¹ Iya Yeso akumoniyo,a bisi bo yenga,ati ngama o bafalisayo,ani gyakaka,bafalisayo bokiyo nayo ako kanga. ² Kanga mombi kabu mungana eka a nipaa apeyi ango. ³ Yeso opunga yaka no bokuwo mombi o nimbimbyanana ibo no mufalisayo bo:Yandi bibi ako heiso mombi ako bisi bo yenga? ⁴ Bogbaa ta bo woo.Yeso o tumba ikondo akuu o mombi ngiya nani,omu heiso,omu ngiya bo isa. ⁵ Obu sigiyo bo:Ani ati eno,mwana ama nama ango okweni amati o upiya,ango muchweiso komu a bisi bo yenga? ⁶ Sokomu bo mutosiyo yaka. ⁷ Obusigiyo bombi nguba babiyo anani iseseniyo ngiye,anina bo babiyo ako wesiyo ida yo peyi,obu sigiyo bo: ⁸ Mombi ona sokeni a umbo wango,wati will komu a peyi, do mombi ngomo aweja Anika iya ona chanowe, ⁹ mumbinyo umbo eka nowe ako sigiyo bo:Siya baka mombi ngiya ida iwolo.Wabiyo no bapeyi ako nisa a wolo tiya ambise. ¹⁰ Yaka mengana bona sokeni a umbo,sa a wolo ambise,do mukinyo o umbo ekeni asugo bo:Nduku asemi,ika chana iyani a peyi.Iye neni ya nenjo ubiba apeyi o bombi uba na nabo akuu o meja. ¹¹ Do mombi iya a letoniso bamudiso,mombi mubomu iya a disoniso bamu letiso. ¹² Osigiyo mombi ngiya a misoko bo:Wobiyeni aninjo bombi igyo yo ikuba ama iye ipasi,wati soko komu banduku bosoo,ama bato,ama banduku bosoo uba bano likyemu,do bisi uba banesoko sina uwe,bati nakiya komu uwe ku bani. ¹³ Yaka mengana,wo tambanakeni umbo,isoko ba masikini,lijangi,lindikape no ubo bachweyo mesu. ¹⁴ Wabiyo no Igyagya do Bango weja sina nowe ako tosiyo;banatosiyo sina ako bisi bo mupipiyo. ¹⁵ Mungana o bombi nguba babiyo ako meja nika bani osigiyo Yeso bo:Igyagya no mombi ngiya agyakaka sina a bungama ubo Asobee! ¹⁶ Yeso o musigiyo bo:Mombi mungana esoko bombi a nigyakaka,esoko bombi baja. ¹⁷ Iye angbinga a ndana,otuma haha ango anungiya bombi bo:Ikeni,yaka ibomu yondano. ²¹ Iye haha atowa,ongakiya ngama ango.Mumbinyo ikumbu o tumbuka bukayi,osigiyo haha ango bo:Sa gagaa a jilapanda no lingbaa ilo buma,isoko lijangi,lindikape,no uba ba janga,uba chweyo mesu. ²² Ambise bele,baya eka asugo bo:Mupananakiya,nokiyo ndi wosugo penge,ida yotukoo bata ta tukooni. ²³ Mumbinyo umbo osigiyo baya bo:Sa bata a lingbaa lo mutii,bombi babomu uba wabu g gboka busigiyo bo bika akumoniyo do ikaa yihuwo. ²⁴ Do noni sigiyo,mombi po mungana ako uba na bisoko peyi ba kana sina igyo iyesemi. ²⁵ Bombi baja bokiyo ako kyenda iho no Yeso.Onatana nabo ako si giyo bo: ²⁶ Mombi ekeni a ndemi sokomu oyaa ise no inye,moyi ango no bana,no banduku bango no ubeyi uwo wango ango biyo komu mukpata wosemi. ²⁷ No mombi mubomu iya ango tumba komu bangbangba ubango,ango biyo komu mukpata wo semi. ²⁸ Ani ati eno,iyabo okundeni ako tuboko munara,ango wolo komu si a nambamba no popoko bo wasiyo tani, ²⁹ akumo bo opun geni ako tuboko,ipipo piponi no bombi uba babiyo ako chana bati munowa komu asugo bo: ³⁰ Mombi ngiya apunga tuboko ikaa sokomu oyi pipo? ³¹ Ama ngama nga enotani asa a lite,ango wolo komu a nambamba o tambanaka bo ama ,nisa no bombi alofu tekebe ako lite ama alofu batekebe bapini? ³² Oko kiyeni komu bani ati ngiya ngama iyomo ask ta lu,imu tumiya bombi nayo ako sigiyo bo batiwa komu agbanga,bibiyo amati o majiyo. ³³ No ku bani,mombi mubomu ati eno,osiyeni komu ijangiya iye yango ango biyo komu mukpata so semi. ³⁴ Mukwe ka ikyemu yetelo;yaka mengana kosiyeni angu ongo,baku tambanaka no imani? ³⁵ Kangomu malo a itaka gutu ta ikaka,biku giso a ikaka.Mombi ngiya ano machweyi anuka oka.