¹ Bhaana bha ima, a mubho moseli poko pe bhusa bwakomeene ngando djia, tina ya bhoodhiliani etike. ² Odjeini bhopele bho bhusa bha Kumu bhoadhoa ndje mogendja wa huubha na bhuhu. ³ Yaabuka bhagendja: Eke na bhogoo pe na bhokengi!( mokando) momoti mwabhapundjia na mbalakaka, nde epeko ya bhobhota ekakoo iyo wadhi wa dheemi, pe bhatatiya. ⁴ Kasi ino, bhana bha ima, otikeli a modhidhi, bho bhusa bhu bhoopundjeeni ndje mogendja wa huubha; ⁵ Okeni bhasusu bhana bha bhohoyee pe bha bhusa. etike bhana bha bhulu pe bha modhidhi. ⁶ Teeheee ndje bhagendja bhadii, kasi ekengele pe teelangbe maana. ⁷ Bho bhabho bhakahee, bhakahe na bhuhu; pe bhabho bhakalangba maana, mbakalangba na bhuhu. ⁸ Kasi iso bhabho bhake bha bhusa, teelangbe maana, ewai iso ngubha ya bhondima pe ya lipalano, pe ngundu yaasu elikya ya ehele. ⁹ Akongo aekooti akpuli ya gbeku, kasi bho edhise ehele nandjia ya Kumu yesu klisto, ¹⁰ waagwa akpuli yaasu, bho ekengele too ehee, ehele naande siyo emoti. ¹¹ inanga lehanani omoti na odii, pe ahekedjani ino bheene, ndje ekakoo ino. ¹² Ekaatata naanu, bhana bha ima, otoseni bhabho bhakaloma ino naabhu, bhakaaka kambani tei ya kumu, pe bhakaalehani. ¹³ Dhaani na lipalano linene akpuli yaabhu, a elomo ekakoo ibho,dhaani bhogoo tei yaanu. ¹⁴ Ekaatata koto naanu, bhana bha ima, kebhedjani bhabho bhakahela na bhokobhokobho, lendisani bhabho bhaembi , waani a milema bhabho bhatike na ngudhu, nyangani molema akpuli ya bhasusu. ¹⁵ Abhaaneani bho mogendja nako omoti teahudje aminande bhobhuhu bhomokoi iyo; kasi djuani bhopele poko susu tei yaanu nako pambea ya bhagendja bhasusu. ¹⁶ Dhaani poko susu na mosepi. ¹⁷ Abhelani poko na poko. ¹⁸ Nyeani matondo a ngando susu, ena eke posa ya Akongo tei ya Yesu klistu. ¹⁹ Todhimeni Molimo. ²⁰ Todjebhelemi masakoli. ²¹ Kasi okaani ngando susu; bhaneani eebhe eke bhopele; ²² Kiani bhobhehu bha bhokopo bhosusu. ²³ Akongo wa bhogoo iyo meene aatobhedjeni bhasatu pe mombimba manu, molema,molimo pe mokuku bho toodhaani na bhobhehu tee bhusa bhoadhoa Kumu wasu Yesu Klistu! ²⁴ Oobho waabheani ataayeeni, pe iyo nga waakoo bhoa. ²⁵ Bhana bha ima, abhelani akpuli yaasu. ²⁶ Nyeani bhamangwasu bhasusu agbaya na liina dha Akongo. ²⁷ Nikaayeani nanu a liina dha Kumu, langeani bhamangwasu bhasusu etumba eebhe. ²⁸ Ngolu ya Kumu waasu Yesu Klistu eedhaa nanu!