¹ Balakisi bookambela basali anino bana oayi bakoli la mbeya ooka ino kohoboyali l'olakisi ena loola. ² La bakaho aangandji, boo;onga ena losambo. ³ Boondela kooko latshina eniso bokambo Ndjakumba atokomvwele lokuke latshina ekamboo lokolane lilokola sekele ena Kilito, enekiemi okakelama bekoli, ⁴ koko loyotshume ena ndenge engo tendemi. ⁵ Boosomba esike ko booyokendja la bayele enek'anali ena totoola. ⁶ Latshina ekambo banonganye bokotshua akutala boto loto, tshika ekambo baohi banino bakendjame la ngandji. ⁷ Tisike, banakambo bandenda emi, ende onoyakendelemi enosala bone nkolo bonoyakamb'iso. ⁸ Latshina ekamboo banonganye banakambo baat'iso koko eyale hoyi enetema benino ekonde enekemi ekiyo otomaka eneyali ino. ⁹ Bangokolekwela banakambo baetaki eneyal'iso latomaki ende l'Onesime, onoyali koko bosali bona Ndjakumba. ¹⁰ Latshina ena banakambo bakin'osundjaka bebeko Alisitake onoyakende lemi la Malako onoyali bokana ona Balabasi baokosangela, ¹¹ Yesu, onokiyo oelelaka Yutusu, aokosangela koko. Bayali ekanvwa banatakesua potshi kiyo kei banayakambe lemi bosala latshina ena lihoka lina Ndjakumba. ¹² Epafalasi, onoyali onomoyi onino ko bosali bona Yesu Kilito, aokosangela ende ona homana bokindo latshina ena loondo, boka mbo boonge ena tosa ena ndenge elanga Ndjakumba. ¹³ Latshina enanayali ena Laodise, koko banayali ena Hilapolisi, latshina ekonde elokolemi boko. ¹⁴ Demasi ende la bonganga Luka baokosangela. ¹⁵ Bosangela bananahango banalena Laodise, koko ena Nipasi, kooko la losambo lokolotshu lona lolena botshumba bonande. ¹⁶ Bokamba lotshili ekambo enengotangama bonokand'one ena losambo lona Laodise, ino botange enino mbala enengoheleko ena Laodise. ¹⁷ Bosumola Alisipe: ayale la likebi enosala bokende ata'aka eneki kilo. ¹⁸ Lokosangela, emi Poolo, ena bakasa banami. Bokanisa banesala benami. Kuma nguya eyale l'ino!