¹ Seleni dhipalano nde dhiaeningidja Yaa bho bhaebhee bhaana bha Akongo ! Pe eke solo bhana bha nde. Mongali moedjeiti iso, eke ndje bho moadjeati iyo. ² Bhamina mbi, eke bhidhebhe bhaana bha Akongo, pe ebhe yadhaa iso masu ma kadhoa eenenekini; kasi edjei bho, poko yaeneneibhi iyo yadhaibhi ndje iyo, akpuli bho yaamoeibhi ndje eke iyo. ³ Moto nako nda ake na elikya ena, tei yaande akaapetola, bhokopo bhomoti iyo meene ake peto. ⁴ Moto nakonda amakoo dhisumu abhuki mobeko, pe dhisumu dhike bhobhuka mobeko. ⁵ Ndje bho, omodjeini, Yesu aapundja bho adjodje masumu, pe lisumu dhiti tei yaande te. ⁶ Moto nakonda ake tei yaande teakoo lisumu te; moto nakonda amakoo lisumu aamweneti, pe aamodjeati. ⁷ Pape djambi, moto nako omoti teakoseni oobho okakomee alima ake alima. ⁸ Oobho okakoo lisumu ake wa mondili, bhoo mondili aakoo lisumu oko a la Akong. Waana wa Akongo aadhoa bho aowe misala ma satana. ⁹ Moto nakonda ake egbondo ya Akongo teakoo lisumu te, akpuli bho kona ya Akongo eke tei yaande; pe akokiti bhokoo lisumu te, akulia bho ake egbondo ya Akongo. ¹⁰ Haanga wadjea bhokeseni tei ya bhaana bha Akongo na bhaana bha satana. moto nakonda teakomee alima atikee wa Akongo, moke pe bhoa na babho teapale maanyango. ¹¹ Bhoo mubho mwa ateteebhi ino na mubho mwaoka ino oko a litange, moke bho epalane iso na iso. ¹² Ye bhoyaana na Kaina, wadhaaka wa ememe ebhehu, pe waowa maanyango. Aamoowa aye? Akpuli bho misala mande myadhaaka mibhehu, pe mibho ma maanyango mipele. ¹³ Tosusume te bhaana bha hima, nako mongai mokakiya. ¹⁴ Edjeibho hiso bhasusu he nyoyi ha yogo hakuli ya bhozwa eheli, hakuli ya bhoo hiso hepali bhaa mangwa shu hoobho hapali te hangwa. ¹⁵ Nakondaa aka bhosoyea ma nyango hagwa pe hino edjei bho mogendja. Waana hatahingea ha bhokumu bha dhiko ha dhika. ¹⁶ Hiso edjei dhinyango hakuli ya bhabho bhaa nei hakuli yaa shu; hiso pe eheli eheeli na bhabho bhanei eheli na mangwsu. ¹⁷ Motu haka dhaa me dhooma ha mongali pe haii wene manyango na bho oye, monyangea mohema ndengende dhinyango dhaa Akongo, yaadja pambea nde. ¹⁸ Bhaana topaaneni oko na buka nahegenza te, paanani na ninyango dha na helomo dha menemene. ¹⁹ Edjeibhopele bho heke bhagenza bha menemene hanzea heebhe. ²⁰ Pe hiso ya hoombidja meehema masu pambeande, nako mohema masu mohembidji hiso, Akongo haabhi hiso na bhonene pe hego adjei ndondo susu. ²¹ Bhaana nakoombi nako mohema masu motu mokahekwehedja te heke na lindi dhibhoso. ²² Nako hee yooma nde ya honga hiso ya hezwa paa mbea ya nde hakuliya bho heekokidje. Mobeko mande pe ya koo ngando dja nde, heke bho hendime pambeande. ²³ Heebhe heke mobeko mande hakulia bho hiso hendime hakulia bho hiso hendime Mongbongi wa nde Klistu hakulia bho he palane hoomoti na bhaakina,dje heebuki mobeko mobho mwaheenea hiso. ²⁴ Hobho wa bho anea mibeko dhaa teyi ya Akongo. Akongo pe hadhaa nande pe hiso hedjei bho hadhowa naasu hanzia ya molimo moobo mowahene hiso.