nogbe 23 sokomu bi gboka ndutu yango,beka anunga bo ba malaika babu chweyaniya bobu sigiyo bo a fufuka,a heya. 24 Bombi bomo uba tabiyo nabo basa a bunjawu,bo gboka yaka tandaka boyi nguba basa peyi basugoo;yaka mengana,sokomu bimina. 25 Kido Yeso abu sigiyo bo:Hii inu nguba na ngomu no nimbiya,no mutima nguweno wa buto ako baya yaka ngiye ba gugu basugo jene! 26 Yabindi pungo asisekiyo bo Kilisito igya ikoko,do okumoniyo a ubiba nguwo wango? 27 No,aningwa ta ati Musa no ba gugu,obu paniya yaka ngiye ya Tindanakiya akuu ango. 28 Iye babiyo tinene ako boya a ikumbu aki babiyee anisa,yomu kiya ndi anisa lu. 29 Bomu kpakpa, asugo bo:Tibieni si nenu,do ipasi ya tiya aduwa,bisi batiya aniyo.Kido a kumoniyo iho nabo. 30 Iye abiyo a meja iho nabo,osika mukati,ambise o bibiso,o ubukuwa,no o binjo. 31 Kido mesu kabu ganiya,bo mimbiya,yaka mengana o biboniyo apeyi ebo. 32 Kido ba bokwono ati ebo:Mutima weso wobiyo a nikwa Igyagya amati eso iye obiyo nesu ako paniya yaka ngiye ya Tindanakiya a nengbaa? 33 Bongwa ta angbinga ngiya nani botowa ano Yelusaleme,bogboka bakpata tekebe no mungana,no uba babiyo nabo,ida mengana 34 no ako sugo bo:Muheiso a fufuka pe ta ingono,no achweyaniya pe Simoni. 35 Kido bongaka yaka ngiye yabu gboka a nengbaa,no kundi ba mimbiya ako angbinga ngiya abiyo ako bukua mukati. 36 Iye bokiyo ako yaka bani,iyo mumbinyongo o chweyaniya amati ebo,obu sigiyo bo:Majiyo kibiyo nenu! 37 Bokwa uba,yobu kiya ndi bina abii 38 Obu sigiyo bo:Nambambaniyo do tani,no litunguyo ngile neni la nenu a nikiya gbani a mitima? 39 Kangeni si likondo no mitindi ye semi,yata imi;a boteni si kido nena:abii ango kiya komu no anjibo no maho,ndi na nemi ako nina. 40 Asugo bani,obu pana likondo no mitindi. 43 41 Kundi,babiyo amati o igyagya,bokiyo komu ako baya,do bokiyo amati sangala,obu sigiyo bo:Naku no ikyemu yete gye? 42 Bomu kiya no sipe yete pombe no iboko.43Osika,ogya apeyi ebo. 44 Kido abu sigiyo bo:Yaka ngiye no kiyo pungo nenu ako sigiyo angbinga ngiya tabiyo pungo nenu,bo yo sisekiyo pungo bo yaka ngiye ya tindanakiya akuu asemi a upanu nguwo Musa,amati o bagugu,no amati o mambo. 45 Kido abu gana nimbiya,bo bimbiya yaka ngiye ya tindanakiya. 46 Kido abu sigiyo:Kido ya tindanakiya bo Kilisito agya ikoko,no afufuka a ingwo bisi bo kaatu, 47 no nacho mutima no nipaakiya yo bubibi bayi biyakiya ako ino yango a likumbu libomu,ako punga ano Yelusaleme. 48 Na ba demu bo yaka ngiye neni. 49 Ineni,nani tumiya,ikyemu ngiye Abaa apanaka jene,yaka mengana,biyeni ta amati o buma mupaka suwo na pata angu ngiya anika akuu. 50 Osa nabo mupaka nogbaa ano Betaniya,no,o tumba likondo,obu kiokio. 51 Iye okiyo nabo anu kiokio,obu siya,osa akuu o bisi. 52 Ako ibo,iye bamu bibiso,botowa ano Yelusaleme no igyagya; 53 no bokiyo angbinga mubomu amati o ikaa yo nita ako bibiso Asobee.