¹ Mogendja obho aandima bho Yesu aikhe Klisto abotami na Akongo, pe mogendja obho apahi mogendja obho amohifaki akapaa pe moto obho adjongi pamba yaa ndhee. ² Akuli ya bho iso edjei pe ekepaa bangbongi bha Akongo pe ekhapaa Akongo pe ekha salela mibeko ma ndhe. ³ Bopalani bha Akongo eikhe bobanea mibeko ma ndhe pe mibeko maina mitike bhemu. ⁴ Dhoma dhisusu djibho dhibotamina Akongo dhiikee dhiko dha mongai pe yoma ebhe ehikee dhiko dha mongai, ehikee bondomi basu. ⁵ Ndha aike dhiko dha mongai ? Okho mogendja obho andimi Yesu ahikee mongbongi wa Akongo. ⁶ Iyo Yesu Kliso adhwaki na dhuwa na makia kati na dhuwa edjegi kasi dhuwa na makia pe Elimo eka nyea bokopo. ⁷ Akulia bho djikee djisato djikanyea bokopo: ⁸ Elimo, dhuwa na makia susu djisato. Djike shiyo emoti. ⁹ Eka dhisa bokopo bha bagendja bha Akongo ebhii. Kuliaa bho bokopo bha Akongo eneidji bokopo bha monghongi wa ndhee. ¹⁰ Obho andimiti mongbongi wa Akongo bokopo bandhe meene. Obho andimiti Akongo aikhee moto wa malowa, akulia bho andimiti malako ma Akongo mwa koiyo na mongbongi wa ndhe. ¹¹ See bokopo bha Akongo bonyei ehele ya seko, pe ehele ena eikhe pamba ya Mongbongi. ¹² Obho aikhe na Mongbongi aikee na ehele. Obho atike na Monghongi atike na ehele. ¹³ Nikomeino ngando dhibo akulianu bodjebho ino oikhe na ehele ya seko - ino babho ondhimi dhina dha Monghobi wa Akongo. ¹⁴ Ehike padhi naandhe na lindi, akuli ekaonga yoma emoti na bolingo bandhe aheyokha. ¹⁵ Eka djeabho, akaeyoka iso, eka tathe iso na ndhe edjedho edhisi malombo maina aenyea yoma ebhe ehatati na ndhe. ¹⁶ Okaene mangwa bhokoko mokando mobhehu,ebhe ekokiti bhomotitisa a yogo, sambela pe Akongo a amonyea ehele, a anyea na bhabhonbhakako dhisumekati ya yogo. Lisusu dhibho dhikakee yogo, etike ebhe ekabuka mbi bho osambelee. ¹⁷ Ngando bhehu aike dhisumu, pe dhisumu dhidhii te eke a yogo. ¹⁸ Edjei bho moto obho adjongi na Akongo tha koo bhobhehu; kasi obho adjongi n'Akongo akabhanee iyomeene, pe bhagendja bha ndata ebehu bhakokiti bho mopoto. ¹⁹ Iso edjei bho eike na Akongo, pe mongai mobima moike a mabho ma bhagendja bha ndenge ebhehu. ²⁰ Edjeibo Mongbongi wa Kumu a dhoi,pe ainyea ndata akulia bhodjea bosembo, pe eike na bosembo, tei ya Mongbongi wa nde Yesu Klisto. ²¹ Obho aike Akongo wa menemene, pe ehele ya seko. Ngbongi djabodjelele bhaleani na bagendja bhabho bhatike na ndata.