¹ Wana ise: wino moika na oyakoi ka ijije ito Yesu klisto, moiki ino nakoyakoleana ya weya. ² Monamuna mba aoweya monkati ya mokulumano ino mea amoti, alowa nngombe yakokola na lopete la olo omome, na ophe aoweya mea aikanji ambe alowa nngombe lakobheyo. ³ Mba momolitoisa nngo alowa iyo nngombe yakokola, nakomoowa ango aike ano aena yakokola; nako mo owa nngoo mea aikandi ango. imana kuwa. ao aika ase mo chetongba cha kokowekeya maowani. ⁴ Moto ikile ino mokosonana nkati ino, na koetea omawazo ino yakobheya? ⁵ Wana wa ise, ingbi. ate Mmbali atosanile weya wa ikandi mpanja na chese, waika walombiya wa oyakoi la Mmbali, namapate koika mookota nnjo alakile mono weya wamasoma? nnjo alakile mono weya wa mosama. ⁶ Alakini wini moika mokoseya weya wa ikandi! ntande walombea ngo wakono nyatea, nakonokakata mpanja na okumu? ⁷ Nntande wo ngoo wakosendisa lina lakokola moika nalo? ⁸ Kamba mochowa nngea ya okota kobhena na malobha: okosama monakawe mmbo oisama ango mene, oeta ilongo. ⁹ Alakini mba okoeta nbhande nbhande ya weya oeta obhaya okotaeka mokasa mba weya wabhaya. ¹⁰ Mendi ate mea ochi akonbgele nngea alakini aeta obaya mo ngea eyamoti, akeya mo echi. ¹¹ Mo mmbo, mea alengena ate: oendi na mokali ya mea, alengena kae: nango koyaa. kumbi mba otoendile na mokali, ya mea alakini ambe oyaa ounda mocheenga na nngea. ¹² Lengeni nakotomeka mba oika mpanja na okumu mo ngea ya koilekelea, ¹³ Mendi ate okumu laika nango chombo komea ataechile chombo. chmbo chalonga okumu. ¹⁴ Wana wa ise, cheni cheena mea akoilombisa mokolengena ate bhango ayowa Mmbali mba mekambo yande yata seekanile? nko koyakowa kakomoondisa? ¹⁵ Mba mana so aomba motamba awe wakanda nnombe, kowakande koya kamatu wachi, ¹⁶ Nka mea amoti nkati ino awa owa: yeeli koomoni nango koena woikota! kambe otowainkile cheena mowe akonga aika na oni faida? ¹⁷ Aika namuna amoti omendi ya Mmbali: mba yaikile na mekambo ya kpuliya yomene. ¹⁸ Alakini mea amoti akolengena ango oyakowa Mmbali; ka ano, naika na mekambo. baesa koyowa kawe Mmbali na ngo mekambo, kaano Mmbali na mekambo yani. ¹⁹ Oyakowa ate Mmbali aika amoti,oeta ilongo; wasombo wayakowa kae embo, wako kpokpoma. ²⁰ Osama koyowa, ango mea owato ate koyowa Mmbali nango mekambo ataikile na maana? ²¹ Abhalayamaa, isetu, atoundile ande mo okumu mo mekambo moko okowa manande Isaka komasalabao? ²² Oseya ate koyowa Mmbali kaenda nga na mekambo yande, kamembo koyowa Mmboli kaya koleke: ²³ Monnji ya kpela nmbo malobha ya lengena: Abhalayama ayakoile Mmbali, ko nnjo ya mowekele monngea; kawa moowa ate nsamba ya Mmbali. ²⁴ Osea ate mea ayowekana momekambo ka ntande tando koyakowa Mmbali. ²⁵ Laabha moonja atawekanile kaewande momekambo, wakati akulu manile na watomi aka awa esa mo nngea yamotondo. ²⁶ Nmbo mowe nango cheto yakokpa koyewa Mmbali nango mekambo yakokpa kaembo.