¹ ana bo bukunda,nati biyo komu no baya ako yaka ibomu,yaka mengana mbombokeni mitima ibomu,animbiya bo yongwo ndi ati Asobee,do bombi bo petanaka beka sina baja a dodo ngiya. ² Na bimbiya bo bano mutima wo Asobee:mutima ubomu uwa wanimbiya Yeso Kilisito iya eka ndi muto ati Asobee, ³ no ubomu nguwa wango imbiya komu Asobee,iyo a muyaa wo kilisito,iya noka jene bo anika,no a itakitaki ngiye amati o dodo. ⁴ Inu,bana bota belebele,na bana bo Asobee,no nabu sinda sinani do iya amati eno amuja akochana iya amati o dodo. ⁵ nIbo,ba amati o dodo,ambokido ba yaka akpataniya no dodo,no dodo anabo anuka. ⁶ Isu ta amati o Asobee;mombi ngiya embiya Asobee atuka,iya angomu amati o Asobee angotuka komu;anani njoo takyo imbiya mutima nguwa wengono no uwa wangomu no ingono. ⁷ Bana bosemi,ti kundaneni amati eso,do bukunda ba Asobee,do mombi ngiya ano bukunda anotaniya no Asobee no akunda Asobee. ⁸ Iya angomu no bukunda ango imbiya komu Asobee,do Asobee a bukunda. ⁹ Asobee ati pananiso bukunda ubo bango nesu ako tumiya Mwana ango mungana iyani a dodo,do ti heya amati ango. ¹⁰ No bukunda nguba anani,bangomu tado takunda Asobee,yaka mengana do iyo aka ati kunda no o tuma Mwana ango ika ako nigya ikoko akuu o yaka yo bubibi nguba beso. ¹¹ Bana bosemi,Asobee oti kundeni bani,tikundaneni amati eso. ¹² Mombi angena komu sina Asobee;to kundaneni amtieso,Asobee amati eso,no bukunda ngubo bango amati eso. ¹³ Tano bimbiya bo ta amati ango,no iyo amati eso,do atinjo ako ijiyo mutima nguwo wango. ¹⁴ No isu,tena no tobaya no ingono bo Abaa atuma Mwana ndi Muheiso wo dodo. ¹⁵ Mombi ngiya abaya no monu kango bo Yeso a Mwana o Asobee,Asobee a amati ango,no iyo amati o Asobee. ¹⁶ No isu,tembiya bukunda bo Asobee,no tabu baya.Asobee a bukunda,no mombi ngiya o gbaliyo amati o bukunda a amati Asobee no Asobee amati ango. ¹⁷ Kundaka iyo oo,kundaka isu too amati o dodo:ako iye neni njoo bukunda bo ingono boo amati eso,do tibiyo no baya amati eso a bisi bo mupipiyo. ¹⁸ Kumo yangomu amati o bukunda,bukunda nguba bo ingono banguso uba,do uba wakumo mukombo,wobiyeni no uba ambo wangomu ngbigbii amati o bukunda. ¹⁹ Ako isu,tamu kunda do ati kundesu apeyi. ²⁰ Mombi osugeni bo:Nakunda Asobee,no oyaa mange,ano mujee,do iya ango kunda komu nduku ango iya anayo a nina no mesu,akunda Asobee tani,iya ango mina komu no mesu? ²¹ Do atinjo upanu nguwa:Mombi ngiya akunda Asobee akunda kuo mange.