1 Iye Yeso,akumoniyo amati o Yeliko,o chana amati o buma. 2 Mombi o likyemu mungana ino bo Jakayo,ngama o bandombe, 3 okiyo ako hata a nina Yeso;sokomu iyo ako weja do bombi boipkiyo Baja,no iyo ku gbi. 4 Osa bangu apeyi,o leto akuu o buti do ina Yeso,do okiyo ako chana ingbaa a nani. 5 Iye Yeso aboya asi o buti ngubo anani,o kanga akuu no osugo bo:Jakayo,ujo gagaa,do nanisa bubunu a ndoo a ndeyi. 6 Jakayo ojo gagaa no osa nayo ako pokiya no igyagya. 7 Iye bombi bena bani,bo punga yakanaka ati ebo,asugo bo:Oso a wo lo tiya ati mombi ata bibi. 8 Jakayo emaa apeyi o Muheiso,o musigiyo bo:Ina si Asobee,nakyo injo ba masikini iboyo yo likyemu ilesemi,yobiyeni bo nakiya jene mombi bu Bibi,namu tosiyo machaa bogina. 9 Yeso o musigiyo:Biheya bo kumoniyo bubunu andoo ambeni,do gangiya aku mwana o Abalama. 10 Do Mwana o mombi eka ingainga ako hata no heiso bombi nguba bepaniya. 11 Babiyo Anika yaka ngiye neni,Yeso o matiya iseseniyo nga yomo,do abiyo tinene no Yelusaleme,bokiyo a tunguwo bo bungama ubo Asobee ba nika gagaa. 12 Osugo bo:Mombi o notaniya yekuu,asa kyenda yeta lu,asa ako hata bominjo bungama,otowa do tiya. 13 Esoko ba haha bangotekebe,o injo mombi nombi bagyegye tekebe,obu sigiyo bo:Notiseni mupaka Sina natowa. 14 Bombi bo ikumbu bomuyaa ngama ngiya nani,botuma mombi a mbise ango,osugo bo:Tangomu ako haha bo Mombi ngiya anani ibiyo ngama akuu eso. 15 Iye a towa,ambise nayo ako ninjo bungama,esoko ba haha bango uba a ninjo bagyegye,do imbiya bo mombi no mombi akiya bagyegye tani. 16 Iyo peyi eka,osugo bo:Muheiso,gyegye ngiya asoo achweiso bagyegye tekebe. 17 Osugo bo:Yelo,baya ata bulo do wabiyo ngbingbii ako ikyemu yeta bele,wabiyo ngama o ba buma tekebe. 18 Iyo bepini eka,osugo bo:Muheiso,gyegye ngiya soo a chweiso bagyegye boku. 19 Wabiyo ngama o ba buma boku. 20 Omo eka asugo bo:Muheiso,gyegye ngiya soo iya,namu boso jene; 21 nabiyo no uba,do wakya bukabukayi,wakyo sika ikyemu gutu yobiyeni komu yesoo,wabuoko masoo uka wa huna komu. 22 Omu sigiyo bo:Nona fo akuu o yaka ngiye soo,baya ata bibi;wabiyo a nimbiya bo nakya bukabukayi,nakyo sika iye nanapiya komu,nakyo buoko masoo uka na huna komu, 23 akuu Imani wa napiya komu bagyegye ubo semi a mati o baki,do nosugeni bo namu sika nimu sika no bonofisi? 24 Osigiyo uba babiyo anani:Mu hinieni gyegye ngiya nani,injeni gangiya abiyo no bagyegye tekebe. 25 Bomu sigiyo bo:Muheiso,ano bagyegye tekebe.- 26 Noni sigiyo,benjo Sina mombi ngiya anayo,mombi ngiya angomu nayo,bamu hiniya kuno iye abiyo nayo. 27 A mupipiyo,Ikeni no bamuyaa ubo semi,uba babaya komu bo nibiyo ngama akuu ebo,bumaa eni a mesu kosemi. 28 bAmbise o yaka bani,Yeso o chana apeyi o bombi,osa ano Yelusaleme. 29 Iye babiyo tinene no Betefage no Betaniya a nambamba o ikpangba ino bo ikpangba yo Olive,Yeso otuma bakpata bapini,asugo bo: 30 Seni a ikumbu ngiye ya tinene aka,iye naboya,nagboka mwana o nama munge,iya mombi ango letiyo sina;muboneni,neka nayo. 31 Mombi oni bokuweni:Nakobono ayaka ye imani?mutosiyeni bo:Muheiso ano taa yongo. 32 Uba babutuma bosa,bo gboka yaka ta ndaka Yeso asugoo. 33 Iye babiyo ako bono nama,bombi bekumbu bo bokuwo:Nako bono nama ngiya nani ako yaka yemani? 34 Bo mutosiyo:Muheiso ano musasa wongo. 35 Bo mupelekeya Yeso punda,iya banapiya lipuku akuu ongo,boletiso Yeso akuu ongo. 36 Iye napunga kyenda,bombi bopunga nawa lipuku a nengbaa. 37 Iye babiyo tinene no Jelusaleme,a nujo ikpangba yoba olive,ambaja ata muja abiyo nayo ako kpata no igyagya,bopunga ako bibiso Asobee no iso yeta bumu,Ako yaka yete mbange iye bena. 38 Bokiyo a sugo bo:Ubiba no ngama ngiya anika ako ino yo Muheiso!Majiyo akuu o bisi,ubiba akuu nogbe! 39 Mukpekpe ye bafalisayo,amati o bombi,bosigiyo Yeso bo:Mupananakiya,gbema bakpata ubo soo. 40 Obu tosiyo:Noni sigiyo,bogbaaeni,makopi ka natiya! 41 Iye abiyo aboya tinene no buma,Yeso ena buma,omu ndiya a sugo bo: 42 Uwe pepe,no makwaa ukake, wenjononeni,wembiyeni penge yaka ngiye ya akuu o majiyo uka kosoo!Itakitaki ngiye ya inayaniye a mesu kosoo. 43 Yabiyo sina na bisi uba ba muyaa bosoo bana kunguwo sina,bona maya a igbita,bona sanga magbaa mabomu; 44 bana yangiso,uwe no bana bosoo a mati asoo,no bango siya sina ikopi akuu o ikopi do wembiyamu jene angbinga ngiya mubika eka jeneoo. 45 Okumoniyo amati ikaa yo Asobee,opunga kponyo bombi nguba bokiyo ako gaba,asugo bo: 46 Ya tindanakiya bo:Ikaa iye semi yabiyo ikaa yo bibiso Asobee. Yaka mengana,Inu no inacho ikaa yo bombi bo ndibo anaba. 47 Okiyo a paniya mabisi mabomu a ikaa yo Asobee.Bajee bo kanisa,batindakiya mabiyo,no bakuu bekumbu bokiyo a hata nayo ako niwa; 48 bokiyo komu animbiya bo ba muwa tani,do bombi bo mukundo nogbe.