1 Ako angbinga ngiya nani,mukpekpe yo bombi nguba babiyo babiyo anani bopunga nungakakiya Yeso yaka ngiye Pilato amatakoo menike uko bombi bo Galiiaya no uko mutebi yebo. 2 Obutosiyo bo:Nako tunguwo ba Galilaya guba nani bano bubibi ako chana ba Galilaya nga bomo,do babu kyananaka pungo gbani? 3 Noni si giyo bo haa.Inu noko nacheni komu mutima ku bani,nasiyo suwo inu ku bani. 4 Ama bombi tekebe no bogina uba bawo asi o munara uwo Siloe,natunguwo bo babiyo no bubibi ako chana bombi bo Jelusaleme? 5 Noni sigiyo bo sokomu.Noko nacheni komu mutima,na siyo babomu kundi ibo. 6 Osugo bata kuwo iseseniyo ngiye:Mombi mungana abiyo no buti bo figi a kubaa o vino.Eka ako kanga lipumo akuu ongo,sokomu ogboka. 7 Osigiyo buti bo vino:Mago katiya kaatu aka nafa pungo anika a kanga lipumo akuu asoo,sokomu ni gboka.Bibu kwaka:akuu o imani wanigya itaka butuu? 8 Mumbinyo kubaa omu tosiyo:Muheiso,busiya bata si igo ngiye,na momaka si itaka asi ongo,nochochoko no itaka yo ikaka. 9 Suwo nego ngiyemo,benjeni komu bata lipumo wobu kwaka. 10 Yeso okiyo ako paniya a ikaa yo Asobee,ako bisi bo yenga. 11 Moyi mungana okiyo no kabu o babii iya amikiso ndi indikape amati o mago tekebe no begina;okiyo muguboniye,sokomu a yomoniyo. 12 Iye amina,Yeso omusigiyo bo:Moyi so heyo no kabu iya soo. 13 Omunapiya likondo,gbegbe ta nani moyi ngiya iya nani oyomoniyo,no obibiso Asobee. 14 Ngama o ikaa yo Asobee,mutima womu kiya bibi do Yeso oheiso mombi a bisi bo yenga,osigiyo bombi bo:Yano makwaa meliya uko teya;makwaa uka nani bekeni gsuwo ako pata buheya,sokomu a bisi bo yenga. 15 Bapetanaka!Yeso otosiyo,ati eno ani iya ango kyo bono meme a bisi bo yenga,iya ngo kyo bono nama ngiya an go isa a ni gyakaka ama nimwa? 16 No moyi ngiya,iya a mwana o Abalama,no abii amunga no muki mq go tekebe no begina,yandi bibi nayo ako bonoko miki iye abii amusangaka a bisi bo yenga? 17 Iye okiyo ayaka bani,bamuyaa ubango yobukyaka,no ambaja okiyo no iyagya anina yaka yo ubib 18 Osugo bata bo:Bungama ubo Asobee ba ngbangangbanga no imani,nabu seseniyo si nemani? 19 Ba ngbangangba a ipumo yo seneve iye mombi agiso a ndongo a kubaa, 20 Osugo bata bo:Naseseniyo bungama bo Asobee no Imani? 21 Ba ngbangangbanga no chachu iya moyi akyo maya amati bakopu bo faline baatu,ako fufukisa mukati. 22 Yeso okiyo a chana a mati o likumbu no ba buma,a paniya, no kyenda anisa ano Jelusaleme. 23 Mombi mungana omusigiyo bo:Muheiso,yandi tano bombi uba ba heya?Obu tosiyo bo: 24 Kiyeni nangu akumoniyo ako ingbaa ngiye ta bele.Do,noni sigiyo bo,bombi Baja hahaha akumoniyo,sokomu bi weja. 25 Iye mumbinyo o ikaa emaa Sina akuto umongu,no,inu abeyi,napunga ako benda umongu,asugo bo:Muheiso,Muheiso,ati ganiya baka umongu!ani tosiyo bo:Nangomu a nimbiya bo neko gbani. 26 Napunga ako sugo bo:Tabiyo animwa no nigya apeyi asoo,wabiyo ako paniya a lingbaa ngileso. 27 Atosiyo bo:Noni sigiyo,Nangomu a nimbiya bo neko gbani,ungweni amesu kosemi,Inu bombi bo abii. 28 Inani njoo yabiyo sinandiya no nuga menu,iye nena sina Abalama,Isaka no Yakobo no ba gugu babomu a bungama bo Asobee,no bani giso sina a beyi. 29 Bombi bongwa sina Aki ipa yakyongwee,aki yakyo kwalee,ako ati beka sina a meja a bungama bo Asobee. 30 Kangeni,bombi bo mupipiyo babiyo sina ubo peyi,no bombi ubo peyi babiyo sina ubo mbise. 31 Tano bisi ubo nani,mukpekpe yo ba falisayo beka ako sigiyo bo:Sa,ungwa aka,do Elode akunda nowe aniwa. 32 Obutosiyo bo:Seni,bosigiyo musina uwa nani bo:Nakponyo babii,no naheiso ba kabu bubunu no nekuba,bisi bi kaatu no pipeni. 33 Yanita bo nikyenda bubunu,nekuba,no bisi ubomo; yosisekiyo komu bo gugu iwo abeyi o Yelusaleme. 34 Yelusaleme,Yelusaleme iya a niwa ba gugu no giso makopi uba babutuma,machaa mapitani nafa momaka bana bosoo,ndi kobo ibiyo amomaka bana bango,sokomu no baya! 35 Bana siya sina ikaa ngiyesoo,noni sigiyo bo,nango nena suwo bata,mupaka sina nasugo bo:Igyagya no mombi Anika ako ino yo Muheiso!