¹ Wita watoka iyani, ka n'sako yatoka iyani mo n'kati ino? ² Endeani wotokilana cheena,woika wayai na tamaa, ka wotokopatakae, woika na n'sako na mata, ka wotoikile na cheena, mendi ate wotokonga. ³ Wokokonga,lakini woto kopata, mendi ate wotoyewileko konga, mokokilikanisa kulu. ⁴ Wino weya wa malembia! wotongewile wino ate kosama chese owa kolea na Mbali? mea asama koika n'samba la chese aika moko kpanisa Mbali. ⁵ Wowaza ate maloba a Mbali akolengena omaya? na wivu ngo Mbali a sama cheto chande acheweka monda ito. ⁶ Ayakowa, kokuluka, chombo chekili, ngo embo wetondi wa owa: Mbali aila weye wakodega. lakini aweka chombo mo weya wapole. ⁷ Yakoi mbali, chichi mosombo, akomatina ka aya oweya kalea ino. ⁸ Ibhati ka Mmbali ka bhe aokibhota ekino. soi maaka ino, wea wa kobhea chetoo; kponyowi wetoo wino wea wa kolimina. ⁹ Ingbi mateso ino, iki mokosunya na masoli; kosea kikino ka tuluke okusa, na toa tino ta tuluke malea. ¹⁰ Kundi mao mpanja na ijije, akonoimaa. ¹¹ Nango kolengeneana obhaya nkati ino wana wa ise. mea okolengena obhaya la monakande alengena obhaya la nngea ka aukumua monakande alengena obhaya la nngea ka aukumua nngea. kumbi ambe oukumua nngea otobhengileawe nngea alakini oukumua nngea. ¹² Mea amoti ngo aokowa nngea ka akoe okumua bhe ngo akoondisaka alimenisa; alakini ango ango oika inye, mea akoukumua monakande? ¹³ Ekino lophona, wea wo woa: wenoutu tokowa mo owango lekile mpena toko choa cheno cheno cha moti, toko chuluza, ka tapta welinge! ¹⁴ Wino watowile mendi yakowa mo mpuma! mendi ate, aika koika kino? woika ngo chelungu cha kosekana mo isautu kasodho ka maili chalimoka. ¹⁵ Waenganana ngo kolengena ate: ambe Mmbali adyalea, tokoika ka koeta cheno ao tia. ¹⁶ Alakini lophena wakoilambisa monda na mawazo ino abhota. nnjo mendi abhea mo koilombisa mmbo. ¹⁷ Mea ayowa koeta mendi akokola, ka nango ate, aeta obhaya.