¹ Mbus'ena mbula djomi l'inei, mbutshuaki ena Yelusaleme emi la Balanaba, koko Tito atshwaki l'iso nkoko. ² Koko eyalaki latshina Ndjakumba ambeyisaki oka l'otshu. Latshumiaki ena ndenge bonalakak'emi bosimo bonolotshi ena toto ena bapangano, lolangaki mbeyanya oka yombo baimelia bonokemi okambaka yombo nkambaki nde bokamba kamba. ³ OKonde Tito onoyalaki lemi, koko ende onoyalaki Bogeleke, batoo toma'oka ayokese m'potshi. ⁴ Koko likambo liko likolaki nde ena bonua bona bamoyi ba Kilito ba la bouno ba ntotamba yooka baombo baniyo. ⁵ Iso totaha mboka ihame koko toiteliaki ena bosenga boniyo, latshinoka hoolo en'osimo'onolotshi ena enekiso. ⁶ Banayaki lalitshina kanga'oka bayalaki'oso, eho ehandend'emi: Ndjakumba ohumela boto'omoko, banayali la litshina ekoli eha ndende emi. Okonde, lalend'oka bosimo bonolotshi bopakamelaki'emi latshina banatakesaka m'potshi yoka petelo latshina ena banakesamaki m'potshi, ⁸ Latshin'oka onilaikai petelo ayale bosakoli bona banakesamaki m'potshi baila nkoko lemi bosakoli bona bapagano, ⁹ Koko teya ngandji enek'emi aataka, Yakobo, Sefasi koko dja, baalend'iyo ndoka likondji, bampak'emi koko Balamasi, likasa lina nsanganya latshino'oka tokahume, iso la bappagano, koko iyo la banakesamaki m'potshi. ¹⁰ Iyo batolombaki nkoka tokanise bana bainda, nko enekemi'okomanyaka. ¹¹ OKonde bisiki'ika Sefasi oyaki ena atioka, ndjoleemaela n'ko hoolo, latshina'oka ayalaki onohundjua. ¹² Okonde, boso'oka banato'aki Yakobo otomaka bapuswa, ayaki nde'oyale la bapagano esang'emoko; mboka losomo lona banakesamaki m'potshi. ¹³ Lende esanga'emoko Bayuda banamoyi bayohisaki, la lolenge oka Balabasi ende nkoko atumamaki la bato bosulu. ¹⁴ Nko'landenda ekamboo batakenda la tshilili la sosolo ena bosimo bonolotshi, ntendelaki Sefasi, en'oso bond'ato bakatshu: kuma we onoyali Bayuda, iika la lolenge lona bapagano koko eha la lolenge lona Bayuda, litshina otoma la lotshili bapagano ena loondo lona bayuda? ¹⁵ Iso, toyali nko Bayuda bootshua, eha bato'asumu ena ntoto ena bapagano. ¹⁶ Okonde, nko la eimelia enoka Yesu Kilito, iso nkoko toimelia eneka Yesu Kilito, latshin'oka tosambisame la eimelio enaka Kilito koko eha latshin'oka ehana bot'omoko ango sambisama lesala ben'imelia. ¹⁷ Koko bisike biakembiso boka teete enesambiselo la Kilito, kuma iso toyalaki boso bato banakambwasumu, Kilito asokoyala nde botendeli bewe? Ahooko! ¹⁸ Latshin'oka, kuma lahaka laikina baohi bana kemi'ohakolaka, layohelia emiamene nko boto'onakamba bewe, ¹⁹ Latshin'oka nko lobeko lowa loobeko, latshin'oka liike la Ndjakumba. ²⁰ Bambakaki en'ekulusu esang'emoko la Kilito; koko kuma liika, ehayali em'onika, okonde Kilito nd'ika'enekemi; kuma liika isanga la yonge, liika iko'eimelio en'ona'ona Ndjakumba, onondangaki koko onoyohaki endeamene latshin'enami. ²¹ Mpa'a lumbaki ngandji ena Ndjakumba; latshin'oka kuma latshilili taata lobeko, Kilito atawa m'pamba.