¹ Ekonde, Kilito aenaki pasi ena yonge, ino kooko, boyo lengela nko eko ngende. Latshin'eka mbo onoena pasi ena yonge asimba l'owe, ² okambo botiikambo la ndenge enanvwelana ena'ato, nkola lolango lona Ndjakumba, la ngonga etshiki enambika la yonge. ³ Emboleka, koko, ena ngonga eeta kamba bokane bona bahahonde, la kenda la kahwana, nvwelana, bolangwa, ndaka koko mela ekanvwa koko soloka y'owe. ⁴ Banahonde bakamwa sikane ena ndenge eeniyo bako bombalota l'esala beniyo bewe, lakonde bayakotole. ⁵ Bangoodja libondja eneko'onotsha banale l'omoyi l'anaamboowa enemumu. ⁶ Latshin'okambo bosimo banamboowa, okambo, mbusa enambeta enemumu yooka bato la yonge baika ndenge elanga Ndjakumba lo'olimo. ⁷ Likoka linaakambo bakaatshu bamboolana. Boyala loomu koko, bolotshi eka mbo boonde Ndjakumba. ⁸ Boso bon'akambo bakatshu, latshinoka botosi bokundaka ekenvwa basumu. ⁹ Bosangela bane lanamoi, koko botasokasokate. ¹⁰ Yooka batoalotshi bateya ngandji ena Ndjakumba, botolo'oto toto enino atshumie banamoyi libondja lina yoodjakiende, ¹¹ Kun'ooto aolokola anonganye ekambo aolokola baoyi bana Ndjakumba, onokambela banamoyi anonganye ekambo Ndjakumba onooha lotshili la nteya okambo Ndjakumba aate lihiko laakambo bakatshu latshina ena Yesu Kilito, enekende kembo la lotshili loiko la loiko. Amene! ¹² Banahango ba lolango, botakamwake, kuma beena ekambo konyi kolo iyahete toto enino latshina ena meka betema benino yo ka likambo likolo yooko mpela. ¹³ Koko boyala l'enyanga latshin'ekambo boyeene pasi latshina ena Kilitom okambo ino kooko bonyangele la sai kolo bokolo boya ende la kembokolo. ¹⁴ Bonyangela kuma baokokemba latshina ena Kilito, eyali ekambo bolimo ba sosolo, bolimo bana Ndjakumba boyali l'ino. ¹⁵ Boto omoko toto ena toto enino ateenake pasi yooka boyakiato, yombo boto awiya yombo boto aesala bowe yombo mbingela en'akambo bana'ato. ¹⁶ Koko, kumo'oto aena pasi yooka bokilito, atookake sonyi, koko akumie Ndjakumba latshina ena likolina. ¹⁷ Latshin'ekambo eyali ngonga engoband'ino emumu ena botshumba bona Ndjakumba kuma ango banda nde l'iso banahatose liloba lina Ndjakumba bango simba aya? ¹⁸ Koko kuma boto aosembo ang'ika l'atata, onohalange Ndjakumba, l'okonde bango ika ndenge nanyi? ¹⁹ Koko, bane'ena pasi la lolango lona Ndjakumba bautise belimo beniyo eneka Ndjakumba la kamba bono'ongi.