¹ Iye Yeso,a kanga,ena bombi bo likyemu ako maya apepe amati o igayi. ² Ena kuwo woko mungana ako maya gyegye iya ata bele. ³ Osugo bo:Noni sigiyo tano ingono,woko ngiya enjo nenu ako chana inu babomu; ⁴ do yobiyo no panana njoo bombi bomo bomayo ba gyegye amati o igayi,yaka mengana woko enjo iya obiyo nayo mubomu ako ubeyi nguwo wango. ⁵ Ndi bomo bokiyo ako yaka akuu o makopi ko igabu no ba apepe uba bokiyo ako tambanaka nabo ikaa yo Asobee,Yeso osugo bo: ⁶ Makwaa keka sina,ako iye na nina,ikopi Yango tukoo sina akuu o mange yoko kweni komu. ⁷ Bomu bokuwo:Mupananakiya,yaka ngiye neni yeka sina angbinga iya kani,no tembiya yaka yongo tani? ⁸ Yeso o tosiyo bo:Beyonokeni do nati kwo komu.Do bombi baja beka sina no ino yesemi,asugo bo:Yemi,no angbinga a tinene.Nati bu kpata komu. ⁹ Nokeni sina bo lite no bombi a tumbuka,nati kumo komu,do yo sisekiyo bo yaka ngiye neni yika si peyi.Yaka mengana yangomu si mupipiyo. ¹⁰ Kido a busigiyo bo:Ikumbu nge yemo yawa agbanga no yomo,bungama bowa agbanga no bomo; ¹¹ itaka ya guguma sina,no,a bamuwa dididi,bakabu no taa;yabiyo noyaka yeta kiso uba,no liseseniyo likpokpo akuu o bisi. ¹² Apeyi o yaka ngiye neni ibomu,ba napiya likondo akuu eno,bani kyananaka,bani bokwokiso apeyi o bombi,boni maya a igbita,babi nenu apeyi o bangama no apeyi o ba joji,akuu o ino yesemi. ¹³ Yaka ngiye neni ibomu yani kiya do yabiyo iseseniyo. ¹⁴ Nati mbambaniyo komu asugo bo na samba tani, ¹⁵ do na ninjo sina ulala wo nimbimbyanaka uwa bamuyaa beno bango biyo no angbinga nenu ako tosiyo. ¹⁶ Bato no banu beno bani gaba sina,banabanu ,banduku beno no bombi nguba tinene nenu,bamaa bombi Baja amati o eno. ¹⁷ Bombi babomu bani yaa ako ino yesemi. ¹⁸ Yaka mengana undii po mungana wango ngwa a mutu ngu weno; ¹⁹ akuu o mutima wota buto nguweno na heiso sina motima ngiyebo. ²⁰ Neneni sina tiya Jelusaleme o hueni no basuda,sugeni bo ikoko ngiye yango ya tiya tinene. ²¹ Kanga uba babiyo ano Yudeya ba tugbuwa akuu o likpangba,uba babiyo ati o Jelusaleme bichweya,no uba babiyo a ba kubaa bati boyo komu a buma. ²² Do makwaa nguka nani kabiyo makwaa kota bukabukayi,do yaka ngiya ya tindanakiya yi kyananakiya ta ibomu. ²³ Ikoko no boyi bo maa no uba babiyo ako nimwiso babeyi no makwaa nguka nani!Do ya biyo ikoko heteja amati o dodo,no asila akuu o bombi. ²⁴ Bakwa sina babomu asi o mapi woto hete,babi nabo a bubaya a mati o likumbu,no likumbu nge lemo la wechoko sina Jelusaleme no mitindi,mupaka angbinga ngiya o likumbu nga lemo a ndana sina. ²⁵ Ya biyo sina no liseseniyo akuu o ipa,akuu o uyi no ndata.No akuu o dodo,yabiyo no ikoko a likumbu do b ango biyo sina a nimbiya bo bakiya tani,ako ipumbu ngiye lisini ata muja no mipo, ²⁶ baguwe ako niwo no uba ako betaka yaka ngiye yeka sina akuu o dodo;do angu ngiya akuu o bisi abiyo tiya mi mae. ²⁷ Ambisongo tena sina Mwana o mombi anika akuu o likuba no angu no ubiba wotoja. ²⁸ Iye yaka ngiye neni ya punga sina a kyananakiya,tambanakieni nemaiso mutu,do buheya nguba beno batiya tinene. ²⁹ No o binjo bata iseseniyo:Kangeni buti bo figi no mati nga komo. ³⁰ Ko baaeni,wembiya ta uwe mumbinyongo bo igo yatiya anika. ³¹ Ku bani,iye nena yaka ngiye neni a kyananakiya,sugeni bo bungama bo Asobee batiya tinene. ³² Noni sigiyo tano ingono,umbeke uwa nani wango chana komu yaka ngiye neni yo kyananakieni komu. ³³ Bisi no dodo ba chana,yaka mengana yaka yo Asobee yango chana komu. ³⁴ Beyonokeni,do motima ngiye yeno yati kwala komu too no lihute ama no lidamu,ama no itungiyo iyo ubeyi,do bisi nguba nani batika komu sina bo gbututu; ³⁵ do beka sina ndi maiya ako bombi babomu uba bako dodo ³⁶ Nati kwala komu too no iteni angbinga mubomu,do biyeni no angu ako himbo yaka ibomu ngiye ya nika,no biyeni sina bemae a peyi o Mwana o mombi. ³⁷ No musoti,Yeso okiyo a paniya amati o ikaa yo Asobee,oto sa a kwala akuu o ikpangba iye basoko bo ikpangba yo Olive. ³⁸ No bombi babomu,aningwa apelu,boto sa nayo ako gboka anuka isau yete lo.