¹ Laa btongi, beelo bamba, bohenele atite ya Angene. Liihenahene bosiheli ino ndjaso yimoti, la ale ino yile eemalelo. ² Angatala la mbwa, angatala la basali babe, angatala la eba betena mambute ekakaa. ³ Lita lambo eba bateni mambute,ambo iso, eba bekelela Mungu lifambani la mbowa ya mwenda, ambo iso, eba baitshititae laa bobateli komba ya bu. ⁴ La haho, imba limoo, leba bono la lotomo lwa bobateli loomba. Ambeke yele la moto yasi oyo aimeli bobateli loomba, imba leleho obwiya, ⁵ Imba, oyo atenemi kbengilenginde lise la ndoiyele, ekanga ya Isalaele, laa linginda la Bendjamina, Moebele mobotemi la Baebele; laa eyi yitali ngele, lele Mofalisai. ⁶ Laa Isahasaha, moenesi mwa linginda muundu, moto ati la lipusano, laa mbowa ya tondoyoo ya ngele. ⁷ Ango ho ndjaso yibi ale mba ambo seeli, losene yo ambo mapusano, lita la Kilisito. 8 La lele leene ndjaso yiyo fee ambo mapusano, laa mbowa ya bofi bwa bolembeli Yesu Kilisito Angene yamba, laa mbowa ya ande loota ndjaso fee se, la lele leene yo ambo lofotoo, leta la boohanyi Kilisito. ⁹ La bobi ale inde, soo laa tondoyoo, eye yesokba laa ngele, nde la eye yoohanyema laa boimeli ale Kilisito, tondoyo eye yesokba ale Mungu la mbowa ya boimeli. ¹⁰ Lita la bolembeli Kilisito, la loili lwa bosomwi laa loho la esiya yemoti la miundu mia nde , la bobi ambo inde laambowa ya loho lwa nde lita la bobwesi, ¹¹ ambeke yeengana, laa bosomwi laa nkunda. ¹² Loti mbo losoyanya seeli ohala, ambeke mbo loobwesa laa kbekbe; nde lele lenduka mangu, labosiyo loohanye yo, litalambo imba limoo loohanyemi la Yesu Kilisito. ¹³ Beelo, leti lehenya mbolosohanya; nde lele lekela lwaso lomoti mbo: o lendja eyi yie ombisa , ota loomba laa eyi yile oboso. ¹⁴ Lele lenduka mangu mbo lebwese laa kbekbe, lita lambo loohanye seeli ya botemi yoohi bwa Mungu atite ya Yesu Kilisito. ¹⁵ Iso fee eba tole tondoyo, tobe la lihenya lilo; la ambeke ole la lihenya laasi, Mungu eenese bono aye mbowa. ¹⁶ Oonga mbo, laa etena yoobwesa iso, toende elenge yemoti. ¹⁷ Bobe ino fee botshutshaeli bamba, beelo, la maiso manu mabe ale eba beende elenge yemoti yoosi ino ale iso. ¹⁸ Lwaso mbo obaiye bale beende la bofela la ekulusu ya Kilisito, laasaa laanu bikeka fee, la owanuwani lele laasa lo la bilelo. ¹⁹ Botangi bwa bu boba nde bolisi; mungu yaabu ambo Solo yabu, bale befiefa ndjaso yina yifa ibo yombi, behenya nde nga ndjaso ya mohili. ²⁰ Nde moi emwasu mole nde laa lobola, emo tokumbaeli Angene Yesu Kilisito ambo mouhesi mwasu. ²¹ Oyo ekikola bono loomba lwasu lwa ebongu, osele lo elenge yemoti la loomba lwa nde lwa bokumi, la loili lole laande lwa bobi oliolo ya ndjaso fee.