¹ Nítorínà, ẹ̀yin ará mímọ́, ẹjẹ́ alábàápín ìpè tí o ti ọ̀run wá. Ẹ kíyèsí Jesu, àpóstélì ati Olórí Àlùfáà ìjẹ́wọ́ ìgbàgbọ́ wa. ² Ó jẹ́ olóòtítọ́ sí Ọlọrun, tí Ó yàn-án gẹ́gẹ́ bí Mose ti jẹ́ olóòtítọ́ nínú ilé Ọlọrun. ³ Nítori a ka Jesu yẹ fún ògo tí o lọ́la ju ti Mose Lọ, bí ẹni tí ó kọ́lé ti ń ọlá ju ilé rẹ̀ lọ. ⁴ Nítorí kò sí ilé kan tí a kò ti ọwọ́ ènìyàn kọ́, ṣùgbọ́n Ọlọrun ni O kọ ohun gbogbo. ⁵ Mose jẹ́ olóòtítọ́ nínú gbogbo ilé Ọlọrun gẹ́gẹ́ bíi ìránsẹ. Oun jẹ́ ẹ̀rí sí àwọn ohun tí a yóò sọ ní ọjọ́ iwájú ⁶ Ṣùgbọ́n kristi ni ọmọ Ọlọrun tí Ó n sàkóso ilé Ọlọrun. Àwa ni ilé Rẹ̀ tí a bá di ìgboyà àti ìsogo ìrètí wa mú sinsin. ⁷ Nítorínà, gẹ́gẹ́ bí Ẹ̀mí Mímọ́ ti wí pé " Lónìí, bi ẹ̀yin bá gbọ́ ohun Rẹ̀, ⁸ ẹ má se sé ọkàn yín le bìi ti àkókò tí ẹ se ìsọ̀tẹ̀, ní àkóko ìdánwò nínú aginjú " ⁹ Nígbà náà ni àwọn baba yin se inúnibíni tí wọ́n dán Mi wò, tí wọ́n sì rí ìse mi fún ogójì ọdún. ¹⁰ Nítorí náà mo bínú sí ìran náà. Mo sọ wípé, "Ní gbogbo ìgbà ni ọkàn wọn ń sákolọ. Wọn kò si mọ ọ̀nà mi." ¹¹ Bí mo ti búra nínú ìbínú mi pé, "wọn kò ní wọ inú ìsinmi mi." ¹² Ẹ kíyèsára, ará, kí á máse rí ẹni kankan nínú yín tí o ní okàn búburú ti àìgbàgbọ, ọkàn tí ó yapa kúrò lọ́dọ̀ Ọlọrun alàye. ¹³ Dípò bẹ́ẹ̀, ẹ máa gba ara yín ní ìyànjú ní ojoojúmọ́, ní gbogbo ìgbà tí a bá pè ní "òni," kí enikẹ́ni nínú yín ma baà sé ọkàn rẹ̀ le nípa ìtànjẹ ẹ̀sẹ̀. ¹⁴ Nítorí pé a ti di alábàsisẹpọ̀ pẹ̀lú Kristi tí a bá di ìgbẹ́kẹ̀lé wa nínú Rẹ̀ mú ṣinṣin títí dé òpin. ¹⁵ Ati sọ nípa èyí pé, "Lónìí, bí ẹ bá gbọ́ ohun Rẹ̀, ẹ má se ọkàn yín le, bíi ti ìgbà ìsọ̀tẹ̀." ¹⁶ Tani ó gbọ tí Ọlọrun sọ̀rọ tó tun sọ̀tẹ̀? Sé kìí se gbogbo àwọn tí Mose kó jáde kúrò ní Éjíbìtì? ¹⁷ Tani Ó bínú sí fún ogójì ọdún? Sé kìí se sí àwọn tí wọ́n sẹ̀, àwọn tí òkú wọn subú sí aginjù? ¹⁸ Tani Ó búra fún wípé, kò ní wọ inú ìsinmi Òun, tí kìí bá se àwọn tí wọn se àìgbọràn sí I? ¹⁹ A rí i pe, wọn kò leè wọ inú ìsinmi Rẹ̀ nítorí àìgbagbọ wọn.