¹ Piele, aposolu bana Yesu Kilito, la bane bale'ena bakina bekili, koko ena Boleki, la Galatiya, la Kapadose, l'Azi koko la Betaniya, ² aoponama ena ndenge ena lokumu lona Ndjakumba Ise, lopambolama l'olimo, latshina ayale lotshili, koko aosanganyela bakila bana Yesu Kilito: ngandji kooko la hoyi eyale ekanvwa. ³ Bosako bona Ndjakumba, l'Ise ona Bokondji Yesu Kilito, ende, ya bawa banande, la sekwa ena Yesu Kilito, liingela ena beweli, ⁴ la ndenge ena litshike lihayaki ena lihako la mbeha, lihayale l'osoto, atohisela ena loola, ⁵ inonde banale la lotshili lona Ndjakumba eobatelama eimelio enakila pene ena ndjotshumia ena loola! ⁶ Ekonde enyanga, boto ata'omoko sikane bowe, bongoyala botoyalake la'awa. ⁷ Sikane besala benino ya lolango yokumisama lotshili bosala bona ndjaka latshin'oka bangata beweli la konyi engoyoha Ndjakumba la kembo koko la lokumu bonokolo bongoy'olo Yesu Kilito, ⁸ we alang'iyo kuma batakene we eko yala l'enyanga lotshili koko la lokumu, ⁹ latshin'oka bonga'ata loiko la belimo benino lotuya beimelio. ¹⁰ Baposolu, banasakolaki bakoonda nganji ekiende ahiselaki latshinoka loiko loyale tshina ena kemba, koko la liyatshi l'iniyo, ¹¹ bolanga baata sango ya beko bekolo koko la bakambo banaki bolimo bona Kilito bona boki enelende, koko bamekaki boso bona benyoko bena Kilito koko la kembo engokila enengoyalende. ¹² Ayakitshelaki etalaya la ndenge eniyo kei kasi enino banakambelaki tonatoma tokolo sikane tona totenonganyak'emi bosimo lona lolotshi l'Olimo Bosantu otoma ena loola. ¹³ Bokanga betema binino, la kanyi enino, koko boyala la lokanyi lokolo la bawa enongoya Yesu Kilito. ¹⁴ Yoka banatome baotosa, baimelia benyoko ekina mbala, botakambake ena ndenge ekambakino mbo bolonganye. ¹⁵ Lako, bongoyala bosantu latshine ekambo emi loyali bosantu, ¹⁶ ena ndenge embokomama : bongoyala bato bosantu, latshina ekambo emi loyali bosantu. ¹⁷ Kuma boelela yok'ise enino onosambisa esala bena omoko l'omoko la ndenge ena kenda lende loanga. ¹⁸ bolonganya ekambo aha la ndenge enino, esundjakino eneki baisee banino ehana, ¹⁹ kasi lakila bana Yesu, yoka bona m'pata ahana lisumu ata limoko, koko ahana litona lina yowe, ²⁰ banaponamaki en'oso ba limatshako en'okili, kooko bangenya ena likoka y'okili, ²¹ ena toto enimelia Ndjakumba losekwisa bibembe koko la ndenge onoha lokumu. La ndenge ena eimelio, koko besala bneino yoka l'ohoma eneki Ndjakumba. ²² boso bona mbetola belimo bena, lotosa solosolo, lolingo, lotema bonawee bobimba. ²³ latshinoka ino bootshua mbale enihe la ndenge ena Ndjakumba, koko ena ndenge lokona lona loowe, lanaloba batendakimaki enaki Ndjakumba. ²⁴ Latshin'oka mbo yonge bikotshuu biyali yoka batshitshi, koko la ngolu ena kasi ya sika enete. Kasi ina yombo kaka, koko la fulele yookwa; ²⁵ Lako liloba lina Bokondji liyale lotshela la lotshela. Kooko liko liloba likoo liyali lina litendamaki ena liloba.