¹ Yeso o binio bata iseseniyo,a pananiso bo yosisekiyo nita mabisi mabomu,sokomu no bomba. ² Osugo bo:Yabiyo a buma mungana joji mungana o koto kumo komu Asobee,sokomu okumo mombi ku bani. ³ Ku amati o buma ngiya nani yokiyo no woko eka nayo ako nungiya bo:Anakiyo ngbanga ngiya. ⁴ O kiyo ako yaa amati o makwaa maja.Bisi mungana o sugono bo:Gutu ndi nokumeni komu Asobee,no mombi, ⁵ do ndi moyi ngiya a nemi ako julu nogbe,na hata nayo ako kiyo ngbanga ngiya ango,do isiya nemi ako julu. ⁶ Muheiso o matiya bata:Ukeni yaka ngiye joji ata Bibi asugo. ⁷ Asobee ango kiyo ndi ngbanga o bombi bango,uba ba andiya nabutu no musoti,no agbaliya ndi sina akuu ebo? ⁸ Noni sigiyo bo,a bu kiiyo Sina ngbanga.Iye mwana o mombi eka sina,agboka ndi sina kuwo haha ako dodo? ⁹ Osugo bata osisekiyo ngiye,ako bombi uba natunguwo bo ba ngbingbii,no bango kanga komu bombi nga bomo: ¹⁰ Bombi bapini basa a nita ako ikaa yo Asobee;mungana abiyo mufalisayo,iya omo ndombe. ¹¹ Mufalisayo,mimae,okiyo a nita asugo bo:Oyi Asobee,Nona biniso do nangomu ndi bombi nga bomo,do nakiya a hiniya bayaka nobombi,nakiya busodo,kundi ba ndombe,nakyo taa igyo machaa kapini amati o koso mungana, ¹² bakyenjo kuno mutebi ako likyemu ngile semi libomu. ¹³ Ndombe,abiyo bemae,okiyo ba chukume;sokomu po akanga mesu akuu;okiyo a bendana igungu,a sugo bo:Oyi Asobee,aniya baka ikoko,na mombi o bubibi. ¹⁴ Noni sigiyo bo gangiyake achweya a ikaa yo Asobee mipaakiye,ako chana iyomo.Do mombi mubomu iya a leto,bamu diso,no iya a disoniso bamu letiso. ¹⁵ Bo mikiya no bana bota belebele,do ibu botoko.Iye bakpata bena bani,bopunga nabo ako kponyo no bombi uba beka nabo. ¹⁶ Yeso obisoko,asugo bo:Sieni haha bota belebele mika a namba asemi,nati bu nagyo komu;do bungama ubo Asobee ba ngbangangbanga ndi ibo. ¹⁷ Noni sigiyo tano ingono,mombi ngiya ango pokiya bungama ubo Asobee ndi mwana at a bele ango kumoniyo. ²⁶ Uba bokiyo nayo a nuka bo sugo bo:Anido aweja ako heya? ²⁷ Yeso otosiyo:Iye ya kyaka bombi Yango kyaka komu Asobee. ²⁸ Piele osugo bo:Ina,tasiya yaka ibomu,tona kpata. ²⁹ Yeso obu sigiyo bo:Noni sigiyo bo,mombi po mungana,iya a siya,akuu o bungama ubo Asobee,ikaa yango,moyi ango,ama ba manye,ise no inye,ama bana bango, ³⁰ o pata ija,a mago nguka,no mago uka Kanika,no mago no mago. ³¹ Yeso osika bakpata tekebe no bepini,o busigiyo bo:Tiseni ano Jelusaleme,no iye ya tindanakiya no gugu akuu o Mwana o mombi yokyananakiyo. ³² Do ba minjo a likondo loba pagano;bamu nowa,bomu kyananaka,bamu tokokiyo malawu, ³³ no,iye bamu benda fimbo,bamu wa,no bisi bo kaatu o fufuka. ³⁴ Yaka mengana boka komu yaka ngiye neni no dada,yabiyo ako ibo yaka yete nayaniye,yaka ngiye boka komu no mwana. ³⁵ Iye Yeso okiyo anisa ano Yeliko,mombi iya a chweyo mesu abiyo bawele a nambamba o ingbaa,a nichochonoko. ³⁶ Iye oka bombi a chana,obokuwo bo yabiyo ani. ³⁷ Bomu sigiyo bo:Yeso iyo Najaleti iya nani ako chana. ³⁸ O matiya:Yeso Mwana o Daudi,ane niya ikoko! ³⁹ Uba bokiyo apeyi bo punga nayo ako toso no mbise,isiya matiya;opunga matiya bumu nogbe:Mwana o Daudi,eniya baka ikoko. ⁴⁰ Iye Yeso emaa,o sugo ga bika nayo,iye esingana tinene,o mubokuwo: ⁴¹ Wakunda bo mina kiya tani?Omu tosiyo:Muheiso,Nakunda bo mina. ⁴² Yeso o musigiyo:Punga nina,baya ngiye soo Yona heiso. ⁴³ Gbegbe ta anani opunga nina,okpata Yeso,no biniso Asobee.