¹ Bayato, bohokitsha kitsha enekaome banino, latshina emooko ahatose liloba, koko alonge latshina en'ezaleli en'oli'onande, ² kolana la ndenge aloiko lonino la ndjokolanya. ³ Batalotake bowe, landoha likika, la ndjokambo'ondjele yoka wolo, yombo bisenda bin'ihakoli la ndota, ⁴ ekonde bolota bisenda ya toto binihisi enotema, botayalake bato'akanyaka, l'olimo, botema bolotshi la hoyi, bonole l'otuya en'oso bona Ndjakumba. ⁵ Ekonde bamoyi bayato bakinde basantu, koko bakinde la lokanyi eneki Ndjakumba, ekiyo oyokitsha kitshaka enekaome baniyo, ⁶ Yoka Salome, onotosaki Abalayama koko aoelelaka nko'okondji. Latshina ena nde ndeyal'ino bana bayato, latshina banakamb'ino balotshi, latshina bohayange ata'isali sali. ⁷ Baome, ino kooko botshumia boumu ena lolango lonino la'ali banino, latshina bayali nde bato boolu; bookumyi yo yoka nanagosundja litshike linino ya ngandji ena loiko. Eyale ko'oko latshina babondeli banino batakakamelake. ⁸ Lakonde, boyalaka ko lalisisa limoko yenyanga'emoko eno loli la lolango lonanamoyi, la kambela kolotshi la ndjokitsha kitsha. ⁹ Botuutisake bowe ena liko yowe, yombo bosau ena liko y'osau; ambusa boteya nde latshina boyakinde latshina ekambo bosundje litshike yosako. ¹⁰ Ekonde, kuma boto anyangela loiko, koko alanga bene bekolo benande bolotshi eongande mboo ahekendje lolemu lonande en'owe koko n'kehu'inande baoyi ba lokuta, ¹¹ Ayale bosana lo'owe koko akambe k'olotshi; akembe ko hoyi ko'oko koko akile; ¹² Latshina baiso ban'okondji balenda nde enaliko lina'ato ba tshilili, koko batoi'anande balohande bambondeli banande, ekonde elongi en'okondji ehalange mbena banakambo bowe. ¹³ Koko onokonyokol'ino kuma ino bolanga kokamba bolotshi? ¹⁴ Kuma olenda lolotshi, kuma bookaki mpasi latshina ena solo solo, bosongo oyala l'enyanga. Batangake, koko botayalake lohiyongo; ¹⁵ Ekonde boongia betema benino la lina lina Bokondji Kilito, latshina ende akonda nde mbo akokambele bosimbi lootema bolotshi, lootosi ko'oko en'osona bato bakatshu bana kohula tshina ena lokanyi lonino, kuma boyali la lokanyi lolotshi latshina mbo, kanga bakonyokole yoka batoowe, bana nkila botosi bonino bolotshi enaka Kilito iyo bayale bato ba lounganya. ¹⁷ Latshin'iyo bangooka biino, kuma eyali nde ndanga ena Ndjakumba ena kamba bolotshi en'esanga eno'owe. ¹⁸ Kilito aokaki biino ko mbala emoko latshina ena basumu, ende boto atshilili eneka'ato banahana tshilili, latshina kohele eneki Ndjakumba, end'onowaki ena yonge koko aoyala la loiko en'olimo, ¹⁹ ene atshuaki nde kooko oyoteya belimo benekiena mboloko, ²⁰ beneki emombala bete lotshili, eneki bawa bana Ndjakumba batale en'ekolo bene Nowa, ekiyo okambaka bolel, koko botuya baato bosali yoka mwambe kange'ikaki ena lose. ²¹ Baka'aseako bakinde la ndenge ena batisimo, banaha petola seho ena yonge, kasi ndjoiingelia ena lokanyi lolotshi eneki Ndjakumba, onongo koik'ino sikane, kooko, lalisekwa lina Yesu Kilito, ²² onoyali ena likasa yome lina Ndjakumba, konokiende otshuaka ena loola, koko ba'andjelu, lotshili, m'piho imohama kenek'ende.