3 Bahango Ndjakumba Bokondji boniso Yesu Kilito bakoke ngandji la hoyi, 4 Onoyohak'iendamene yatshina ena bewe beniso okamboo ato hodje ena ngong'owe, la lolango lona Ndjakumba koko Bahango, 5 Enekiende n'kembo la loiko la loiko! Amen! 6 Ndjakumba oka inoboyatambe ekina mboka laangu enekonokendelaki la ngandji'ena Kilito mboo baete enekikina bosako. 7 Ahakambo bokinosako boyale, koko ende lato bana ya kingelia bobulu, koko balanga n'kaola bosako bona Kilito. 8 Okonde, kuma iso'amene, kuma Andjelu ba loola aolokola bokinosako bonoha bonokiso koteyaka awu loimo! 9 Totendaki mbaleeta, koko totenda sinane: kum'okinoto a okolokwela bokinosako bonoha bono'okakino awe loimo! 10 Koko isakane, l'olanga m'posa enato, yombo mposana Ndjakumba? Em'indjakembe enyanga enato? Yomboka emi lokemba nde eneki'ato enyanga ena'ato, emi bakoke oyala bosali bona Kilito. 11 Lokolokwela, ino bana'ahango, ekamboo bosako bolokolamaki lemi boha bonoto; 12 Koko n'taata bokosako yombo ndjekola eneko'oto omoko, n'ko lemoniseli ena Yesu Kilito. 13 Ino bononganyaki, la ndengenanyi lokendoo lonami loki ena loondo lona Yuda, ndenge endjakakemi bato la mbehia loondo lona Ndjakumba, 14 Koko ndengenanyi elendakemi ena loondo lona Yuda ndeka bato ekavwa la lokola lonani l'oola bonami, loyala l'olimo behelia lotshili lookoko bana ba Ahango banami. 15 Koko, binisiki yolangaki onokisthakemi bokenge tee ena'aele bana nyangoenami koko onombeela la ngandjienande, 16 Otshungemi bononande, yokate loosakole eneka nahonde sika sikane n'talenda yombo yonge yombo bakila, 17 N'tandjwa ena Yelusaleme enekanaki ba sakoli bosobonami, koko lotshwaka ena alabia. Mbusa louta alikinena Damaseke. 18 Mbusena sandja isato, laandjwaki ena Yelusaleme oyo onganya Sefasi, koko leetsha bekolo djomi l'etano enek'iende. 19 N'tena bosakoli ata bomoko, umusa ko Yakobo akune ena Bokondji. 20 Lanakokomelemi, enaka, bosona Ndjakuma, m'poya kohote. 21 Latshwaka alikina enuuli ba sulia luulia Silisia. 22 OKonde batanonganya elongi enami ena nsambo ina Yudea iniyali la Kilito; 23 N'ko, ikosambo imbooka kuma batenda: onoto yakaniso, aolokola sikane eimelio enekambakiende lotshili mbo'oyake. 24 Koko ikosanto yo nkumia Ndjakumba latshinenami.