¹ Akuu o yaka ngiye yokiyo a kyananakiya,bombi beka ba alofu,tinnene ngiya bo bo wechono,Yeso o sigiyo ba bakpata bango:Apeyi o yaka ibomu beyokeni no chachu iyo bafalisayo,iya a petanaka. ² Yaka po mengana yaweja naba sokomu yimbiyaniya. ³ Ambokido ibomu iye nasugo amati o umwomwo yokaniya bisi buye,no iye nasugo a uchweyi a mbeni o peyi bayuka sina bayi biyakiya sina akuu o mapawu. ⁴ Noni sigiyo Inu nguba nabanduku bosemi:Nati kumo komu uba bawa ndutu no,ambise,bango weja komu akiya ikyemu ngo yomo. ⁵ Nani Mana suwo ani naweja nayo ako kumo.Kumeni iyabo ambise o niwa,ano angu a giso a gyaa,iii,noni sigiyo,iyo njoo nosisekiyo nayo ako kumo. ⁶ Bakyo gaba banoyi boku ako falanga bepini?Ina do mo mungana Asobee animbiya ta babomu. ⁷ No gutu ta ndii ngiye a mutu nguwosoo yepoe.Nati kwo komu uba:nochano banoyi Baja no igabu. ⁸ oni sigiyo,mombi mubomu iya ana binyaniya a mesu ko bombi, Mwana o mombi amu binyaniya Sina iyo kubani apeyi o Asobee; ⁹ yaka mengana mombi ngiya anatiya sina a mesu ko bombi Mwana o mombi a mutatiya Sina a mesu koba malaika noAsobee. ¹⁰ Iya ayaka bibi ako ino yo Mwana o mombi,bami paakiya,iya ayaka bibi akuu o Mutima wo Tatu,bango mipaakiya sina. ¹¹ Boseni ina nenu apeyi o likaa lo Asobee,bajoji no bangama,nati sangala komu bo na samba tani ama na sugo tane apeyi eno; ¹² do Mutima woTatu wani paniya sina gbegbe ta anani yaka ngo yeno tani na tosiyo. ¹³ Mombi mungana asigiyo Yeso bo,aningwa amati o bombi:Mupnanakiya biya nduku a semi bo iti pakiya mabee uweso. ¹⁴ Yeso o mutosiyo:A guwe,ani aka anapiya joji ako paka mabee weno? ¹⁵ Obu sigiyo bata bo:Beyonokeni no muhumu;do ubeyi uwo mombi wangomu ta likyemu. ¹⁶ Obu sigiyo bata iseseniyo ngiye:Ba kubaa ubo mombi mungana banjo masoo maja. ¹⁷ Otunguwo a mati ango,a sugo bo:Na kiya tani?do nango neda a napiya masoo uko semi. ¹⁸ Oyi,nakiya suwo bo:na panja suwo likaa lo masoo ngile jene,notuboko ile ta likpokpo,no moma masoo no likyemu ngile semi libomu;bosigiyo Mutima wosemi bo: ¹⁹ Mutima so semi,wano likyemu tiya lija a mati maja;homuwo,gyakaka,mwa,no wokwa igyagya. ²⁰ Asobee omu sigiyo bo:Ijangi!nabutu ngiyo bubunu na sika Mutima nguwosoo,likyemu ile wa moma,ani aka tukoo nalo? ²¹ Ya kundi mombi ngiya a moma likyemu ako iyo mukinyongo,angomu no likyemu ati Asobee. ²² Yeso osigiyo bata bakpata bango:Njoo maana noni sigiyo bo:Nati bokwono komu bo nekuba tagya imani,ama tamwa imani,ama ta pinyiya imani. ²³ Ubeyi wano dada ako chana igyo,no ndutu yo chano lipuku. ²⁴ Kangeni si banoyi:bango kyo huna ama buoko,bangomu no baga yaka mengana Asobee abu gyakakiso.Nangomu ndi no igabu ako chana banoyi! ²⁵ Ani ati eno,no ndindanaka ngiya yango,aweja matiya mwano makwaa a ubeyi uwo wango? ²⁶ Yobiyeni bo nongo weja ikyemu po mengana,akuu o imani na ndindyanaka? ²⁷ Kangeni si ligbeyi aneju,Bango kiya teya,Bango Sona lipuku ku bani;yaka mengana noni sigiyo bo Solomono ako ubiba uwa abiyo nawo,apinyiya komu ngbanga lo ligbeyi. ²⁸ Asobee opinyiseni si ligbeyi ngile bubunu la a kubaa nekuba baligiso a gyaa,ango no pinyiso mu Inu ayaka ye mani,inu bombi bo haha yeta bele? ²⁹ Inu,nati haha komu ikyemu ngiye nagya no iye namwa,nati mbambaniyo komu. ³⁰ Do bayaka uba Nani babomu bapagano njoo Babu hata nangu.Ato eno animbiya bo nano musasa wemani. ³¹ Hateni si peyi bungama ubo Asobee;kido bayaka ngubomo babomu beka. ³² Wati kumo komu,ambaja o banama,do Ato eno abaya nenu all ninjo mabii so bungama uba nani. ³³ Gabeni likyemu ngile nanalo nenjo ako mutebi.Nayeni bagyegye uba beno Aki bangi siyee,likyemu ile langomu no mupipiyo,akuu o bisi,Aki mombi o ndibo ango boyee,no aki aduu ango gyee. ³⁴ Do Aki ikyemu ngilo mombi la kiyee,mutima uwango wabiyo ku inani. ³⁵ Libuni ngileno libiyo bo ngbemu,bayaka ubeno boye. ³⁶ Inu biyeni ndi bombi nguba babetiya ngama iyebo ika ako musikana,nayo ako ganiya umongu ekeni. ³⁷ Igyagya no hahaha uba bo,iye ngama aboya,abu gboka babisini!Noni sigiyo tano ingono,abu pokiya,osa nano a meja,obinjo igyo. ³⁸ Iboya ako saa bepini ama beetu,Igyagya no haha ngiya amu gboka babisini! ³⁹ Imbiyeni ilo,mumbinyo ikaa obiyeni penge animbiya bo Anika angbinga nga eno tani,ambo Bango kwalamu too,ambo mombi o ndibo ango ibo komu. ⁴⁰ Inu biyeni ku tayali,do Mwana o mombi ekasina all angbinga ngiya Nangomu anibiya. ⁴¹ Piele omu sigiyo bo:Muheiso,waninjo iseseniyo iye neni ako isu babomu ama akonisu bakpata? ⁴² Muheiso omu tosiyo bo:Anita aka biyo muchungaji wotolo iya mumbinyo kubaa amunapiya akuu o bombi,iya abinjo igyo ako ako angbinga ata mulo? ⁴³ Igyagya no haha ngiya Nani,iya ngama iyango,amu gboka Sina akiya bani! ⁴⁴ Noni sigiyo tano ingono,amunapiya sina ako kanga likyemu ile lango libomu. ⁴⁵ Baya ngiya nani osugeni bo:Ngama ngiya semi angomu Anika gagaa,opunga kyananaka bombi bo teya,anigya no nimwa no damuwa, ⁴⁶ ngama o hahaha uba Nani eka sina angbinga ngiya mombi angomu a bimbiya,amufa no aminjo sina mukaya uwo wango wota bibi. ⁴⁷ aya ngiya,akye mbiya ngama iyango,atambanaka mu ikyemu no akiya komu bukunda ngubo ngama,bamu benda sina fimbo muja. ⁴⁸ Yaka mengana,iya amimbiya,okiya mwanongo kwa nani,bamu benda sina ku mwanongo.Beta sina ija ku ako mombi ngiya baminjo ija,beta sina ija nogbe ako mombi ngiya baminjo ija nogbe. ⁴⁹ Neka jene ako giso gyaa iyani a dodo,nahata no taa yemani,yobiyeni tiya ilitiye? ⁵⁰ Yano ubatiso uwa nosisekiyo ako pata,nabetakiya bo wika gagaa! ⁵¹ Nakyo tunguwo bo neka all ninjo majiyo ako dodo? No nungiyo bo sokomu,neka aninjo nagbonyonoko. ⁵² Aningwa bubunu,bombi boku a ikaa mengana ba nagbonyonoko baatu ako bapini,bapini ako baatu; ⁵³ abaa ako mwana,inye o mwana ako mwana ango ata moyi,mwana ata moyi ako inye,inyenguu ako moyi o mwana,moyi o mwana ako inyenguu. ⁵⁴ Osigiyo bata bambaja bo:Neneni ikuba anika Aki ipa yakyo kwalee,nasugo ga:Ugbaa wa nika.No weka kundwana. ⁵⁵ Neneni mahuwo no musoti nosugo ga:Ipa yabiyo bunu nja.Yoya ku bani. ⁵⁶ Bapetanaka!Nakyembiya ta popko ba angbinga,no hali ngiyo bisi;akuu o imani nangomu animbiya popoko angbinga ngiya ke? ⁵⁷ Akuu imani nango popoko inu bambinyongo yaka ngiye ye telo? ⁵⁸ Nobiyeni no mombi no yaka,wobiyeni anisa nayo ako chongiya,mubokuwo si aningbaa,do atiso komu nowe apeyi o joji,joji ina tuma ati joji iya ta muja,bina giso a igbita. ⁵⁹ Nona sigiyo,wango chweya komu inani woko lipeni komu amande.