¹ Mba moiya kosama koyowa ani saa aomba oni utu, yataikile ande ome ino nnjo, wananna, yakono kpalolea. ² Mo mbo moyowa ilongo ate utuwa yesu mana Mmbali akowa mono akumaate moibhi mochenji. ³ Mba mmbo weya waika mokolengena: phio na liti! kumbu ngoo koteseka kopita, okuma ate kanoti ka kobota ya amokali nango kopuchika. ⁴ Lakini wino, wananna, watoikile ino mo iphue , moweke nngo utu yakono jokoisa okumaate maobhi. ⁵ Moika wino ewati wana wa phololo na wana wa yowa. tata ikile ito weya wachenji aomba la iphue. ⁶ Tata isengi ito okuma ate waphe, lakini tokenji koikoma. ⁷ Moweke weya wako isenganga mo chenji, na wembo wako kolowa wako kolowanga machenji. ⁸ Lakini wito weya taika moyowa, toikami, molowa mowe ya cheto cha kokola na ya chomboo nakolowa chekombo cha otomi. ⁹ Mendi ate Mmbali atatotomile ito mo osongo, lakini mootomekisa nngea la otami, mo ijije ito Yesu klisto. ¹⁰ Akpulu omenji ito, mmba kokenda, aomba koisenga, toikenawo aena amoti. ¹¹ Maana anoani masoli winowene, na konkana okpala wino wene, omendi ya liti moete. ¹² Tano lelea,wananna, yakowani monmbo waika mokotomeka nkati ino waika mokonoogoza monda na ijije, na waikaa moko no onoa masoli. ¹³ Iki na osamo nawo omendi ya mekambo yawo. mendi ate mopate koika phio. 4 Tanolelea embo, wanann, mowakumbuse wembo waika moko jumana monda na longongo, endi nakofarijia wembo waika mokobonga, laini mo litoi iki nacheto tutu nkati ino. ¹⁵ Itombi ilongo omendi ate mea na amoti hatalukisiewande monakande obaya; lakini bengi tino ingea ya kokola, aomba mo nkati ino somba mo mea ewoti. ¹⁶ Nango koika na hosango mo akati ochi ochi. ¹⁷ Kongi nango kokocha. ¹⁸ Baonyi kila cheena ma cheto tutu, kounjiya kawe ya baesa kosama ka Mmbali ka na manande yesu. ¹⁹ Nango kolimenisa cheto cha kokola. ²⁰ Nango kosea otomi. ²¹ Alakini ifundisa kila cheena kotowa cha kokola; ²² Iweki kalea na mendi echi yakobheya. ²³ Mmbali aphio awasoe omowe. mo nafsi, na chetoo, angelekanande utu wakonina na ijije ito yesu klisto. ²⁴ Meya anotaa mmbea aika na okpala bhengoo okoeta. ²⁵ Wana wa ise, kongi mendi ito. ²⁶ Seseiwea eweti mo cheaso cha kobhama. ²⁷ Nano konga molina la ijije yesu klisto ate ano maloba asomeke komeya ochi. ²⁸ Chombo cha ijije ito yesu klisto aike ino!