bononganye mbo la yakan'okindo bokolo latshina enino koko la banayali ena Laodikiya, koko lanaatshu nat'ene elongi enami la yonge, ² okambo baongie betema ya likambi, bayale esanga emoko la yonge koko ndola laayele mbo bononganye sekele ena Ndjakumba ononganya kooko KILITO, ³ ena sekele ehisi boyolo baayele koko bayele. ⁴ Lotenda ekondeko okambo boto omoko atayake oyohota la baoyi na pengwisa. ⁵ Latshinokate kuma la yonge, ipana, indjali lino ena bolimo, mbena l'enyanga bolongo bolotshi bokambino, koko la kang'otema ena eimelio eneino la KILITO. ⁶ Ekonde, ena ndenge embo nongany'ino Bokondji YESU KILITO, bokenda l'ende, ⁷ ena ndenge embo hikan'ino koko bobanda l'ende, koko pikama l'eimeliokila bebeko bekohakiyo, koko bolola l'esala bangandji. ⁸ Boyala l'ohangu mbo boto omoko ata kohotake laayele banande koko la lohoto, l'oha botema ena bakambo baato laakambo bokili loha lona KILITO. ⁹ Latshinokate ena yonginande, Ndjakumba ayasi endeobimba. ¹⁰ Boyali la tokolototshu enekende, onoyali Bokondji bona lotshili lokolotshu koko l'okondji bokotshu. ¹¹ Koko l'ende, ino bokesama potshi, koko aha bakasa banaakesaki, nkola kesama ena KILITO onoko hekendja bakambo bakaatshu ba yonge: ¹² laatisimo, bookundama la KILITO esanga emoko, latshinokambo boimelie lotshili lona Ndjakumba lona loosekpisaki enekaanambowa. ¹³ Ino bana waki l'ewe benino, koko loola ba kesama posthi, aokoutisa loomoi l'ende, koko t'ata ngandji ban'ewe baniso; ¹⁴ toyalaki la nyongo enebeko bekilaki iso tosa, koko aosundja ekonyongo eyalaki otolumba, aemba ekotshu en'ekulusu; ¹⁵ aosundja lotshili lona belimo benookondji koko lona lotshili koko aombo okisa sonyi boso bonaato bakatshu, aosundja enekulusu. ¹⁶ Boto omoko ata kosambisi latshina enandaka yombo mela, yombo koko latshina ena lisano, yombo mpola ena sandja yombo bookolo ba yenga: ¹⁷ eyali liiliila linakambo bangoya, koko yonge yoyale la KILITO. ¹⁸ Boto omoko atakokitshake, iyo banayo kumia la ndjolanga eniyo ena lokuta baonda baandjelu, bakanisa k'ana kambo bayeliyo ena liloto, bakila bakanisi ba yonge, ¹⁹ bahaakani la KILITO onoyali boto ayonge koko angoleisa ikotshu, ende kooko ango sanganya besisa l'uunya okambo yongeobimba yohule ndenge elanga Ndjakumba ²⁰ Bombowa la KILITO esangemoko koko bouma eno'ombo bookilione, koko bolanga mbo bakohe bebeko yokaato basee: ²¹ botatambake, botamekake ndeka! botúúndake! ²² Banakatshu bahayali bebeko beyali l'ewe ban'okambama l'eango koko la m'posa ina'ato? ²³ Bayali, loosembo yooka banakambo lootema hoolo, la ndjokitshitisa ena yonge, kuma bahali eko ndenge iyo bakamba nko l'enyanga ena yonge.