Poolo, liposolu lina YESU KILITO la lolango lona Ndjakumba koko Timote bononahango, ² Laasantu koko bakeleto bayali ena Kolose, ngandji koko hoyi ena Ndjakumba, eniso eyale lino: ³ Toha lokumu eneka Ndjakumba isee en'okondji boniso YESU KILITO koko tohaya lise osambela latshina enino, ⁴ Mboka sango aimelio enino eneka YESU KILITO koko lootosi bonino enekaasantu bakatshu, ⁵ Latshina ena lokanyi lole ino la loko lona lomboko tshilekiyo ena loola enonganyaki ino la yoyi y'osembo, yoyi koko enokili bobimba, aota bemuma koko aokundja, ndenge emoko ngene eyali l'ino banda bokolo bokino ononganyaki Ngandji koko bononganyaki ngandji ena Ndjakumba kolona l'oosembo, ⁷ kilana leango beodjaki ino eneka Epafalasi, bomonahango alolango iniso landa loosala boteyi bona KILITO, ⁸ Onototshu;iaki botosi bokaananyi bolimo akolanga. ⁹ Latshina eneko isotohalisa mbonda Ndjakumba latshina enino, banda k;okolo bookakiso sango, koko olomba Ndjakumba latshina enino, banda k'okolo bookakiso sango, koko olomba mbo bolole laayele bana lolango lonande la boomu koko laayele boolimo, ¹⁰ Okambo bokende lema ndenge elanga Bokondji koko pola bolotshi enanaiso banande, mbot'emuma ya ndengikotshu yeesala belotshi, koko ohula la nonganya Ndjakumba, ¹¹ Ndjala lotshili laatoakatshu la lotshili lolotshi, okambo boyale la ngonga ikotshu l'ehilia koko l'enyanga, la botema botale. ¹² Boutisa lokumu enek'ahango onokambo mbo boodje litshike lina basantu ena hoolo, ¹³ Onotiikya ena lotshili la liutshu kkoko aotomba en'okondji bon'oana la lolango lonande, ¹⁴ lende tokakwa, koko tolimbisama bewe. ¹⁵ Ayali lilila lina Ndjakumba onoheeneya, bononooso la tokolotshu tokambanaki, ¹⁶ lathinokambo, l'ende toma toko totshuu toyali ena loola la looko tokambamaki, tona teenya la tonato heenya, kitshi a okondji, botosi, lotshili Bokondji. Bakatshu baokambama la ndenge enande koko latshina enande. ¹⁷ Ayali boso bona bakambo bakatshu koko bakatshu bayali latshina enande. ¹⁸ Ayale enote bona Lingomba; ayali ematshelo bonaoso a mbotshua eneka banamboowa okambo oyale boto'onso. ¹⁹ Ndjakumba alangaki mbo bosato bokotshu bolole enekende; ²⁰ Alangaki oonganya bonde ko eneamene, laanale ena looko koko la banale ena loola, la kamba hoyi l'ende laakila ban'ekulusu. ²¹ Kok'eno emoimbala boyalaki bapaya koko bonguna lakanisi banino koko l'esala belotshi benino, aoutisa bondeko l'eweli benande la yonge binande ²² Okamba bohole basantu bosobonande, batakosemisake, koko botaatake liunga, ²³ bokoli ohikama lotshili eneemelio, bokitshe betema ena loiko lokolakeli yo enosimo bonolotshi botakitshake betema ekina esanga, mbusa enandokwela batoakatshu bokooloko, emi Poolo lokamba latshina eneko. ²⁴ Layali l'enyanga l'ehaho beeneni latshina enino, koko ina yiinda en'ehahobena KILITO, emi losundja la yonginami latshin yonge binande eka losambo. ²⁵ L'ekonde emi loyali botei, kolana loosala bopaki Ndjakumba latshina enino, mbo la lokole yoyi lina Ndjakumba, ²⁶ sekele enehisi besike bikiitshu koko la losa lokolotshu lotshu, ekoko eohola sikane eneka basantu banande, ²⁷ ena langaki Ndjakumba tshumia mbo eyali bomengo bokolo ena eko sekele toto ena banakonde, nonganya : KILITO enekino, lokanyi ena kembo. ²⁸ Onoyalokoliso latshina enande, aonda batoakatshu koko aateya la bomu bokotshu, okambo batshumie Ndjakumba batoakatshu, ndjala bolotshi enaka KILITO. ²⁹ Latshina enako lokamba, lahoma bokindo la lotshili loyali enekemi.