¹ Mombi ngiya abaya bo Yeso a Kilisito, anotania no Asobee no mombi ngia akunda mombi ngia akunda amunota akyokunda kuo mombi ngia amunota. ² Tanimbia bo takyokunda bana bo Asobee, atingia takunda Asobee ambo takyananakia mapanu nguko Asobee. ³ Do kunda Asobee ya akyanakia mapanu nguko kango. Mapanu nguko kango kangomu bukabukayi, ⁴ Do ibomu ngiye ya anotania no Asobee yano ubiba ako ubei, no ubeba ako ubei ya baya. ⁵ Ani a aka no ubiba ako ubei ambumu nde ta mombi ngiya abaya bo Yeso a Mwana o Asobee? ⁶ Iyo yeso kilisito ngiya eka no mipo no menike,sokomu tano mipo butuu, alakini no mipo no? menike no mutima wo tatu wamu binyia do mutima wo tatu wa ingono. ⁷ Ibo babomu baatu bamubinyia: ⁸ Mutima wo tatu mipo no menike babomu baatu ba iho ⁹ Bombi boti binyieni, binyia ngiyo Asobee yedja ako chana, do binyia ngiyo Asobee yasugo bo a binyia Mwana ango. ¹⁰ Mombi ngia abaya Mwana Asobee ano baya ngiye neni amati ango:iya ango baya komu Asobee a petanaka, do angomu abaya binyia ngiye Asobee anjo akuu o Mwana ango. ¹¹ Baya yongo yasugo bo, Asobee atindjo ubei uwo togbalie bo ndiindii, no ubei nguwo nani wa amati o mwana ango. ¹² Mombi ngiya ano Mwana ano buheya;mombi ngiya angomu no Mwana o Asobee angomu no buheya. ¹³ Noni tindakio yaka ngiye do imbiyeni bo nano bu heya ubo tabu gbalie bondiindii, inu nguba nabaya ino ngiyo Mwana o Asobee. ¹⁴ Tano baya bo teteni ekyemu ngbanga no mukunda bango ,anesu anuka. ¹⁵ Tembieni bo anesu anuka, tomiteni ikyemu tanimbia bo topato ikyemu ngiye tomito. ¹⁶ Ibinibo mombi eno manye akokia bubibi nguba babi nayo ako ingwo, ita, Asobee amindjo manye buhea anjo ako bombi babomu nguba bakia bubibi nguba bango bi nayo ako ingwo.Yano bubibi nguba bakyosa no mombi ako ingwo; angomu akuu o bubibi nguba Nani njoo nosugo bo iteni. ¹⁷ Yaka yeta bibi ibomu ya jambi,no jambi mubomu a tuma mombi a ingwo ¹⁸ Tano nimbia bo mombi mubomu iya anotania no Asobee angokyo kia komu mubibi; akyo pemanakia no munamasa ango mudua komu. ¹⁹ Tano nimbia bo tamati o Asobee, no ubei ubomu wasi a ango iyo munamasa. ²⁰ Tembia bata kubo Mwana o Asobee eka no otinjo nimbimbyanaka iyo ingainga no tamati o Mwana ango Yeso Kilisito. ²¹ Iyo njoo Asobee Ingainga,buheya ngubo tabu gbaliye bo ndiindii.21Bana bosemi, beyonokeni no likwekwe.