¹ Amati o makwaa uka nani,iye Yeso okiyo apaniya bombi isawu yetelo ,amati o ikaa yo Asobee bajee bo kanisa,no batindakiya mabiyo,no bajee bekumbu beka, ² nayo ako sigiyo bo:Ati sigiyo bo yaka ngiye wakiya,wakiya no angu ani,ama ani aka nenjo angu ngiya wakiya nayo yaka ngiyeke? ³ Obu tosiyo bo:Nani bokuwo kuwo inu bo.Asigiyeni, ⁴ ubatiso uwo Jaa weka ndi jene akuu o bisi,ama wabiyo ndi wo bombi? ⁵ Yaka mengana botunguwo amati ebo:To tosieni bo:Aningwa akuu,asugo bo:Akuu emani do nako mubaya komu? ⁶ No to tosieni bo:Aningwa ati bombi,bombi babomu bati gisiyo makopi,do ya bayaniya bo Jaa abiyo gugu. ⁷ Kido ba tosiyo bo bangomu a nimbiya bo eka gbani. ⁸ Yeso obu sigiyo bo:Gutu ta imi,nangomu a nimbiya bo nakiya yaka ngiye no angu ani. ⁹ O punga bata ako sigiyo bombi uba babiyo anani iseseniyo ngiye:Mombi mungana a huna vino,o siya kubaa ongo a likondo lo ba baya bango,osa kyenda o gbaliya bo ndii. ¹⁰ Iye angbinga o buoko masoo a winiya,otuma baya ngomo ati babaya bango,biminjo kuwo masoo ko kubaa.Babaya bomu benda,bomu toso ta butuu. ¹¹ Otuma bata baya ngomo;bomu benda ku bani,bo mukyananaka no bomu toso ku butuu. ¹² O tuma bata iyo beetu;bo mukwakaka,no bomu kponyo. ¹³ Mumbinyo kubaa osugo bo:Na kiya tani?Nako tuma tiya mwana asemi iyo bukunda;atiga ba mukumo tiya iyo. ¹⁴ Yaka mengana,iye ba baya ba mina,bo biyanakiya ati ebo a sugo bo:Iyo njoo atukoo sina no mabii;ti muweni,do isu ti tukoo no mabii nguwa. ¹⁵ No bomu giso a beyi o kubaa,no bo muwa.Itaki taki ngiye,mumbinyo o kubaa abu kiya tani? ¹⁶ Eka sina,o maa ba baya uba nani babomu,enjo kubaa a likondo lo bombi nga bomo.Iye boka bani,bo sugo bo:Yekatao komu Asobee! ¹⁷ Iye a giso mesu akuu ebo,Yeso o sugo bo:Yaka iye ya tindanakiya bo ya sugo tani:Ikopi iye bombi uba batuboko ikaa bayi giso,yeka tiya ikopi yo konyo? ¹⁸ Mombi mubomu iya akwa sina akuu ongo,a bunjoo,no mombi iya yamu kwiya sina a wo. ¹⁹ Bajee bo kanisa no batindakiya mabiyo bo kaniyo nayo ako nifa ta anani,yaka mengana bo kumo bombi ba biyo baja.Bembiya bo Yeso okiyo nabo ako sigiyo ibo iseseniyo ngiye neni. ²⁰ Bo punga ako yengiyo Yeso,no nayo ako tumakiya bombi uba bokiyo a tunguwo bo babiyo ngbingbii,bimu pindiya lipindi,ama a gbusana gutu ako monu,do bi muchongiya ati joji,ama ati ngama iya ata muja. ²¹ Bombi uba nani bomu bokuwo bo:Mupananakiya,ta nimbiya bo wa paniya ngbingbii no wangomu ako kanga a beyi,yaka mengana wa paniya ingbaa yo Asobee no ingono. ²² Yo sisekiyo ndi bo tilipa mutebi nguwo Kaijala lipani? ²⁵ Kido abu sigiyo bo:Injeni Kaijala iyo Kaijala,iyo Asobee nenjo ku Asobee. ²⁶ Sokomu bena yaka yeta bibi iye a sugo apeyi o bombi;yaka mengana,yaka ngiye abu tosiyo yobu kyaka,bogbaa bo woo. ²⁷ Mukpekpe yo ba sadukayo,uba ba baya komu bo Mombi akyo fufuka,bomu isinganiya,bo bokuwo Yeso bo: ²⁸ Mupananakiya,Musa ati sigiyo bo:Yobiyeni bo manye o mombi o weni sokomu isiya mwana no moyi ngiya ango,manye a sika moyi ngiya nani ako pundaniso unotu uwo manye ngiya awo. ^{33 29} Ina do,ba manye babiyo meliyanika.Iyo peyi awo sokomu isiya mwana. ³⁰ Iyo bepini no iyo beetu bosika woko; ³¹ babomo ku bani,bowo sokomu bisiya bana. ³² Amupipiyo moyi owo iyo ku woni.33Sina a mupipiyo wo dodo,iye ta fufuka sina,moyi ngiya nani abiyo sina moyi ani?Do abiyo moyi o ibo babomu. ³⁴ Yeso obu tosiyo bo:Bana ubo mago nguka basika boyi no baguwe; ³⁵ uba yabu gboka sina ngbingbii ako kumoniyo ako mago uka kanika no ako fufuka aningwa ako ingwo bango biyo no musasa wo sika guwe ama moyi. ³⁶ Do bango siyo sina bata,do babiyo sina tiya ndi ba malaika,babiyo bana bo Asobee,babiyo bana bo fufuka. ³⁷ Yobiyeni bo uba bawo ba fufuka,njoo Musa a nimbiiso jene,iye abiyo ayaka akuu buti uba babiyo a litiya gyaa,esoko Muheiso bo Asobee iyo Abalama,Asobee iyo Isaka,Asobee iyo Yakobo. ³⁸ Ina do Asobee angomu Asobee iyo minda,anjoo iyo uba bano buheya;do ako iyo babomu baba heye. ³⁹ Mukpekpe yo batindakiya mabiyo bo sigiyo Yeso bo:Mupanakiya,wo yako ilo. ⁴⁰ Sokomu bata bi mubokuwo yaka. ⁴¹ Yeso o busigiyo bo:A yaka ye imani bakyo sugo bo Kilisito a mwana Daudi? ⁴² Daudi iyo mumbinyongo asugo bo a mati o Mambo bo:Muheiso asigiyo Muheiso wo semi:Wolo a ikondo yo guwe iye semi, ⁴³ mupaka sina wakyendaka akuu o bamuyaa ubo soo. ⁴⁴ Daudi a misoko bo Muheiso;a mwana ango tani? ⁴⁵ Iye bombi babomu bokiyo nayo ako nuka,o sigiyo bakpata bo: ⁴⁶ Beyonokeni no batindakiya mabiyo,uba kunda kyendaka no ba lopu bota bakpokpo,do bibu bokuwo ati o bombi;bakunda woloko a peyi a mijonokiyo,bakunda bo bibina ako mambo; ⁴⁷ uba bayangiso likaa loba woko,bakiya no malumba koto matamata ati o bombi,bakiyo sina mukombo ngu webo bukayi.