¹ Bolumba beyel'owe banino'akatshu koko bokabwana l'eeko, boyala yoka bikeke banaotshua koko bamele baele bolimo, latshina bohule ena liloba, ³ Kuma beyanyaki mbo Bokondji ayali bolotshi. ⁴ Boyotshinda eneyali'ende, lina libanga yokilaki'ato, koko liimedjamaki enaiso bana Ndjakumba; ⁵ ino kooko babanga ba loiko bayaki eneki'ende latshina bohake botshumba bolimo, tepelo osantu latshina tohe Ndjakumba la mboka ena Yesu Kilito, benelimo beungaki. ⁶ Latshina ekomamaki ko mbo lombokitsha eneki Siona libanga ya lisuku lina litambamaki koko latshina onongimelia ahakungaki. ⁷ Enyanga eyali enekino banaimelia koko banahoimelia, libanga linaliki bohaki olumbaka, limboyala lisuku enootondo boome, ⁸ yoyala iyaku iniingolumba bato enakatalanga mbimelia libanga bana konebandeli latshina ekomamaki kooko. ⁹ Ekond'ino boyali nde banaponamaki ena tepelo en'okondji, ekol'osantu bana'ato ba ponamonaki mbo balokole bosimo bonolotshi bonande onokoumolaki ena lutshu, ¹⁰ ino'onotayala emombala bana'andjakumba koko sikane bomboyala botasundja ngandji koko sikane bombosundja. ¹¹ Bananahango, lakolokwela inon'oyali bohana ena looko, botakenda ke la posa ena yonge enohomanya bolimo bokindo. ¹² Boyala nko la lokanyi lolotshi en'eyali banahasambela iyoanayako tendela mbo boyakambe bowe eneyakambelino Ndjakumba, lakonde bangokumia Ndjakumba bonokolo bongoy'olende. ¹³ Botosa bakumu, latshina en'okondji eyale bonokondji bolekan'amoyi, ¹⁴ eyale banakondji bakiy'otomaka latshina bahe bitumbu enakanahatose bebeko koko bayokumia mbo bakamba bolotshi. ¹⁵ Ndjakumba alenga nde mbo tokambe bolotshi, koko tomume benua benehana boomu, ¹⁶ boyala bato ban'ayotosa basali bana Ndjakumba. Botayolendake eneyalino yok'esenda enehisa boiyi bowe. ¹⁷ Bokumiaka bato bakatshu, kang'eyal'okondji, bolanganaka bananahango, koko boyalaka la mbanga Ndjakumba. ¹⁸ Ino basali botosaka bakaondji banino, koko bakumiaka enakambol'otshi, kanga'enakambo'owe. ¹⁹ Kuma baokonyokola lanakambo bahaka litshina, botakambake likambo koko kuma boyali lootosi. ²⁰ Kembo ekananyi ongosundj'ino latshinena bitelia benyoko latshin'owe bok'nokambaka? Ekonde kuma boitelia benyoko kuma bokamba bolotshi, eyali ngandji en'ooso bona Ndjakumba. ²¹ Latshineneko nde ikinoelelemaka, Kilito anyokwaki esanga enino, latshina akotshikele aholanyelo enotalimbo bonande, ²² Ende onotakamba bowe koko atenda lokuta emoyimbala; ²³ enekiyo olukaka ata tongolaka yohi, enekiyonyokalaka, ata kanel'ato lakonde ayokahaki enakasa'anaasambisa'ato l'osembo ²⁴ enesike'onde ehehe ena yonge latshina enaoyi bowe baniso, banakiende oemabaka en'ekulusu latshina tokolona okila banaoyi bangototoma en'eweli, koko tokolane ndjala la solo solo tosundje loiko latshina ena pota'inande. ²⁵ Boyalaki yoka mpate iniungaki koko sikane bobateli b'elimoenino amouta eney'alino.