¹ Ebhe edhikayi ngiyana, amelani akuliyaasu atinabho buka ya kumu esose pe ehekenge ekeyi pambe yanu, nabho iso epundje abha gendja bhadhikakala bhakaenyooko; nabho bhasusu bhatike nabho ndima. ³ kumu ake nabho bhongu iyo apingidjakani pe abhaneeakani na obho ya ndata ebhehu. ⁴ Iso eke na pambe yawe ateyi ya molimo na Kumu naebhe eka kooino na djibho djika kooino djika elindeni iso. ⁵ Ebhongi Kumu asombedje milema manu na bhopala Akongo pe nabho nyanga molema pambeya Klisto! ⁶ iso ekalindani ino ngiyana, na dhina dha kumu waasu Yesu Klisto owa djadjeni ateyi ya ngiya bhasusu bhaka hela ateyi ya mobhulu, yeeoko akuliya bhomeedja bhowa dhisani ino pambeaasu. ⁷ Ino bhene odjeni endenge ebhe ino oweyokoyi, inako iso eya helati ateyi yanu namobhulu. ⁸ Iso eakati na edjegi lipa dha moto; kasi nabho sala, pe ateyi pasi, eya dhaaka iso bhulu pe moyise na elomo akuliya eyawadjati mogedja nako omoti muna. ⁹ Ye nabho iso eyadjangaka endenge yabhwa yongeya, kasi iso eya pakakobho enyeni endenge yaasu bho owetutieni. ¹⁰ Na poko eyadhaka iso pambeyanu, iso eya bhukiakani na bhongemedje: inako omoti naanu taasale abhongiti pe nabhowaka. ¹¹ Iso ekawoka bho, ateyi yaanu eke na bhabho bhaka somba ne ehele ya mobhulu bhatika loma, kasi bhakaenya na ngando dja edjegi. ¹² Iso eka bhabheya bhagendja bha nabhobha niya eleho, na ndjiya ya Kumu Yesu Klisto bhobhasale na ngudhu bhaake lipa dhabhu meene. ¹³ Akuliya yanu ngiana oyi yembeni bhokoo bhopele te. ¹⁴ Pe obho bhakiya bhotosa ebhe ekabuka iso andiya ya etumba ebhe modjiyani pe odhaani naande nabhoyokani bho ayoke bhosoni. ¹⁵ To moweneni ndje monguna, kasi monyiani ngudhu ndje ngiana. ¹⁶ Nabho Kumu wabho go anieni iyo meene bho go a poko susu, nandenge susu , na bho Kumu adha naanu bhasusu! ¹⁷ Ni nyeini agbaya, mbi Polo, na ebho ya mbi pendja, ena eke modhiyo ma mbi ateyi ya bhitumba bhisusu; na bhowa meena edhili mbi. ¹⁸ Ngolu na ya Kumu yaasu Yesu Klisto edha naanu.