¹ Wana ise, wea wa koula wata oweyi moono mokambo ya kobhaesa mendi ya Mmbali, mendi ate wa kotoyowa mono nango chombo. ² taika moko ikukua moingea ya koula mba mea ataikukuile mokolengena aingba, aengemana ko simba mowe ande otioti na mokulu. ³ Mba taweka kafe nde mo kama ka nngamia mo kotoingba, taendisakae mowe yawo motondo. ⁴ Sei nango wato wekili, wa koimba nako tindeka mophopho kalea cha bhoteeka na kasamba ka keke, mo okpala la moendisi. ⁵ Namuna amoti cheami cha ika nnyama kasodho lakini ya lomba na mendi nkili. Sea namuna kasa kasodho ka seka mose mokili. ⁶ Cheami chaika kae kasa; aika chese cha nnzambi cheami chaika mo nkati na mowe ito chana onamowe motondo na kotoboa nngea ya maisa, chomene cha kosidya mo kasa ka okumu ⁷ nnyama eti eti na toyoni eti, wa kolomba na nnyama ya mae, wa ewekile kose na mea; ⁸ alakini cheami, mea na amoti atokoweza kotinga; obhaya lamoti mea atako kobheya; aiyaya na nsumu ya kokpa. ⁹ Mo bhe tabeba ijije isetu, kae mo bhe taika moko ona wea Mmbali awa bhomba mo namuna ande. ¹⁰ Mo nngo kama kama kamoti kaika moko okowa mendi ya koyaa na ko ondisa. Ataengemanile, wana wa ise, aike mmbo ¹¹ Chetoko chana okoa omolondo amoti mae ya kotamaa na mae ya koseka? ¹² Chete chamoti, wana wa ise, chanabhota weuma wakoaka na weuma wa kowaa? Mae ya moowo atkookoa wande mae ya koaka. ¹³ Nnyama mo nkati ino aika na moato na akali? Abhaesa mekambo yande na maendeo ya kokola na moato. ¹⁴ Alakini mba woika mo weto wino na okpala la kowaa na cheto cha mpaa nango koibeba ka nango kokesa mo nngea ya liti. ¹⁵ Nngoo moato atoko toka kae kio. Alakini yaika ano mo chese, omowe, na mosombo. ¹⁶ Mendi ate aena okpala la kowaa laika nakulu ka metato, yaika na mendi eti eti ya kobhea na mekambo eti ya kobhea. ¹⁷ Moato akiyo aika mpapanja nango makosa, nango metato na koisa na konngbana koiyaya na chomboo na weuma ya kokola, kalea na omaya na kobhea chetoo. ¹⁸ Weuma wa aelia waekeka mo nkati naphio mo wea wako ongowa phio.