¹ Ngo embo, taikile na koimanaa, ka tayakoa kosia wito wene mo Atenia, ² tawa mo kotoma Timoteo, mana nnetu, watomi wa Mmbali o malobha a Klisto, mo kononka mkpala na konoyomisa mo koyakoa Mmbali. ³ Mendi ate nango mea a komoimecha mo nkati na obhaya ya lophena mendi ate oyowa wino wene ate watotoma kono. ⁴ Ka mmbo taikile mo cheenga ino, tanoyowesile mpanja ate taiyowisa tokoiyowisa mpanja na mateso namuna atosanga ka namuna oyowa. ⁵ Mo mmbo, mo kokekea kani, namile kompewisa mo kotina mea ata nokesi na kotomeka o wato. ⁶ Lakini Timoteo koiya kande lophena ano ekino, atousia iyo la kokola mo koyakowa kino na kosamana kino, ka atoowa ate wongbela mendi ya kokola ekito, kosama kotosea mmbo wito tasama konosea. ⁷ Mo kotuluka wana wa nna mo nkati na mateso ito ati na nsenda ita, wa toonowa masoli mendi ino mo koyakowa kino. ⁸ Mendi ate lophena toika mo chese mendi ate woika nkati na ijije. ⁹ Cheni chebhu, tokonka Mmbali mo mendi ino mo toa etieti tasea mendi ino mpanja na Mmbali ito! ¹⁰ Utu na chendi toika mokokonga na okpala eleti kotonka nngea eti ya konosea na koiyaelea mendi ano kanda mokoyoa kino. ¹¹ Mmbali ghemene, isetu na ijije ino yesu, aphue nngea ito mendi ate tonosangi! ¹² Ijije ino iyaileye matuati nkati ino, ka komea oti nndo osama taika nalo ekino, ¹³ Mo koyomisa wetoo wino mendi ate wata etni mo kokola mpanja na Mmbali isetu, mo kosumbokaya ka ijije ito yesu na watakatifu ewati.