¹ Ambeke lifafemi lile ela Kilisito, ambeke buhi bole la loundo, ambeke buasesani bwa mwenda boleho, ambeke boboto la buha bole ho, ² tumesa lohenele lwa mba ani ale ino la liluhanyi limoti, la loundo lomoti, la mwinda momoti. ³ Botonge lwaso ango lomoti elenge ya botehenesi ango elenge ya mofoto, nde laelenge ya bweni mbo ebamoti bale oliolo yanu. ⁴ Seinye mbo omoti la omoti yanu aenangi nga bolo bwande nde alubi limoo bolo bwa ebamoti. ⁵ Ba atite yanu la malahanyi mabi la Yesu Kilisito. ⁶ Oyo auhi la elenge ya Mungu, aibi la liluhanyi la boenganeli la Mungu. 7 Nde auhi ambo moto ati la bosiyo, aosi elenge ya mosali elenge ye moti la bato fee. ⁸ Abototoli la bwelesi to la loho, ango nde toe la loho la ekulusu. ⁹ Lita la bana Mungu aibi inde olioyo oboso ya bato fee, la afi inde lina leti maina fee, ¹⁰ Lita la mbo la lina la Yesu makokonyoko fee masweme se la lobola, oliolo ya nyele la ose ya nyele, ¹¹ La mbo ndame fee yasi mbo Yesu Kilisito ale Angene, la lifiefi la Mungu Sango. ¹² Bona belo ba mba, ani etoso ino bikeka fee,tonga lita la bouhi bwanu la boho la loyayimo, so feo oboso yamba, nde yasi obwiya owani ati mba oboso yanu. ¹³ Lita mbo Mungu nde etonga atite yanu mbo bonange la botongi la elenge yenangi inde. ¹⁴ Tonga ndjaso fee so mahimahimi ango nde bobangi. ¹⁵ Bofamelemee la mbo bobi ndjaa buse djaa, bana ba Mungu ebati la obe atite ya libota lina elolisa mbowa ndoo, ati ya lobola bolola ambo miendi la mohili, ¹⁶ ani aswi ino yohi la boumi, bona Lise la Kilisito mba liba abono la ifata mbo lii mangu ekeka la litonge mosala ekeka. 17 Ango nde la welemi se ambo mana lta lanu la lita la lisala la boimeli bwanu, lehenela la esiya yemoti lanu fee. 8 Ino limo, henela elenge yemoti,la henela lamba esiya yemoti. ¹⁹ Lele letola motema ele Angene Yesu mbo letumela abono owaniwani Timote, lita mbo lebe la bolongi eowa abono mba mboli yanu. ²⁰ Lita mbo liti lanu lamoto yasi ango omoti esanganesa lomba mahenya lita landjaso yanu. ²¹ Bato fee balebe mba feo bolobwabu angene, so bwa Yesu Kilisito. ²² Bolubi mbo baengeli inde ani atongi inde la mba lisala la mbuli ndo, ambo mwana la sango ya nde. ²³ Leluhanyi mbo letomela abono ino inde ekeka yene abono mba bolungi bwa ndjaso yamba. ²⁴ La lile lita motema ele etungani mbo mba ngene leya abono owaniwani. ²⁵ Leni bolo botmeli ino mwelo ya mba Epapalodito, mwendi la mba la mosala la yimo, oyo batomeli mba lande luba la botumesi kamo ya mba. ²⁶ Lita la mbo obi la kamo ya bweni ino fee, la abi la buha mbo buowi lita la wale bwa nde. ²⁷ A bi la wale titina ya loho; nde Mungu aoweli inde buha, so feo inde, la mba limo, lita mbo libee la buha oliolo ya buha. ²⁸ Lotuma inde kalakala, lita mbo bohenele bweni inde la mbo mbangene lebee la buha bwiya. ²⁹ Lutela inde atite ya Angene( la lina la Mungu) la lohenele fee, la olese bato ba elenge yeyo. ³⁰ Lwaso mbo yele nde lita la lisala la Kilisitonnde yebi inde titina ya loho, bofi buumi bwa nde lita la bokeleli mba ekeka yebi ino ho.