¹ Nítorínà, níwọ̀n ìgbàtí a yí wa ká pẹ̀lú irú ọ̀pọ̀lọpọ̀ àwọ̀sánmọ̀ àwọn ẹlẹ́rìí báyìí, ẹ jẹ́ kí á fi ohun tí ó wúwo gbogbo àti ẹ̀ṣẹ̀ tí ó rọrùn láti so mọ́ wa sí ẹ̀gbẹ́ kan. Ẹ jẹ́ kí á fi sùúrù sá eré ìje tí a gbé sí iwájú wa. ² Ẹ jẹ́ kí á fi etí sí Jésù, ìbẹ̀rẹ̀pẹ̀pẹ̀ àti aláṣepé ìgbàgbọ́. Nítorí ayọ̀ tí a gbé sí iwájú rẹ̀, ó fi ara da àgbélébù, ó kẹ́gàn ìtìjú àgbélébù, ó jókò sí ọwọ́ ọ̀tún ìtẹ́ Ọlọ́run. ³ Nítorínà ẹ má a ronú nípa rẹ̀, ẹni tí ó ti fi ara da irú ìdojúkọ ara-ẹni báyìí láti ọ̀dọ̀ àwọn ẹlẹ́ṣẹ̀, kí ẹ̀yin kí ó má bà rẹ̀wẹ̀sì nínú ọkàn yín kí ẹ sì pẹ̀yìndà. ⁴ Ẹ̀yin kò tí bá ẹ̀ṣẹ̀ wí tàbí bá ẹ̀ṣẹ̀ jà títí dé gbèdéke ìtàjẹ̀sílẹ̀; ⁵ ẹ̀yin sì ti gbàgbé ọ̀rọ̀ ìmúnilọ́kànle tí a fi tọ́ yín gẹ́gẹ́ bí ọmọ. "Ọmọ mi, máṣe banújẹ́ sí ìbáwí Ọlọ́run, tàbí kí o sú ọ nígbà tí Ọlọ́run bá uń fi ìyà jẹ ọ́. ⁶ "Nítorí gbogbo àwọn tí Ọlọ́run bá fẹ́ràn ni ó má báwí, àti wípé ó má fi ìyà jẹ gbogbo àwọn tí ó jẹ́ ọmọ rẹ̀. ⁷ Ẹ fi ara da ìjìyà gẹ́gẹ́ bí i ìbàwí. Ọlọ́run uń bá yín wí gẹ́gẹ́ bí baba sí ọmọ. Nítorí ọmọ wo ni ó wà tí bàbá rẹ̀ kò ní báwì? ⁸ Bí gbogbo ènìyàn bá ní ìbáwi ṣùgbọ́n tí ẹ̀yin bá wà ní àìní ìbàwì, ọmọ àlé ni ẹ jẹ́ ẹ kò í ṣe ọmọ. ⁹ Síwájú si, àwá ní baba nípa ti ara tí à uń sì bọ̀wọ̀ fún wọn gẹ́gẹ́ bí olùbáwí, mélòmélò wá ní ó yẹ kí á gbọ́ràn sí baba wa nínú ẹ̀mí kí á sì yè? ¹⁰ Ní apá kan àwọn baba wa uń bá wa wí bí ó ti tọ́ fún ọjọ díẹ̀. NÍ apá kejì, Ọlọ́run náà ṣe bẹ́ẹ̀ gẹ́gẹ́ fún dídára wa kí á bàle pín nínú ìwàmiímọ́ rẹ̀. ¹¹ Kó sí ìbáwí tí ó dùn mọ́ wa ní ìsinsìnyì, kàkàbẹ́ẹ̀, ó jẹ́ ohun ìnira fún wa. Ṣúgbọ́n ní ìgbẹ̀yìn yíò so èso àláfíà tí òdodo fún àwọn tí ó bá gba ẹ̀kọ́ náà. ¹² Nítorínà, ẹ mú ọwọ́ yín tí ó subú àti erúnkún yín tí ó rọ le. ¹³ Ẹ mú ọ̀nà yín tọ́, kí ohun tí ó ya arọ má bà wà ní yíyarọ síbẹ ṣùgbọ́n kí ó le gba ìmúláradá. ¹⁴ Ẹ lépa àláfíà pẹ̀lú gbogbo ènìyàn, àti pẹ̀lú ìwà mímọ́, ní à ì sí èyí kò sí ẹni tí yíò rí Olúwa. ¹⁵ Ẹ má a kíyèsára kí ẹnikẹ́ni má ba à ṣe aláìní ore-ọ̀fẹ́ Ọlọ́run, àti pé kí gbòuǹgbò ìkorò kankan tí ó le fa wàhálà máṣe hù jáde nínú yín, kí ọ̀pọ̀lọpọ̀ má bà ti ipaṣẹ bẹ́ẹ̀ di aláìmọ́. ¹⁶ Ẹ kíyèsára kó má ṣe sí ágbérè tábí aláìhùwàbí Ọlọ́run ní àrin yín bí i Ísáù, ẹni tí ó ti ìtorí ìṣù òkèlè oúnjẹ kan ta ogún ìbí rẹ̀ . ¹⁷ Nítorí ní ẹ́yìnọ̀rẹyìn ẹ̀yin mọ̀ wípé nígbàtí ó fẹ́ láti jogún ìbùnkún náà padà, a kọ̀ ọ́, nítorípé kò rí àyè fún ìrònúpíwàdà bí ó tilẹ̀ jẹ́ wípé ó fi omijé wa. ¹⁸ Nítorí ẹ̀yin kò tí wá sí òkè tí a le fi ọwọ́ kàn, òkè tí ó uń fi iná jó, tí òkùnkùn, ti ìsúdudu, àti orí-òkè ìjì. ¹⁹ Ẹ̀yin kò tí wá sí ibi ìfun-ìpè, tàbí sí ibi ohun tí ó ún sọ́rọ̀ tí àwọn olùgbọ́ rẹ̀ sí ún bẹ́bẹ̀ wípé kí ó má sọ́ ọ̀rọ̀ míràn mọ́. ²⁰ Nítorí wọn kò le fi ara da ohun tí a pa láṣẹ fún wọn: "Kódà bí ó bá ṣe ẹranko ní ó bá fi ọwọ kan òkè náà, a ó sọ ọ́ ní òkúta pa." ²¹ Nítorí ohun ẹ̀rù báyí tí Mósè rí ni ó fi wípé, "Ẹ̀rù bà mi mo sì wá rírì." ²² Kàkàbẹ́ẹ̀, ẹ̀yín tí wá sí orí-òkè Síónì àti sí ìlú tí Ọlọ́run ún gbé, èyí ni Jerúsálẹ́mù ti ọ̀run, àti sí ẹgbẹ̀rún mẹ́wá àwọn ágẹ́lì tí wọ́n yọ̀. ²³ Ẹ̀yín tí wá sí àwùjọ àwọn àkọ́bí, tí a ti kọ orúkọ wọn sí ọ̀run. Ẹ̀yín ti wá sí ọ̀dọ̀ Ọlọ́run, olùdájọ́ ènìyàn gbogbo, àti sí ọ̀dọ̀ ẹ̀mí òdodo nì tí a ti ṣe ní àṣepé. ²⁴ Ẹ̀yín ti wá sí ọ̀dọ̀ Jésù, alárinà májẹ̀mú titun, àti sí ìbùnwọ́n ẹ̀jẹ́ tí ó ún sọ ohun tí ó dára ju ti ẹ̀jẹ̀ Àbẹ́lì lọ. ²⁵ Ẹ rí i dájú wípé ẹ̀yin kò kọ ẹni tí ó ún sọ̀rọ̀. Nítorí bí wọn kọ̀ bá bọ́ kúrò nígbà tí wọ́n kọ ẹni ti ó kìlọ̀ fún wọn nínú ayé, mélòmélò ni ẹ̀yin yí ò bọ̀ bí ẹ̀yin bá yípadà kúrò ní ọ̀dọ̀ ẹni tí ó ún kìlọ̀ fún yín láti ọ̀run wá. ²⁶ Ní àkókò kan, ohùn rẹ̀ mi ayé. Ṣùgbọ́n níìsínsìnyí ó ti ṣe ìlérí ó sì wípé, "Ní ìgbà kan sí i, Èmi kì yóò mi ayé nìkan, ṣùgbọ́n àti àwọn ọ̀run pẹ̀lú." ²⁷ "Ní ẹ̀kan sí i", àwọn ọ̀rọ̀ wọ̀n yí túmọ̀sí yíyọ àwọn ohun tí ó ṣe é mì, èyí ni, àwọn ohun tí a ti dáá, kí àwọn ohun tí kò ṣé mì bà le wà títí. ²⁸ Nítorínà, ní gbígba ìjọba tí a kò le mì, bẹ́ẹ̀ gẹ́gẹ́ ẹ jẹ́ kí á dúpẹ́ kí á sì sin Ọlọ́run pẹ̀lu ẹ̀rù. ²⁹ Nítorí iná ajónirun ni Ọlọ́run wa.