¹ Bana bo semi,noni tindakiyo yaka ngiyeke,do nati kiyo komu bubibi.No mombi o kiyeni bubibi,tano demu ngiya eso ati Abaa,Yeso-Kilisito mombi ata ngbingbii. ² Awo butoo ako bubibi nguba beso,sokomu ta ako uba beso,no bata kuwo ako uba bo dodo mubomu. ³ Tobeyokeni mapanu ukango,anane tembeya ta bo tamu binyiya. ⁴ Iya a sugo bo:Namu binyiya,soku i beyoko mapanu uka kango,a petanaka,no ingono yangomu amati ango. ⁵ Yaka mengana iya a beyoko mapanu kango,bukunda uba Asobee ba ingainga amati ango:anani njoo tembiya ta amati ango. ⁶ Iya a sugo bo a mati ango osisekiyo a kyendaka kundi iyo mumbinyongo a kyendaka jene. ⁷ Inu banduku yangomu mapanu ko itakitaki nguka noni tindakiyo, ya mapanu ko ijene uka noka jene aningwa a mukpanganiya;mapanu nguka nani ukoka noka jene. ⁸ Yaka mengana,ya upanu wetakitaki uwa noni tindakiyo,iya ya ingono ako Inu no iyo,do umwomwo wa tugbuwa bangu no uwanga uwo ingono weko. ⁹ Mombi ngiya a sugo bo amati o uwanga,no oyaa manye,asi ta amati o umwomwo. ¹⁰ Iya akunda mange a amati o uwanga no ikyemu mengana yango mu kwisiso. ¹¹ Mombi ngiya a yaa nduku ango amati o umwomwo,no angomu a nimbiya bo anisa gbani,do umwomwo wa muchweyo mesu. ¹² Noni tindakiyo inu bana,do bubibi nguba beno bepaanakiya ako ino yango. ¹³ Noni tindakiyo,babaa,do nembiya jene mombi ngiya abiyo jene a mupunganiya.Noni tindakiyo,bandambu,do na weja munamasa.Noni tindakiyo,inu bana,do nembiya jene Abaa. ¹⁴ Noni tindakiyo,babaa,do nembiya jene mombi ngiya abiyo jene aningwa a mupunganiya.Noni tindakiyo,inu do nanangu,do mapanu ko Asobee kawolo amati eno,no naweja munamasa. ¹⁵ Nati kunda komu dodo,ama likyemu ngile la amati o dodo.Mombi o kundeni dodo bukunda ubo Abaa bangomu amati ango; ¹⁶ Do yaka ibomu ngiye ya amati o dodo,musasa wo ndutu,musasa wo mesu,no aliya o dodo,Angela komu ati Abaa,eka njoo a dodo. ¹⁷ Dodo achana,no musasa nguwo wango,iya akiya bukunda ubo Asobee agbaliya bo ndii. ¹⁸ Bana bosemi,ya angbinga o mupipiyo,no kundi noka jene bo muyaa wo Kilisito eka,itakitaki ngiye bamuyaa bo kilisito batiya baja:anani njoo tembiya bo ta tiya ako angbinga o mupipyo. ¹⁹ Bachweya amati eso,no babiyo komu beso,do yobiyeni jene beso,jambo bawolo iho nesu,yaka mengana,iye neni ya kyananakiya do yiniya bwaubwau bo babomu nangomu iho nesu. ²⁰ Ako inu,bani leya jene no umbundo no mombi ngiya abo tuu,na babomu no mimbiya. ²¹ Nonitindakiyo,sokomu do nange mbiya komu ingono,do na nimbiya,do mujee mungana wangeka komu amati o ingono. ²² Ani aka ano mujee,ambumu ndi mombi ngiya atatiya bo Yeso a Kilisito?Iya nani a muyaa wo Kilisito iya ayaa Abaa no Mwana. ²³ Mombi o tatiyeni Mwana angomu no Abaa kubani,mombi o bayeni Mwana ano Abaa. ²⁴ Iye noka jene a mupnganiya yi tukoo amati eno.Yobiyeni bo yi wolo amati eno,na wolenu ku amati o Mwana no amati o Abaa. ²⁵ No yaka ngiye ati panaka jene,ya buheya ubo tabu gbaliye bo ndiindii. ²⁶ Nani tindakiya pungo yaka ngiye neni aku uba ba nenu ako nipaniso. ²⁷ Akenu,umbundo nguwa bani leya wawolo amati eno,no nangomu bata no musasa nguwa bo bini pania;yaka mengana umbundo nguwo wango wanipana yaka ibomu,no wa ingono no wangomu mujee,woloni amati ango akpatanakia no mapanu nguka anijo. ²⁸ No itakitaki ngieke, bana bosemi,woleni amati ango,do iye a chweyaniya sina tibiyo no baya bo iye eka sina tati mbambaniyo komu no tibiyo lu nayo. ²⁹ No biyeni a nimbiya bo a ngbingbii,bayeni kuwo bo Mombi mubomu a kyananakiya bungbingbii a notaniya nayo.