¹ Mekiṣẹ́dèkì yii, ọba Sálẹ́mù, àlùfáà Ọlọ́run tí ó gajù, tó pàde Ábráhámù nígbà tí ó ń bọ̀ láti ibi tí o ti ṣekú pa àwọn ọba, tí ó ṣì bùkún fún un. ² Òun ni Ábráhámù fún ní ìdámẹ́wàá ohun gbogbo. , orúkọ rẹ̀ tíí se Mekiṣẹ́dèkì túmọ̀ si "ọba olódodo"; àti pé òun ni "ọba Salẹmu", tí í ṣe "ọba àlááfíà." ³ Kòní bàbá, kòní mama, kòni ìran, láì ni ìbẹ̀rẹ̀ àti òpin ayé. Dípò bẹ́ẹ̀, ó farajọ Ọmọ Ọlọ́run, nítorí ó jẹ́ àlùfáà títí láé. ⁴ Ẹ wó bí ọkùnrin yìí ṣe tóbi tó ẹni tí Ábráhámù bàbá nlá fún ní ìdámẹ́wàá ohun gbogbo tí ó ti kó ni ojú ogun. ⁵ Lápákan, Òfin ń bèrè lọ́wọ́ ìran Léfì tí o gba ipò àlúfáà láti gba ìdámẹ́wàá lọ́wọ́ àwọn ènìyàn, èyíi nì àwọn arákùnrin wọn, bó tilẹ̀ jẹ́ pé, àwọn náà, wá láti ẹ̀yà ara Ábráhámù. ⁶ Sùgbọ́n lọ́nàmíràn, Mẹkiṣẹ́dẹ́kì, ẹni tí ìran rẹ̀ kò wá láti ọ̀dọ wọn, o gba ìdámẹ́wàá lọ́wọ́ Ábráhámù, ó ṣì súre fún un, ẹni tí ó ní ìlérí. ⁷ Kòsí ìjanpata pé ẹni kékeré bùkuń fún ẹni nínlá. ⁸ Lórí ọ̀rọ̀ yìí, ènìyán ẹlẹ́ran ara gba ìdámẹ́wàá, sùgbọ́n lórí ọ̀rọ tọ̀hún ẹ̀rí wá pé òún wà títí láé. ⁹ Àti pé, nípa ìgbékalẹ̀ ọ̀rọ̀, Lefi, tí ó gba ìdámẹ́wàá, òun náà pẹ̀lú san ìdámẹ́wàá nípaṣẹ̀ Ábráhámù, ¹⁰ nítori ó wà nínú ara baba ńlá rẹ̀ nígbà tí Mẹkiṣẹ́dẹ́kì páde Ábráhámù. ¹¹ Nísínsín yii, tí àṣepé bá ṣeéṣe nípaṣẹ́ ṣíṣe iṣẹ́ àlùfáà àwọn ọmọ Lefi (nítorí lábẹ́ rẹ́ ni àwọn ènìyàn ti gba òfin), kínní ìwúlo tí ó tún le wà fún àlùfáà míiràn láti dìde ní irúu ìṣe Mẹkiṣẹ́dẹ́kì, àti láìrò ti ìṣe ti Árónì? ¹² Nítori tí ìṣe àlùfáà bá yípadà, òfin pẹ̀lú gbọdọ̀ di yíyí padà. ¹³ Nítorí ẹni náà tí a sọ ǹka wọ̀nyí nípa rẹ̀ jẹ́ ti ìran míran, láti ibi ti ẹnikẹ́ni kò tíì sìn lóri pẹpẹ rí. ¹⁴ Nísínsìnyí ó dájú pe láti Júdàh ni a ti bí Olúwa, ẹ̀yà ti Mósè ko sọ rárá nipa àlùfáà. ¹⁵ Ohun tí à ń sọ tún yé síi nígbà ti àlùfáà míràn bá dìde ni ìlànà ti Mẹkiṣẹ́dẹ́kì. ¹⁶ Kìíṣe lóri òfin ẹran ara ti ìran ni ó ṣe di àlùfáà, ṣùgbọ́n ó dá lóríi agbára tó wà nínú ìyè ayérayé. ¹⁷ Nítori ti ìwé-mímọ́ ń jẹ́rìí nípa Rẹ̀ pé: "àlùfáà kan ni ọ gẹ́gẹ́ bíi ti ìtẹ̀lé ti Mẹkiṣẹ́dẹ́kì" ¹⁸ Nítorí tí a ti fagilé òfin àtijọ́ nítorí pé ó jẹ́ àìlágbára ati àìwúlò, ¹⁹ nítorí òfín ko se ohunkóhun pé, àti pé ìrètí tó sunwọ̀n sì jẹ́ fífihàn, nípa èyí ni àwá se sún mọ́ Ọlọ́run. ²⁰ Èyí kò sẹlẹ̀ láìsí ìbúra. Ní apá kan, àwọn yòókù di àlúfà láìsí ìbúra, ²¹ ṣùgbọn ní apá kejì, èyí i nì, Jésù, di àlúfà nípa ìbúra ẹni tí ó wípé, "Olúwa búra kò sì ní yí ọkàn Rẹ̀ padà: 'Ìwọ jẹ àlúfà títí láé."' ²² Nípa èyí pẹ̀lú Jésù ti fún wa ní ìdánilójú májẹ́mú tí ó sunwọ̀n. ²³ Ní apá kan, ọ̀pọ̀ àlúfá látàri pé ikú kò gbà wọ́n láàyè láti tẹ̀síwájú ní ipò wọn. ²⁴ lápá kejì, nítorí Jésù wà títí láé, Ó ní ipò àlúfà títí láé. ²⁵ Nítorí nàà Ó ní agbára pẹ̀lú láti gba gbogbo àwọn tí ó bá tọ Ọlọ́run wá nípasẹ̀ Rẹ̀ pátápátá, nítorí Ó ń wà láàyè nígbà gbogbo láti ṣìpẹ̀ fún wọn. ²⁶ Nítorí irú olórí àlúfà yí ni ó yẹ fún wa. Ó jẹ́ aláìlẹ́sẹ̀, aláìléèrí, mímọ́ tí a sì yà sọ́tọ̀ kúrò nínú ẹlẹ́sẹ̀, ó sì ti ga ju àwọn ọ̀run lọ. ²⁷ Ko nílò, bi ìse àwọn àlúfà yóku, láti rú ẹbọ ojoojúmọ́, lákọ̀ọ́kọ́ fún ẹ̀ṣẹ̀ ara rẹ̀, àti lẹ́yìn náà fun ẹ̀ṣẹ̀ àwọn ènìyàn. Ó se èyí lẹ́ẹ̀kan náà nígbà ti Ó fi ara Rẹ̀ rúbọ. ²⁸ Nítorí òfin ma ń yan àwọn ọkùnrin tó ní ọ̀pọ̀lọpọ̀ àìlera ní olórí àlúfà. Ṣugbọn ọ̀rọ̀ ti ìbúra, tí ó wá lẹ́yìn òfin, yan Ọmọkùnrin kan, ẹni tí O ti di àsepé títí láé.