¹ Yeso osigiyo bakpata bo:Ya bukayi a nangyo yaka yeta bibi yati kyananakiya komu;ikoko no mombi ngiya yaka yeta bibi ya nika ingbaa akeyo. ² Yabiyo gutu penge ilo akeyo,bimu Santa no ikopi yeteja bomu giso a lisini,koliko ikiya bubibi ako bana. ³ Beyonokeni.Nduku asoo okiyeni bubibi,misoko;no,onacheni mutima,mipaakiya. ⁴ Ona kiyeni use bubibi machaa melianika eka nowe ako nita nipaakiya ku machaa melianika,asugo bo:No nacho mutima,-mipaakiya. ⁵ Bakpata bosigiyo Muheiso bo:Ati matiya baya. ⁶ Muheiso osugo bo:Nobieni jene no haha ndi ipumo yo seneve,naweja asigiyo ikpangba ngiye bo:Ungwa,sa anikwa a lisini,yonuka. ⁷ Ani ati eno,obiyeni no muto o teya,ama iya a chunga banama,amusigiyo otoweni a kubaa bo:Isingana gagaa,ika a nigyakaka? ⁸ Ama wamu sigiyo njoo bo:A nesiya igyo gagaa,nogyakakeni,nomwa,ambisongo wogyakaka tiya uwe,no nimwa? ⁹ Wa weja ndi abiyo no nimbiya bulo ubo bayasoo iya nani,do okiyo yaka ngiye wosugo? ¹⁰ No uwe mukinyongo,wo kiyeni yaka haha sigiyo bo kiya,sugo bo:Ta hahaha mota butuu,tokiyo iye to sisekiyo penge a kiya. ¹¹ Iye Yeso asa ano Jelusaleme,ochana ati o Samaliya no Galilaya. ¹² Okiyo akumoniyo a ikumbu mengana bo,bombi bo kebukebu tekebe beka nayo ako gboka.Bemaaki lu, ¹³ bopunga matiya:Yeso,Mupananakiya,ati niya ikoko! ¹⁴ Iye a bina anika,obusigiyo bo:Seni ati hahaha bo Asobee binina.Iye bokiyo anisa,anengbaa bojukanjya ta boheyeni. ¹⁵ Mungana atiebo,anina bo o heyo,o towa a biniso Asobee no iso yeta bumu. ¹⁶ Eka okwa a mitindi yo Yeso,omu biniso.Okiyo mu Samaliya. ¹⁷ Iye Yeso a punga yaka osugo bo:Bombi bo kebukebu tekebe boko heyo ndi?Isaboku ubomo,batiya gbani? ¹⁸ Ndita meka nguwa njoo otowo nemi ako biniso? ¹⁹ Ambise ongo osugo bo:Imaa,wo sa,haha ngiye Soo Yona heiso. ²⁰ Bafalisayo bobokuo Yeso bo bungama ubo Asobee beka sinaako angbinga nga eno tani.Obu tosiyo bo:Bungama ubo Asobee bangomu anika adaa ngiya mombi embiyoo. ²¹ Bango sugo komu bo:Atiya aka,ama:Atiya aki.Inado bungama ubo Asobee batita ati eno. ²² Osigiyo bakpata:Makwaa keka sina,uka nabiyo sina no musasa wo nina makwaa ko Mwano mombi,sokomu no mina. ²³ Bani sigiyo Sina bo:Aka,aki.Nati so komu,nati tugbuwo komu a mbise ango. ²⁴ Do,ndaka Ugbaa wakyo ngenanoo a mupipiyo wo bisi,Mwana o mombi eka sina ku bani. ²⁵ Apeyi ngiya nani,nosisekiyo bo bimu kyananaka si,ambaja ngiya omu giso a mutii. ²⁶ Kundi iye yabiyo jene ako angbinga ngiyo Nowa,ya gboka Sina Mwana o mombi ku bani. ²⁷ Bombi bokiyo ani gyakaka,ani mwa,ako sikana,no ninjo bana a musikana,mupaka bisi uba Nowa akumoniyo nabo a ingboo,ugbaa weka,wobu maa. ²⁸ Iye yeka ako angbinga ngiyo Lote yabiyo ku bani.Bombi bokiyo a kayanakiya,a gabanaka,a hunanaka,a tuboko likaa; ²⁹ bisi nguba Loti a chweya nayo ano Sodomo,ugbaa wota kisoba wants akuu o bisi no niteyo iyani ako dodo,yobumaa ta babomu. ³⁰ Ya biyo Sina ku bani bisi nguba Mwana o mombi eka sinoo. ³¹ Nobisi uba anani,iya haha gboka Sina akuu oupawo no bayaka ubosoo ambeni,wango ujo akosika;iya abiyo a kubaa,ango towa komu bata a no mbise. ³² Tuguweni moyi o Lots. ³³ Mombi ngiya a hata heiso ubeyi nguwo wango,awipaniso,iya awipaniso,awupata. ³⁴ Noni sigiyo,na butu ngiya nani,bombi bapini uba babiyo sina a bukwaa mungana,asika mungana osiya ku mungana; ³⁵ boyi babini uba yabiyosina anuga fufu,asika mungana,osiya ku mungana. ³⁶ Baguwe bapini uba yabiyosina a kubaa,asika mungana,osiya ku mungana. ³⁷ Bakpata bomu bokuwo bo:Yabiyo Sina gbani,Muheiso?Obu tosiyo bo:Aki kinda wabiyee,linjo la omaniya Sina inani.