¹ Woyowa wino wene, wana wa ise, koiya kito ekino kataikile wande nango kobhota weuma. ² Maili nakoteseka na kopata isenda ka FILIPI, namuna woyowa, watonka osebheleo ka Mmbali ito mokono yewisa malobha a Mmbali mo nkati ya weenawa mototo. ³ Mendi ate maobhili ito ataikiliande mo koseka wala omendi aikocha maana wala mendi ya kobhea wala mendi ya kowisama; ⁴ Alakini, kobhenga na mmbo Mmbali atokandelea kotonka malobha ande mmbo tokolengena ntande mokosamisa mea akotenga wetoo wito. ⁵ Nangoande, ta talengenile mendi ya omaya, namuna woyowa; nangoande ta talengenile mendi ya kolea welinge, Mmbali ayewa. ⁶ Ta taengoile kabebo ka weya, wala ino wala ko waphe; tasebheleakoiyakoa na okota mbawatomiwa klisto, ⁷ Alakini taikile na chombo cha koula nkati ino. Mmbo mobhati akokpanga chombo mo wana wande, ⁸ Tasamile ate, namuna tanosamile na akpala, ntande kononka malobha a Mmbali alakini ozima wito, namuna tomasamile kounda. ⁹ woyewa, wana wa ise, mokambo ito na mateso ito utu na chendi omokambo nango konosebhelea, tano bhaesa malobha a Mmbali ¹⁰ Woyowa mo weto wino, ka Mmbali ayewa, ate takiiya monda ino weya oyakoa endo la kokola, la koisa ka nango koletona. ¹¹ Woyowa kae ate toikile mokila mea nkati ino namuna ise wana aika mo wana wande, ¹² Mo konolelea, mo kononoa masoli, mo konobhaesa koenda mo nngea ya koima ya Mmbali, mea anotaa mo okota wande wande na olikio ande. ¹³ Ngo embo talukisa chombo ka Mmbali nango koena mokoyakowa mendi a Mmbali, etano yewisa, wo oyakoa, ntimba mendi ya weya, alakini mmbo aika liti, mba mendi a Mmbaliya ika mokotomeka ekino weya oyakoa. ¹⁴ Mendi ate wana wa ise watuluka wea wakobhangelia numba a Mmbali e aika ka YESU KLISTO monda na YODEYA, mendi ate wino kae, wo seile mateso ko wamannenu namuna wa tesekile na wa YUDA. ¹⁵ Mmbo wa YUDA ngo wa yaile ijije Yesu na wayewi a mendi ya mpanja, wea watoyaile, weya Mmbali a wabhelea, na wea wabheleka na wea ewati. ¹⁶ Mokotokanea kolengena na wa panyefu mokowa andikisa, mendi ate wataeni na koweka chekobeo mo obhaya wao. Alakini osongo wa choka na kowasanga. ¹⁷ Ekito, wana wa ise, maili wito na wino kobhaanyana, o mowe alakini ntande mo chetoo, tapatile okpalea na kulu la konosea. ¹⁸ Ta samile kae konoelea, alakini ano Polo, mongo amoti bhe na koibhe; alakini mosombo atoilisa. ¹⁹ Inye aika, maili na mmbo, osebhelio ito, aomba towa tito, aomba chekombo chito chaokota? ntande wino kae mpanja na ijije Yesu mo kowa kande? ²⁰ Liti, woika okpala lito na toa tito