¹ Kuma ino bosekwaki la KILITO, bokembaka nde bakambo ba liko, eneyasi KILITO ena likasa yoome lina Ndjakumba. ² Bonyangelaka nde bakambo ba liko, aha banayali ena looko. ³ Latshina ino bowaki, koko loiko lonino lona lohisi la KILITO eneka Ndjakumba. ⁴ Enango hola KILITO, loiko lonino, eonga nde mbo ino kooko bohole lende ena nkembo enande. ⁵ Bondjaka ena yonge binino en'okili yoka; bakele, bakambo ba mbindo, m'posowe isoma, sambela bikeko. ⁶ Latshinaka bakamboako nde nkele ena Ndjakumba engoya enekianato batomboki, ⁷ Latshina ino bokendaki nde ekondenge kooko, koko bokendaki nde l'asumu kooko. ⁸ Ekonde, sikane, bolisa bakakamboatshua'ako, yoka n'kele, botema bowe, bayele bowe, besau, baoyi balokuta banahola en'enuenino. ⁹ Bota hotanake ena toto enino, latshina bohali lalikina enokotona kala kala l'esala benande, ¹⁰ koko enambolot'ino boto ona sika enoyutshuela, ena lokanyi, lekelanyelo lonokambaki. ¹¹ Ane ehana Geleki, ehana Boyuda, ehana onotakesama potshi l'onombokesama ehana boto'alohoso, ehana boombo, ehana nsomi ekonde KILITO ayali endotshu enakambo bakatshu. ¹² Ambusa koko, yoka bana bamboponama la Njakumba, bosantu koko banalangama, bolotshi eseyi, loolotshi, la ndjokitsha kitsha, lotema bawam lotema botale. ¹³ Bolanganake enetama inuamene lamene, kuma omoyi alanga oyotuba onomoyi, bolimbisanaka. Kena ndenge eki KILITO okilimbisakino, ino koko bolimbisanaka. ¹⁴ Ekonde enaliko lina bakambo bakatshu, boyalaka lawa, banayali lisangi lino yoongia. ¹⁵ Okambo hoyi ena Kilito, enekelelaki bokambo boyale yonge limoko, eyale ena toto enetema benino. Koko boyalaka la liyoha. ¹⁶ Eonga ndoka yohi lina Kilito liyale enekino ekanvwa; boyekola koko bolokwelanaka inoamene lamene loomu mene, la ndjembo, leina bena Ndjakumba, la bebela Ndjakumba enetema benino l'olimo ba ngandji. ¹⁷ Kanga bokambe baoyi yombo lesala, bokamba ko la lina lin'okondji Yesu, kuma boitiselende bakaho ba ndandji enek'ise eniso Ndjakumba. ¹⁸ Bayato, boyokitsha kitshaka enoso bona baome banino, ena ndenge ekoli en'okokondji. ¹⁹ Baome, bolangaka balia banino, koko botaokisake bawa. ²⁰ Bana, botosa bakabwakatshu enaki baboti banino, latshina ekoli kooko en'okokondji. ²¹ Baise, botanyokolake bana banino latshina batalembake yonge. ²² Basali, botosaka bakambo bakatshu eneki bakondji banino n'kolana la ndenge en yonge, aha kenaiso baniyo, la ndenge ena sepelisa batoola, koko nde la ndjoyo kitsha kitsha enetema, la banga Bokondji. ²³ Banatshu bakambino, bokambaka ko lotema bolotshi yoka en'okokondji, aha yoka enekiatoola, ²⁴ la lokanyi mboo bongosundja litshike lia lifuti. Bokambela Bokondji, Kilito. ²⁵ Latshina, onokamba la mbinda bosembo ango futama ka kolana l'olotosi bonande, koko ahataki litshike ata bokolo bomoko.