¹ A mokando maina ndje edjangi iso bonyanga molema, pe edhika a Atena, ² ealinda Timoteo, maangwasu, mobhudhi w'Akongo tei ya Mboli epele ya Klisto, akuli ya bhonyea ngudhu pe bholeha akulia bhondimi bha we, ³ akulia bho moto kati omoti thekwa tei ya monzengetano; odjeini bho ino bhene iso eike a kulia yu. ⁴ Pe poko ebhe edhaki iso padhi naanu, odjeidjaki dhiboso bho eadha na monzengeteno, ndje etobi mokando mwa, pe ndje edjei ino. ⁵ Akulia bho boyamba bha mbi, nialinda bho bhaedjedje bhondimi bha we, tei ya bobangi bho bagendja bhabhehu bhaa enghe, pe iso elomaki edjegi. ⁶ Kasi Timoteo,obho atobi djebudjebu pambe ya nu, aadjei mosambo mopele ma bondimi bha we pe na bipalano, pe aibukaka bho oike na maleni mapele ma su, bhopa bohene iso pe iso bohene ino. ⁷ Na maina mwana ima, tei ya ngando bhehu dja mongai pe na minzengetano, bha etitidjaki molema akulia nu, pe aboyambi bha nu. ⁸ Kasi djebhudjebhu eka hela akuliya bho oikeni na bhondimi dha Akongo. ⁹ Mokando nde ma ngolu, ekoki bhonyea na Akongo akuliya nu, akuliya mosepi, ekayoka iso akuliyanu dhiboso bha Akongo! ¹⁰ Bhu na bhu sa, ekasambela makasi akuliya bhohepahedja bho eheneni pe bho lumidja dhoma dhibho djidjangaki a bondimi bha nu ¹¹ Akongo iyo mene, Yaa wa su, pe Kumu wa su Yesu, akaebongedja ndjia bho edho pambe ya nu! ¹² Akongo akondedjeni tei ya nu, pe pambe ya bhasusus, bhopalani bhubho eika na yu akuliya nu, ¹³ Bonyea ngbundu a molema maanu bho okokiti bhoetitodja tei ya bosantu dhiboso dha Akongo, sango aasu,poko ya mokando na Kumu Yesu na bhasantu bha nde bhasusu!