¹ Maili, manaina, onamuna moingbile ekito mbo mokoenda na kolea ka Mmbali, mbo ngoo mokoeta tanolelea mo lina la ijije Yesu moende mo ingo namuna. ² Moyewa cheni cheena mokoyeusa mo lina la ijije Yesu. ³ Mbo Mmbali asama, moweena ngo mokoeyokowa: lekingea la kobheya (inzambi). v 4 Kila mea inkati ino asoe mowe ande mo liti. ⁵ Nango kooweya mo inzambi namuna ya wapagano mbo wata ye wile Mmbali. ⁶ Namuna mea akosama koelea mana inawe moko moibhaye nako moetea mendi ya iphue monda ya mendi weinge. omendi ya weke Mmbali aika moko kobeya mjo weena eweti mo mbo tano owa mono'ngo tomeki. ⁷ Mo namuna mbo Mmbali atatotaile ito mo ngea ya inzambi lakobeya lakini moingea yande ya kokola . ⁸ Mea aila eno mendi hatailile ande mea amoowa eno mendi, lakini aila ngo Mmbali, nngo amoinkile nnjo cheto cha kokola. ⁹ Mendi ya kosona wino wene, yatoikile taande na maana ya kono andekeya; omendi wino wene moingbile ka Mmbali, mo ate, mo ate tosamane wito wito. ¹⁰ Na mbo moeta kowana nnenu ewati wama kedonia motondo. lakini teno lelea, moendele koetea wamanenu, nngo namuna ya asamo kila chenji. ¹¹ Ilitoise moweya mendi ya weke oike phio, eti chae mekambo ino, nakotomeka, na maoko ino, monamuna tanotamile. ¹² Monamuna mokoendisa mendi ya liti moweya wa koonga, ka nango koika na kulu ka mea. ¹³ Tatamile ito, wanainna, waike moikocha koyowa moweya waika mo mmonge, nango koiweka ino okumate waphe weya wakanda chesebheleo. ¹⁴ Mmba, tayakowa mono na koimokomobiako, tayakowe lophe ate Mmbali akotousa mono ka yesu na mmbo wakpule mono. ¹⁵ Sei, kaimbo taika mokokonga maili ya mendi ya Mmbali: wito weya wa chese, tasiya mokoseya namuna ijije okosumbikaya, tata kowa lengeneya ito weya wakpule mono. ¹⁶ Mo namuna mbo Mmbali bhemene ato owile mono mo iyo la malaika na iyo la mpalu. ya Mmbali, kokilikanakio, na wa kpuli monda na klisto wako imoka ampanja. ¹⁷ Mokotungeya, wito weya wa chese, wakosiya, toko ika wito ewatiaena amiti ka ta yayo lewa nawo mo iyoo, embo ngoo tokoika kila wenji aena amoti na Mmbali. ¹⁸ Onoani masili mokobhengana na eno mendi.