¹ kowe, molombisa! leya mendi ya chomboo engo akokoiya. ² Olombiya we akobhoa,nngo mbe yawe akomeka. ³ Olo, yawe, meanda akoomeka; naengo kooneka, nakominakiyo mokotonda obhaya yawe, kobhalanganisa minuku yawe, mbatosa. mokosanga weena ya maana mowengo wa mwisho. ⁴ Tenga, malipo ya weya ongo wa tomeka mo isawele. koleya nalongongo aiya monatee ijije. ⁵ Mompatili omotete moongolan koikota mo chetoo mowendi ya taabo. ⁶ Mokondile, moyailea ya liti; engo watoetile okpala naino. ⁷ Lendea, mananna mpaka koiya Mmbali. tenga moekiisa alende ya moko uka weyuma yamotete; molendeange, mpaka embo maula ya mpanja na maili yaengo wakati wakoiya. ⁸ Na ango embo lendeya, nakoyoma chetoo, koiya ya Mmbali awaiyiye. ⁹ Nango komoimanisa meya mpanja na weya ya konsambia wana isemandi ango embo wanokoko eyisa mpanja na weya yaka ata mendi. ¹⁰ Yaka, wana yanna; mendi ya taabo na kolendeya: wasei ya mendi mpanja walengeneli molina la Mmbali. ¹¹ Tenga, tolengena ilongo woengowakoseya taabo. na kolendeya moingbile wako tonda kolendeya ya Yobo; na mokoseya kochoka embo Mmbali aika moko tonkange ya mendi Mmbali aika. ¹² Maili ya mendi eti, wananna, nango kotaliya ya Mmbali atamokiyo, ata omotete, nango monamuna ati. alakini koyakowa chawe aike chande koya kowa. na koila chawe aike chande koila. ¹³ Mo amoka monkati ino aika moo taabo. akosenge meya aika mokoseya. nakoiyembeya Mmbali. ¹⁴ Mo amoka monkati ino mba ainbga mowe obhaya? abhende wengowo onja omokambo ya Mmbali; nango weyayako onja monka ya mendi ya Mmba liwa wa konge Mmbali mendi yande, moko mosunguwa matete molina ya Mmbali. ¹⁵ Kokonga Mmbali mochetoo ilongo ya ngbelenga meya ya ko ngba, na Mmbali moimicha. ¹⁶ Motonde nzambi ino mpanja na weya ya Mmbali; na konga Mmbali yaweya ya liti ya lamisanga! ¹⁷ Eliya aikile meya amoti mba wofe. kokonga mmbali, mendi ya ko kanda maula, na maula aimanile bila kooka. miaka isato na meli omotobha. ¹⁸ Ngo akonga Mmbali lofe, na kiyo ya kilikanisa maula, na motete aokowa wesoo, na weyuma. ¹⁹ wana ise, mba meya monkati ino aibota kpaleya naliti; na ofe ausa. ²⁰ Woyowe meya nngo ausa meya wa nzambi mo ngeya engo aikile kpaleya angbele chetoo amoka mokokpa. na nzambi yande jabunguakooka.