¹ Ineni bukunda nguba Aba atipananiso,do tisokoniyo bo bana bo Asobee!No ya bani.Gutu dodo otimbiyeni komu,do a mimbiya komu iyo ku bani. ² Bana bo bukunda,tatiya bubunu bana bo Asobee,no iye tabiyo suwo mbise yango imbiyaniya komu,yaka mengana tano nimbiya bo,iye yembiyaniya sina,tabiyo ngbanga nayo,do ta mina ndaka oo. ³ Mombi mubomu ngiya ano baya ngiye neni amati ango,i gyabanakiya kundi iyo mumbinyongo amu gyabanake. ⁴ mbi mubomu ngiya akiya bubibi o bundo upanu,no bubibi ba njoo bundo upanu. ⁵ Ina do,Na nimbiya,Yeso eka njoo a nunguso bubibi,do bubibi bangomu amati ango. ⁶ Mombi mubomu iya a amati ango ango kiya komu bubibi;iya a mina komu,a mimbiya komu. ⁷ Inu bana,mombi ati nipeta komu.Mombi ngiya akiya bungbingbii a ngbingbii kundi iyo mumbinyongo a ngbingbii. ⁸ Iya akiya bubibi a abii,do abii akiya jene bubibi ta a mupunganiya.Mwana o Asobee eka ingainga ako yangiso bubibi ngubo abii. ⁹ Mombi mubomu ngiya anotaniya no Asobee ango kiya komu bubibi,do amsoo ko Asobee ka amati ango;ango kiya komu do anotaniya no Asobee. ¹⁰ Bana bo Asobeeno ubo abii bakyo imbiyaniya tiya anani.Mombi mubomu ngiya ango kiya komu bungbingbii angomu iyo Asobee,gutu ta iya ango kinda komu manye. ¹¹ Mombi ngiya bani biya jene yaka yango no nafa jene nuka aningwa a mupunganiya,yabo ti kundaneni, ¹² no tati niya komu ndi Kaina,iya abiyo mombi o munamasa,no iya awa manye.No amuwa ako yaka yo imani?do mukyanakiya nguwo wango wabiyo bibi,uwo manye wokiyo ulo. ¹³ ati nikyaka komu,bayaa,bombi bo dodo boni yaaeni. ¹⁴ Ta nimbiya bo tongwa a ingwo tosa a buheya,do takunda bayaa.Iya angomu no bukunda a amati o ingwo. ¹⁵ Mombi mubomu ngiya ayaa manye,a muyaa,no na nimbiya bo muyaa po mungana angomu no ubeyi uwoto gbaliye bo ndiindii. ¹⁶ Tembiya jene bukunda,do enjo ubeyi nguwo wango akuu eso,tinjo tiya kuwo uweso ako bayaa. ¹⁷ Mombi obiyeni no likyemu lo dodo libomu,no ena manye no angiyo,sokomu ominjo ikyemu,bukunda bo Asobee bandi ta amati ango? ¹⁸ Bana bosemi,tati kundo komu tano monu no ulala,yaka mengana a mukyananakiya no ingono. ¹⁹ Anani njoo tembiya bo ta amati o ingono,no tabiya mitima ngiye Yeso yimaa apeyi ango,do mutima nguwa weso woti chongiyeni, ²⁰ Asobee amuja ako chana mutima nguwa weso,no embiya yaka ibomu. ²¹ Bana bo bukunda,mutima nguwa weso woti chongiyeni komu,tano baya apeyi o Asobee. ²² Gutu ta tomiteni ta ikyemu nga yeno tani,tayi pata do ta beyoko mapanu nguka kango no ta kiya yaka ngiye tell a mesu kango. ²³ Upanu nguwo wango uwa:to haha ino yo Mwana ango Yeso-Kilisito,no tokundana ati eso,ngbangangbanga no upanu nguwa atinjo. ²⁴ Mombi ngiya a beyoko mapanu nguka kango a amati o Asobee,no Asobee amati ango;no Tembiya bo a amati eso ingbaa a Mutima uwa atinjo.