¹ A bhosukidja, bhan'ima, abho edjei ino na ndjia yasu bhokopo nde bhoosambedja ino pe obhongeni a miiso ma Akongo, pe okakoomi bha ekatatani na nanu a liino dha kumu Yesu bho osombeli a ndjia ena. ² Odjeini mibheko miaenyeani iso bhodjonga pambe ya Kumu Yesu. ³ Akongo apali bho otobheni bhasatu; oyeeni bhondumba; ⁴ omoti na omoti naanu adje bhobhanea mokuku mande akpuli ya bhosatu pe ya bhosembo, ⁵ yeboaanyea na bholuli bhobiake, ndje ekakoo bhapagano bhabho bhadjeiti Akongo; ⁶ mongendje nako omoti takose manyango, tamokoo bhobhehu a ngando djande , akpuli bho kumu akanye etumbu a ngando dja, ndje eedjeedji iso libhoso. ⁷ Bhoo Akongo aebheiti akpuli ya bhosoto, kasi akpuli ya bhosatu. ⁸ Oobho waabhuka mibheko mia adhumbiti mogendja, kasi adhombi Akongo, oobho waanyeani Molimo Mosatu mande. ⁹ A mubho moseli linyango, tina ya bhoadhiliani etike; ino bheene ookoomi bhopala bhaminanu pambe ya Akongo, ¹⁰ pe okakooni oko bhoa a Makedonia mombimba. Ekaalehani, bhaanima,dhikaani oko lipalano dhia, ¹¹ pe oheleni bhogoo, okookeni ngando djanu bheene, olomeni na mabho manu, oko ndje Yaa alindani iso, ¹² bho oheleni bhopele na bhadidi,pe toodhani na posa ya mogendja. ¹³ Bhana bha ima, epaliti bho odhaani tei ya libhunga akpuliya bhabho bhahei, bho tewaatungiseni ndje bhabho bhati na elikya. ¹⁴ Emandima bho Yesu aagwa pe aasuswa, endime pe bho Akongo aahulidja bhabho bhagwa naa ndjia ya Yesu pe naande. ¹⁵ seleni mokando mokasakwa iso bhodjuana na buka ya Kumu: emadhikaa akpuli ya bhodhoa bha Kumu, iso bhabho bhake mou etabambaaka bhabho bhaagwa. ¹⁶ bhoo yaakpoloa andjelu (mokonzi ) pe yaabhoma limbili dha Akongo, Kumu iyo meene aatita bhodjonga dhiko, pe bhago tei ya klistu bhaasusua libhoso. ¹⁷ Lingongo,iso bhabho bhake mou, bhaedjamba naabhu siyo emotia dhoombe bho ekataana na Kumu a mapata, pe na bhoa yaadhaaka poko susu na Kumu. ¹⁸ Agbutidjani milema na bhka djibho.