¹ Yeso okiyo a lumba ida mengana bo.Iye apipo,mukpata iyango mungana omu sigiyo bo:Muheiso,tipaniya ako nita,kundi Jaa apaniya bakpata ubango. ² Obu sigiyo bo:Iye babiyo a lumba,Sugeni bo:Abaa iyeso akuu o bisi!Ino yesoo yibiyo bo tuu;bungama ubosoo bika. ³ Tinjo mabisi mabisi mabomu igyo iye yosisekiyo nesu; ⁴ tipaakiya bubibi ngubeso,do isu takyepaakiya bange ku bange ku bani;wati timaya kumo amati o ikaniyo. ⁵ Obu sigiyo Bata bo:Yobiyeni bo nduku asoo ano nduku,osa nayo ako gboka ati o bisi asugo bo:Nduku asemi,akopesa baka mikate beetu, ⁶ do nduku asemi otowo kyenda,Nangomu no ikyemu ngiye naminjo, ⁷ no yobiyeni ingbaa ambeni,mange o mutosiyo bo:Siya nemi ako damaniso,no kwalemi kwalani,tatiya bakwale imi no Baja bosemi,naweja bata aningwa nowe ako ninjo mikate,- ⁸ noni sigiyo,gutu ongweni komu nayo aninjo,do a nduku ango,angwa penge do isiya nayo ako damaniso,ominjo ikyemu iye abiyo no taa yongo. ⁹ Tiya imi,noni sigiyo bo:Iteni,baninjo,hateni ,kido na pata,bendeni ,kido bani ganiya. ¹⁰ Do mombi mubomu iya eta,ba minjo,iya a hata,apata no bakyo ganiya mombi ngiya akyo benda umongu. ¹¹ Iso mwana nga eno tani anjo mwanaikopi omiteni mukati?Ama omiteni musipe ominjo tiya sii ako ida musipe? ¹² Ama omiteni mukii,aminjo ndi nachakachaka? ¹³ Yobiyeni bo,do na bukabukayi nenjo bayaka bota manjanja ako bana beno,tiya ako yaka ye mani Ato eno iya akuu o bisi angenjo mu Mutima wo Tatu bombi bomiteni. ¹⁴ Yeso o kponyo abii ngiya okiyo ndi ijangi.Iye abii achweya,ijangi yo yaka no ambaja abiyo amati o biniso. ¹⁵ Bombi nga bomo bosugo bo:A kponyo babii ako ino yo Belejebula ngama o babii. ¹⁶ No bomo,nayo ako kaniyo,bo mita iseseniyo aningwa akuu o bisi. ¹⁷ Ndi Yeso okiyo animbiya itunguiyo iyebo,obu sigiyo bo:Bungama bubomu bo nagbonyonokeni amati ango bakwa,no ikaa yakwa akuu yomo. ¹⁸ Yobiyeni bo Abii,amu nagbonyonoke amati ango,bungama uba ango ba gbaliya tani,do na nunga bo na kponyo babii no angu o Belejebula? ¹⁹ No imi nobiyeni a kponyo babii no angu o Belejebula,bana beno bakponyo ako ino yani?Ibo njoo banifa suwo. ²⁰ Yaka mengana,nobiye a kponyo no kpengbe iyo Asobee,bungama ubo Asobee beko a ndeno. ²¹ Mombi ata bumubumu obyeni ako beyoko ikaa ngiye yango,ikaa ngiye neni yabiyo bo woo. ²² Yaka mengana,mombi ngomo omuchaneni no angu,amu hiniya likyemu lo lite libomu,no o lipakiya bombi bango. ²³ Iya angomu iho nemi a muyaa wosemi,mombi o momakeni mu iho nemi ako ngbengo. ²⁴ Iye abii akyo chweya amati o mombi,akyosa ako umuwa wota kakau,ako haha homuwo.Oko pateni komu asugo bo:Batowa ta a ikaa iye nabiyo pee; ²⁵ no,iye atowa,oigboka ibiye bongwa. ²⁶ Osa bata,osika babii nga bomo melianika ubo ta bukabukayi nayo ako chana;bokumoniyo ambeni,bowolo,no ubeyi nguwo mombi ngiya nani,weka tiya Bibi ako chana aka abiyoo peyi. ²⁷ Iye Yeso okiyo ako yaka bani,moyi mungana oletiso iso amti o bombi,osugo bo:Igyagya no buwa uba bana siyo!Igyagya no macheyi uka wamwa! ²⁸ Omu tosiyo:Igyagya njoo no bombi nguba banuka mapanu ko Asobee,no boku beyoko! ²⁹ Ndi bombi nabiyo anika tiya Baja,opunga sugo bo:Umbeke nguwa wo Umbeke wota bukabukayi,banita iseseniyo ngo yomo ako chana iye Yona. ³⁰ Do kundi Yona abuyo iseseniyo aki ano Niniwe,ku ngbanaga Mwana ngiyo mombi abiyo suwo a Umbeke nguwa. ³¹ Ngama moyongo iya kati emaa sina ako bisi bo mupipyo,iho bombi ubo umbeke nguwa obufa,do wongwa a magbaa mabomu ko dodo Anika nuka nimbimbyanana iye Solomono;inado iyeke yo chano Solomono. ³² Bombi bo Niniwe bemaa sina a bisi bo mupipyo,iho no umbeke nguwa bobufa,do hahaha mapanu uko Yona,ina do mapanu ngukake ko chano uko Yona. ³³ Mombi angoya mu uwanga do iunapiya ako umuwa woto babe ama asi o lanja,yaka mengana bamu napiya ingbaa akuu,do bombi nguba bakumoniyo bina uwanga. ³⁴ Iso ngiye sooya uwanga so ndutu iye soo.Iso ngiye soo yobiyeni ilo,ndutu iye soo yabiyo anina;iso yobiyeni no kabu,ndutu yabiyo amati umwomwo. ³⁵ Beyonoko do uwanga uwa amati asoo yati biyo komu umwomwo. ³⁶ Ndutu ngiye soo yobiyeni amati o uwanga,sokomu no ugbaa ngo womo amati o umwomwo,wabiyo ubomu ta amati o uwanga,ndi tala akyo na poya. ³⁷ bAti ngiya Yeso abiyo ayaka,mufalisayo mungana o misoko bo isa ani gyakaka a ndongo. ³⁸ Mufalisayo o sangala nogbe bo ajabana komu apeyi o gyakaka. ³⁹ Muheiso omusigiyo bo:Inu bafalisayo,nagyabaka ikombe ama sani abeyi,ati ngiya amati baba huwe no bukabukayi. ⁴⁰ Lijangi!mombi akiya beyi angomu ndi kiyo aka akiya mati? ⁴¹ Injeni ako mutebi iye yengbaa amati,nokiyeni bani,yaka ngiyebo ibomu yabiyo ilo. ⁴² Ikoko nenu bafalisayo!do nenjo apepe iyo mete,a nengbaa no lanja libomu,nena butuu bungbingbii no bukunda bo Asobee:iye neni njoo nosisekiyo penge a kiya,sokomu abusaa yaka ngo yomo. ⁴³ Ikoko nenu bafalisayo!do nakunda mawolo ko peyi a mesu ko bombi,no bokwono a mesu ko bombi. ⁴⁴ Ikoko nenu!do nandi manjawu uka kange mbiyaniya,no uka bakyendaka akuu ongo sokomu a nimbiya. ⁴⁵ Mungana o bombi bo nimbimbyanaka osugo bo:Mupananakiya,iye wasugo bani,wanunesu anungiya ku nesu. ⁴⁶ Yesu otosiyo bo:Ikoko nenu ku bani bombi bo nimbimbyanaka!do natumbiso bombi litumo leta buto,ile Inu nango weja komu Inu aboto gutu ta no kpengbe ⁴⁷ Ikoko nenu!do natuboko manjawu koba gugu,uba bato beno ba maa. ⁴⁸ Nabibiso yaka ngiye bato beno ba kiya,no noyi baya;do ibo,bamaa ba gugu,inu teya ngiye yeno tuboko manjawu. ⁴⁹ Kido nimbiya iyo Asobee ya sugo bo:Nabu tumiya sina ba gugu no bakpata;Babu maa sina uba bo kyananaka bomo, ⁵⁰ do babokwoko Sina umbeke nguwa nani wo njuakiso menike uko ba gugu uka banjaniya anigwa jene ta a munganiya wo dodo, ⁵¹ aningwa jene ta meniki ko Abeli mupaka all menike uko Jakaliya,iye baluwa ati o Aki boye manama no ikaa yo Asobee,iii,noni sigiyo,umbeke nguwa nani baubikuwo sina. ⁵² Ikoko nenu bombi bo nimbimbyanana!do banguso ifungula yo nimbimbyanana,sokomu no kumoniyo inu bambinyobongo,nogbemiya uba babiyo no musasa wo kumoniyo. ⁵³ Iye angwa anani,uba tindakiya mabiyo no ba falisayo bo punga nayo ako njengenjo ku gbayi,nayo ako bokwoko yaka yaka ija, ⁵⁴ nayo ako pindiya lipindi,do igbusana gutu po a monu.