1 Umbo nguo mukati sokomu no chachu ino bo Pasika,wokiyo tiya tinene. 2 Bajee bo kanisa no batindakiya mabiyo bokiyo ako hata niwa Yeso;do boto kiya akumo bombi 3 Ina do abii okumoniyo amati o Yuda Isikaliote,iya okiyo mungana o bakpata tekebe no bepini. 4 Kido Yuda asa a nukana no bajee bo kanisa no mangama bo jamu,ako tambaka bo bafa Yeso tani. 5 Bokwa igyagya,bokana bo ba minjo ba gyegye. 6 Iye bokana,bokiyo a hata kayi ngiya bafa nayo Yeso ilo,aka bombi bange mbiya komu. 7 Bisi bo mukati sokomu no chachu,uba bosisekiyo jene a nigya Pasika bo winiya, 8 no Yeso o tuma Piele no Jaa,asugo bo:Seni nesu ako tambanakiya Pasika,do ti gyakakeni. 9 Bomu sigiyo bo:Wokundo bo ti tambanaka gbani? 10 Obutosiyo bo:Kangeni,no kumoniyeni amati o buma,nagboka mombi mungana no upata wo mipo,mukpateni a mbeni ngiya aki akumonieyee. 11 na sigiyo mumbinyo ikaa bo:Mupananakiya o bokuwo bo:Na nigya Pasika no bakpata ubo semi gbani? 12 No ani pana ikaa mengana akuu,no mawolo;inani njoo tambanakeni Pasika. 13 Bosa,no bogboka yaka tandi aka abiyoo nabo ako sigiyo;kido ba tambanaka Pasika. 14 Iye angbinga awiniya,bo wolo akuu o meja,iho no bakpata. 15 Obu sigiyo bo:Nabiyo pe no musasa nogbe bo tigya Pasika iho nenu,apeyi ngiya bo bina kyananaka; 16 do,noni sigiyo,nango gyakaka sina bata mupaka yikyananakiya a bungama ubo Asobee. 17 No,iye asika ikombe,o bibiso,o sugo bo:Sikeni ikombe ngiye,pakaneni ati eno; 18 do,noni sigiyo,nango mwa sina bata mipo ko lipumo lo vino,mupaka sina bungama ubo Asobee beka sina. 19 Ambisongo osika mukati;no,ambise o bibiso,owu bukuwa,obinjo,asugo bo:Ndutu yesemi iye,no ninjo,biyeni ako kiya bo nemi ako tungwoko. 20 Osika ikombe,ambise o igyo yepasi,ikombe ngiye ya iguni yetakitaki iyo menike,uka ka njuaka ako yaka yeno. 21 Yaka mengana ikondo yo mombi ngiya ona gabo yeda mengana nemi akuu o meja. 22 Mwano mombi omano ndaka ya tambanakiyoo.Yaka mengana ikoko no mombi ngiya agabaniya no ingbaa yango! 23 Bopunga bokwono ani amati ebo aweja kiya bani. 24 Bakpata bo punga gbungwana amati ebo asugo bo ani aka amuja ako chana bange? 25 Yeso o busigiyo bo:Bangama bo likumbu bali kyendakiso,uba babu fa a bubaya ba bisoko bo ba kyananaka ilo. 26 Yati biyo komu a ndeno ku bani.Yaka mengana mombi ata muja amati eno ibiyo ndi mwana at bele,no mombi ngiya ani kyendakiso kundi iya ani kyananakiya. 27 Do ani aka muja,mombi ngiya akuu o meja, ama mombi ngiya esooko?Si ga ngiya akuu o meja?Kangeni tiya imi,na amati eno tiya ndi mombi ngiya esooko. 28 Inu,na bombi nguba nagya ikoko iho nemi amati likaniyo; 29 kido no napiyo bungama apeyi eno,kundi Abaa ngiya asemi a napiyaa apeyi a semi, 30 do gyeni no mweni akuu o meja a bungama ubo semi,do woleni akuu o kiti o bungama,ako kiyo joji iyo mafini uko Isalaeli. 31 Muheiso o sugo bo:Simoni,Simoni,Abii anenu ako nita,do ini tiyo ndi akuku o mukati. 32 Yaka mengana nana lumbiya pungo,do baya ngiye soo yati kola komu;no uwe,iye wa nacho sina mutima,saliya banduku bosoo. 33 Piele omu sigiyo bo,Muheiso,na musisekiye a nisa nowe a igbita ama a ingwo. 34 Yeso o musigiyo bo:Piele,nona sigiyo,kobo ango natiya komu bubunu wona tatani komu machaa kaatu. 35 Obu sigiyo bata:Iye nani tuma sokomu no itumo,sokomu no saki no likpaku,najango ndi jene ikyemu?Botosiyo:Ta janga komu po ikyemu. 36 Obu sigiyo:Itaki taki ngiye,ikikibumu,mombi ngiya no itumo isika,iya ano saki isika ku sikani,mombi ngiya angomu no mapi i gaba lipuku ngile lango o kaya mapi. 37 Do,noni sigiyo,yo sisekiyo bo yaka ngiye ya tindanakiya yikyananakiya amati a semi:Bamu maya a mati o bombi bota bibi.No yaka ngiye yene kango imi yatiya tinene. 38 Bo sugo bo:Muheiso,ina mapi bepini iye.Obu sigiyo bo:Yipa ndanani. 39 Ambise o chweya,osa a kpataniya no yaka yo ikumbu,a ikpangba yo ba olive.Bakpata bango bomu kpata. 40 Iye aboya a ikumbu iye neni,obu sigiyo:Iteni do nati kwokomu amati o ikaniyo 41 Ambise ongo ongwa lu nabo adaa ngiya wogiseni ikopi,no,o gbukumiya no mau,a nita, 42 asugo bo:Abaa wo kundieni penge ambo wochaniso lu nemi ikombe ngiye!Yaka mengana,bukunda bosemi bati kyananakiya komu,ubo soo njoo. 43 Malaika mungana eka nayo ako ninjo angu. 44 Iye a homwana,okiyo a lumba tiya nangu nogbe,uhu womu chweya ndi matawu ko menike,kokiyo a bwanaka a isi. 45 Iye apipo a nita,emaa,eka aki bakpata babiyee,obu gboka bakwale no ikoko,obu sigiyo bo:No kwalo do tani? 46 Jukaneni no lumbeni,do nati kwokomu amati o ikaniyo. 47 Okiyo ta amati o malumba,kanga ambaja eka;iya okiyo ino bo Yuda,mungana o bakpata tekebe nobepini,okiyo a peyi o ambaja.Eka tinene no Yeso,nayo ako kpanga. 48 Kido Yeso amu sigiyo bo:Ta a ingbaa yo kpanga njoo wo gabo Mwana o mombi! 49 Iye bombi nguba ba biyo no Yeso bena yaka ngiye ya kyananakiya,bosugo bo:Muheiso,tiwa ndi no mapi? 50 Mungana amati o bakpata o benda mujee wo kanisa,omu kiyo uchweyi uwo ikondo yo guwe. 51 Yeso osugo bo:Sieni,ipiseni!No,iya abotoo uchweyi uwo mombi ngiya anani,o heya. 52 Yeso o sigiyo bajee bo kanisa,a bangama bo basuda ubo ikaa yo Asobee no bajee ngo bomo,uba beka nayo ako nifa:Neko nemi anita ndi nibiyo ako kponyo mombi o ndibo,no mapi no mangbe. 53 Nokiyo nenu mabisi mabomu a ikaa yo Asobee ngiye,sokomu po nona piya ikondo akuu asemi.Itakitaki ngiye ya tiya angbinga ngiya eno,no angu ngiyo umwomwo. 54 Iye bafa Yeso,bosa nayo a ikaa ngiyo mujee wo kanisa iya tamuja.Piele o kiyo nayo ako kpata mwanongo ambise lu. 55 Bo gbunda gyaa a ibamu,bo woloko a mutii wongo.Piele o wolo ku amati ebo. 56 Baya mungana o mina bawele a peyi o gyaa,omu kanga bo gboo,osugo bo:Mombi ngiya abiyo pe kunayo. 57 Yaka mengana omu tata asugo bo:Moyi,nango mombiya komu. 58 Ambise bele,omo o mina bata,o sugo bo:Wowe kuno bombi nguba.Piele o sugo bo:A guwe,nangomu nayo a nimbiya. 59 Ambise o saa mungana,omo o kpukpaka Piele asugo bo:Yata ingono guwe ngiyake abiyo pungo iho nayo,do amu Galilaya. 60 Piele o mutosiyo:A guwe,mabomu a nimbiya yaka ngiye wako sugo.Ako angbinga ngiya nani,kobo o natiya. 61 Iye Muheiso,a natana,okanga Piele.Piele o tunguwo yaka ngiye Muheiso amu sigiyo:Apeyi ngiya kobo I natiya bubunu,Wana tatiya machaa kaatu. 62 No iye achweya,o ndiya no ikoko kisoba. 63 Bombi nguba bokiyo bofeni Yeso,bokiyo nayo ako seyaka,nayo ako gbolo. 64 Bomu kuto mesu,bo punga nayo ako bokwoko,asugo bo:Pana mombi ngiya ona bendo. 65 Bomu seyaka no liseya dididi. 66 Iye bisi boya,ambaja iyo bajee bo ikumbu no bajee bo kanisa,batindakiya mabiyo,bo momaniya,bosa no Yeso apeyi o ngama o bajoji.Bomu sigiyo bo: 67 Yobiyeni bo wa Kilisito ,tisigiyo.Yeso obu tosiyo:Noni biyeni nango baya; 68 no,noni bokuweni nango na tosiyo. 69 A ningwa bubunu Mwana o mombi anisa ako wolo a ikondo yo guwe iyo angu iyo Asobee. 70 Babomu bosugo:Wandido Mwana o Asobee?Obu tosiyo:Nosugo,na Mwanango. 71 Bosugo:Tandi bata kuno taa yo demu?Toko ta isu bakinyo bongo ako monu kango.