¹ La bosio bwaho, beelo bamba ba loundo, la beelo bamba ba loundo, ino eba bole enyange yamba la ekbe ya koso yamba, kanda mitema mianu atite ya Angene , beelo bamba ba loundo. ² Loofa yemotiatite ya Angene. ³ La aye limoo, abiya molo, eeh, loolombo aye mbo obengele ibo, ibo eba bawani lita la mboli ndoo etena yemoti la mba limoo la KELEMA la baendi lamba la lisala ebamoti, eba maina masihemi laa buku bwa boumi. ⁴ Bohenele bikeka fee atite ya Angene, loobinyoela yaasi, bohenele. ⁵ Seinye mbo motema molo mwa molubane la batome fee, Angene ale tiitina. ⁶ Bolengesanee la lwaso ango lomoti, nde laa ndjaso fee, bolubesa kamo yanu ale Mungu la mbowa ya malombo, la misabano, la bofi eboto. ⁷ Laehole ya Mungu, eye yeeti bweli fe, yebwa bono mitema mianu la maluhanyi manu atite ya Yesu Kilisito. ⁸ La botungi, beelo, seinye mbo eyi fee yile omoongo, la eyi fee yile lefefia, eyi fee yile tondoyo, eyi fee yile ndjaa,eyi fee yinangemi, eyi fee yengani boimelemi, eyi fee ya motema molo, layengani la bofiefi, yebi laa mahenya manu. ⁹ Eyi yifalesemi ino, yiboli ino la boowi ale mba, la eyi yeeni ino atite yamba, botonge yo. La Mungu ya ya ehole eba laanu. ¹⁰ Lotuma la enyange oyefi atite ya Angene laa eyi yitongi ino lita la bobinyoeli elenge ya kamo yanu ale mba, bohenyi ho bolo, nde ekeka ya botongi yibiho. ¹¹ Litshase lita la kamo ya mba, lita la mbo lefalesemi boheneli la mombani emo mole mba. ¹² Lelubi elenge ya buuhi laa mbuwa, la lelubi elenge ya buuhi laa mboli, laa ndjaso fee, la bitena fee, lefalesemi la botumi la bobi la isiye, la bobi la mboli, la bobi la mbuwa. ¹³ Lelubi bokeli ndjaso fee la oyo efa mba loili. ¹⁴ Obona botongi bolo lita la bofambani la mba laa muundu. ¹⁵ Bolubi ino angene, Bapilipo, laa litshatshelo la litondoli la mboli ndoo, ekeka yesokbi mba laa Makedonia, linginda angoo limoti liifambani la mba lita la eyi yibi ibo bofi la boohanyi. ¹⁶ Bbwabaa ngaoo botonga ino angene, lita lambo bwatomelaa mba ohala laa Batesaloniki, angoo mbala imbale , litala bosungi laa kamo yamba. ¹⁷ Loti mbo lele nde leemba mafao, ango lele nde leemba tuma eto totuma lita la isabo sanu. 18 Loohanyi fee, la lele atite ya lifoti; letumesemi la buungungu, ekeka yoohnyi mba ale Epafalodito ebo bosokbi ale ino ambo lifao la yenge yelo, lifao lina Mungu eimela, la yehenelesa inde. ¹⁹ La Mungu yamba eenganesa kamo yanu yaatubu boenagneli la liboli la nde, la lifiefi la nde, atite ya Yesu Kilisito. ²⁰ Lifiefi libe ale Mungu Sango la bikeka la bikeka , omongo la omongo, obona. ²¹ Paya ebanyenwi fee atite ya Yesu Kilisito. Beelo eba bale lamba ono baopaya ino. ²² Eba onyemwa fee baopaya ino, bolo bolo eba ndao ya Kaisala. ²³ Seinye mbo loundo lwa Angene Yesu Kilisito lobe la mwenda mwaye.