¹ Amobho moseyi bhodhowa ya kumu yaasu Yesu Klisto pe bhosangana naasu mande, ekayea nanu bhana bhaima, ² bho to ayeyeni bhatidje agbonda yaanu, pe bhopaate bhoesombedjeni molo,abho bha tobhi bhobuka, bho masu ma Kumu etobhi padhi, nako bhabukitite molimo eabuki nabho bhowa, aetomba. ³ Nako mogedja omoti teakosi ino nako bhotsedhu; dhibhoso dhabho dhowa bha Kumu bha gendja bhamene bha mongana pe obho waangana Akongo aadhowa, wana wadhibhungi, ⁴ Aemedhi obho akayema dhiko dha bhabho bhaka bheya, Akongo to bhabho bhaka mobhumeke, aake bhoka dhaa tee a ekalo ya Akongo, nabhowa bheya iyo meene Akongo. ⁵ Ino atinidjani ino, mbini abuka naanu ngandondjibho nahabhawa eadhakambi pambe yaanu? ⁶ Na djebho djiyani mubho mowapeya ino, na suka apundja na poko yaande. ⁷ Bho elomo yabhobhehu eka saa; ebhongi ekobho eka molembeya edjawe. ⁸ Pe bhobhehu bhowa tobha, kumu Yesu abhehedja namohudhi ma monoko pe amobudha na bhowenene bha mokando maande. ⁹ bhowenene bhabho bhehu bhowa komene, na ngundu ya mondjili, naendenge esusu yabho susumidja, bho kamwisa na makunga dhamalowa, ¹⁰ pe nabho bhobhungidja bhasusu na bhobhehu akuliya bhabho bhaagwa;nabho ino awadhisati bhopoa bha menemene akuliyabho bhahele. ¹¹ Na meena Akongo ayibhalidhiya ngudhu bhobhabhungidja, akuliyabho mobhadime malowa, ¹² na suka na bhabho masusu maandimati menemene,bhaadhisa eposa wa bhodjanga bhoyengebheni bho bhabhakwedji ¹³ Akuliyaasu ngiana bhadhipalana bha Kumu, akulia tinayaanu dhaakani nabho niya Akongo matondi; na endenge bho iye meene waakooni adhitangeye akuliya ehele, andiya yambo sosa na molimo pe andiya na bhondima na menemene. ¹⁴ Na meena bhowa ino ebheani andiya ya miteli, akuliyabho adhiseni sukpu ya kumu yaasu Yesu Klisto. ¹⁵ Na meema ngiana emeni ngbi pe bhaneani bhomedja bhowa dhisa ino, nakwa ndjiya yabuka yaasu to andjiya ya etumba yaasu. ¹⁶ Bho kumu yaasu Yesu Klisto iyomene, pe sango waasu Akonga waaepala pe ayenyeya andjiya ya ngolu bhoetitidja bha molema bhaseko, pe na elikiya epele, ¹⁷ tidhidjani milema mamu pe apingidjani ateyi ya misala misusu mipele pe abuka susu pele!