¹ Ngalata, n'oooko senga, lokolokwelaki'ino hololo enandeng'ekio ondjakaka Yesu Kilito en'a Kulus? ² Bolenda likambo limoko lina lilangemi mboka enek'ino linoka: yokambo, eyali nde latshin'enesala be'ebeko eko'eneyalino bolimo, yombo latshinena bateya b'eimelia? ³ Ino boyali pendja pendja nde bana boinda litshina? Bomatshaki l'olimo, koko bolanga nd'oka bosimbe la yonge? ⁶ Bosamboki Abalayama iimeliaka Ndjakumba, koko ena eimelia eemohelia botoa la sosolo (tshilili). ⁷ Beyanyak'okambo banaimelia, iyo nde bayaliana ban'Abalayama. ⁸ Koko bakomi, ba tokebisaki oka'mbo Ndjakumba a nkonyaki bampagano nde latshine'emelia, koko alokwelaki'oso boko baloko eneka Abalayama umboo: batshuma (bekili) beketshu bengoyala losako latshina ene'e! ⁹ Latshin'okambo, banebaimelia, baodja besako esang'emoko l'Abalayama on'oto boimeli. ¹⁰ Latshina batoakatshu bane baambana l'esala beimelio, bayali nde ena toto ena boimo; latshina emoko mama nde mboo: tshulungu tshulungu lono'otoha komanya bane banaoyi bambo komama enangonda bobeko, koko ahayasaela. ¹¹ Latshin'oka, ehana bot'omoko ongokomanya latshin'ena bepango en'oso bona Ndjakumba, ehana bikooki latshina batendaki nde mboo: boto'asosolo aika ahakoke oimelia. ¹² Okonde, bepango behakoli l'eimelia; okonde etend'ekambo: on'oto okend'ena ena toto ena bebeko angika enek'iende. ¹³ Kilito a tuumusak'iso ena boimo b'epango, latshin'ekambo beke bepango bekinde boimo enek'iso latshin'oka embokomama mboo: Tshulungu tshulungu boto'endotshu ono'akyi en'ote,- Latshinoka bosako bona Abalayama boodjaki ekolanyelo eneka bana honde eneka Yesu Kilito, latshinoka tosundje eimelia bolimo bonoki'otosangiaka. ¹⁵ Bana'ahango (lotend'one nde yoka botoola) bimoi biango belotshi kana bikambame l'otola, botehiake, koko, ata'oto omoko atabakisake. ¹⁶ Okonde basangiko bahamaki enek'Abalayama koko la likitanyi linade, etend'oka Kilito. ¹⁷ Bolenda line yok'iemi: bimoi biyango biki Ndjakumba iimeliaka boso bihakoki oyala ekambo balise, lankoo lelaka eneki'ekoo, lobeko boyohelaki bekolo ya mbula tukuku'inei l'esato. Latshinoka kuma botshikane lotshikane eyakino en'obeko, ayak'iolo lalikina enandenge en'obeko; lankonde, lambok'enobeko eneki Ndjakumba akambaki la Abalayama liko likaho liko la bawa banande. ¹⁹ Latshina nanyi bobeko? Aataki latshina en'ewe teekok'anangoya mbusa, banaataki elaka, emboolokolama hololo l'ato bomu, l'onoemala enaatenyi. v/ 20 Kuma, on'emala enaatenyi ah'onoto omoko, Ndjakumba ayali omoko.