¹ Bawanima, oyiseni bhondima te a milimo misusu kasi mimekani milimo abhodjeya inako mike ma Akongo, akuliabho bhasakoli bhabhehu bhanene badhoyi a monghayi. ² Djeyani mubho, molimo ma Akongo , molimo misusu mokabhuka Yesu a dhoa na mokuku moki ma Akongo, ³ pe molimo mosusu motika buka akulia Yesu te, motike ma Akongo, moke ma Ayemedhi wa Klisto, na mubha mwa okaino akena a mongayi. ⁴ Ino bhana, ino okeni bha Akongo, pe ino ohonini akulia bho okeyini na nde ateyi yanu aki monene bonyo obho aki dje bho a mongai. ⁵ Ibho bhake bamongayi; na mena bakabuke dje bhamongayi, pe mongayi moka bhaoke. ⁶ Inso eke bha Akongo; obho odjeyi Akongo aeyoka inso; obho atike wa Akongo ata eyoka inso te; na menaha bhowa ya djeya molimo ma menemene pe molimo bhadhi bhunge. ⁷ Bamina mbi, epane inso na badina; akulia bhopana bhoke a Akongo. Pe obho okapaa abotami na Akongo pe edjeya Akongo. ⁸ Obho topale te adjeiti Akongo; akulia bho Akongo aki lipalamo. ⁹ Bopala bha Akongo bho awene neke, pambeyasu na ndenge bho alinda Waana wande omoti a mongayi, akulia bho inso ehele adjiya ya nde. ¹⁰ Pe bopala, bhoa dhaiti bho inso bamopala Akongo. Kasi iyo wa Epaa pe elinda waande dje mbeka ya bhoepetola masumu masu. ¹¹ Bamina mbi, inako Akongo a epala, inso pe esengeli bho epaane inso na inso. ¹² Mogendja nako omoti awenekini Akongo; inako inso na inso ekapana Akongo adha naasu pe bhopalana bhande bwa ugemene ua inso. ¹³ Inso edjeyi bho ekame ateyi ya nde, pe iyo akamee ateyi ya inso, na mena ainyea molimo mande. ¹⁴ Pe inso ya mowene pe emondima bho Yaa amolinda bho aheledje mongayi. ¹⁵ Obho akabuka bho Yesu ake wana wa Akongo, akongo akaeme ateyi ya nde mpe iyo ateyi ya Akongo. ¹⁶ Pe inso edjeyi bho bhopala bha Akongo bhoke pamba yaasu pe inso emondima. Akongo ake dhipalana akuliaa bho okamee ateyi ya lipalano akame a Akongo pe Akongo akame ateyi ya nde. ¹⁷ Endenge bhe eki yo, endenge pe inso eke ateyi ya mongayi mubho. Na mena bhopala bha Akongo boyingemene ateyi ya inso akulia bho edha nalidi abusa bha bho samba. ¹⁸ Bhoo te bho dha adhibalano te, kasi bhopalana bha dhibongi bhoka djoyidje bhoo; akulia bhoo bhoka waa etumbu. Obho oka nda na bhoo ta koke a dhipalano. ¹⁹ akulia inso, epaneni akulia iyo apaa inso dhiboso. ²⁰ Inako mogendja akabuka bho amopali Akongo kasi aka soyea ma nyango. ake mogendja wa malowa , akulia obho otikapaa manyango oka neiyo, ndengende apala Akongo obho otika wene iyo. ²¹ Bho eke na mobeko momoti obho opali Akongo. Apale ma nyango.