¹ Polo na Silive, na Timoteo, aa ekalo ya Bhatesaloniki eke teyi ya Akongo pe na kumu Yesu klisto: ² Ngolu pe bhongo bhodhaa naanu modjanga pambea Akongo sango aasu na Yesu Klisto kumu waasu! ³ Bhana bha ima amokando bhamu,bhadidi epali bho ekedjake Akongo masu masusu, ndjeke ino sembo, akuli bho bhondima bhanu bhokapinga pe dhipalano bhanu pambeya bhadidi nike kodhiya konda masu na masu. ⁴ pe ekaeke akuliya mongando bhamu teyi ya ekala ya Akongo, akuliya bho djii bhamu bhonyanga milema pe bhodima bhanu teyi ya nidjenge tano miya dhisaina. ⁵ Eningi djibho Akongo ekakese ngando dja bhagedja na bhosembo, bho oyingeni abho Kumu bha Akongo bhubha bhoka dhisaina manyokoli akulia. ⁶ Na bhosembo bhande Akongo akaenedje bhaabho bhaka nyokolemi minyoko, ⁷ bhono bhabho bhakaene manyokoli waadhisani bhogo,pe bhoehema sio emoti, bhusa bhomatita Kumu yaasu bhodjanga dhiko sio emoti na bha adjelu bhangudhu dhande, ⁸ teyi ya dhibodja dha mosaa, bho anyee etumbu na bhabho bhadjeyiti Akongo pe bhabho te bhatose mboli epele ya Kumu yesu. ⁹ Bhadhisa etumbu ya libhebhi dha seko, pe bhobhandi na mbanda ya Kumu pe heku ya ngundu yaande, ¹⁰ poko yadhowa iye masumaa, bho bhasatu bhabhekedje pe bhandimi bhamokumise, akuliya bho litatolo dhasu pambeyaanu endimami. ¹¹ Mayinanga pe makeyebheleya iso pokosusu akuliaanu, bho Akongo yaasu atombedjeni bhoyengebhene bha bheya, pe angemedje mangundu yaande bhilaka bhisusu bha bhopele bande, pe elomo ya bhondima bhanu, ¹² akuli bhondima dha Kumu waasu Yesu dhiheke pambe yaanu, pe ino ohekeni akuliyande bhodjuwana na ngolu ya Akongo waasu pe ya kumu Yesu Klisto.